ਹਾਟਸ਼ਾਟ ਐਪ ਨੂੰ ਲੈ ਕੇ ਕ੍ਰਾਈਮ ਬ੍ਰਾਂਚ ਨੇ ਪੁੱਛੇ ਸ਼ਿਲਪਾ ਸ਼ੈੱਟੀ ਤੋਂ ਤਿੱਖੇ ਸਵਾਲ, ਅਦਾਕਾਰਾ ਨੇ ਦਿੱਤਾ ਇਹ ਜਵਾਬ
07/24/2021 4:00:29 PM
ਮੁੰਬਈ: ਅਸ਼ਲੀਲ ਫ਼ਿਲਮਾਂ ਬਣਾਉਣ ਦੇ ਦੋਸ਼ ’ਚ ਗਿ੍ਰਫ਼ਤਾਰ ਹੋਏ ਬਿਜ਼ਨਸਮੈਨ ਪਤੀ ਰਾਜ ਕੁੰਦਰਾ ਨੂੰ ਲੈ ਕੇ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੀਆਂ ਮੁਸ਼ਕਿਲਾਂ ਵੀ ਵਧਦੀਆਂ ਨਜ਼ਰ ਆ ਰਹੀਆਂ ਹਨ। ਬੀਤੇ ਸ਼ੁੱਕਰਵਾਰ ਕ੍ਰਾਈਮ ਬ੍ਰਾਂਚ ਦੀ ਟੀਮ ਰਾਜ ਕੁੰਦਰਾ ਅਤੇ ਸ਼ਿਲਪਾ ਦੇ ਘਰ ਪਹੁੰਚੀ ਜਿਥੇ ਅਧਿਕਾਰੀਆਂ ਨੇ ਅਦਾਕਾਰਾ ਨਾਲ ਤਕਰੀਬਨ 6 ਘੰਟੇ ਤੱਕ ਪੁੱਛਗਿੱਛ ਕੀਤੀ।
ਕ੍ਰਾਈਮ ਬ੍ਰਾਂਚ ਨੇ ਸ਼ਿਲਪਾ ਦੇ ਘਰ ’ਚ ਤਲਾਸ਼ੀ ਦੌਰਾਨ ਕੁਝ ਇਲੈਕਟ੍ਰੋਨਿਕ ਚੀਜ਼ਾਂ ਜ਼ਬਤ ਕੀਤੀਆਂ ਅਤੇ ਇਸ ਤੋਂ ਬਾਅਦ ਅਦਾਕਾਰਾ ਤੋਂ 20 ਤੋਂ 25 ਸਵਾਲ ਪੁੱਛੇ। ਸੂਤਰਾਂ ਮੁਤਾਬਕ ਕ੍ਰਾਈਮ ਬ੍ਰਾਂਚ ਨੂੰ ਅਜਿਹੀ ਜਾਣਕਾਰੀ ਮਿਲੀ ਕਿ ਸ਼ਿਲਪਾ ਨੂੰ ਹਾਟਸ਼ਾਟ ਦੇ ਬਾਰੇ ’ਚ ਪਤਾ ਸੀ।
ਅਦਾਕਾਰਾ ਨੂੰ ਕ੍ਰਾਈਮ ਬ੍ਰਾਂਚ ਦੇ ਅਧਿਕਾਰੀਆਂ ਵਲੋਂ ਪੁੱਛੇ ਗਏ 20-25 ਸਵਾਲਾਂ ’ਚੋਂ ਇਹ ਸਨ ਮੁੱਖ ਸਵਾਲ...
1. ਤੁਸੀਂ ਵਿਆਨ ਕੰਪਨੀ ’ਚੋਂ ਸਾਲ 2020 ’ਚੋਂ ਕਿਉਂ ਨਿਕਲੀ ਜਦੋਂਕਿ ਕੰਪਨੀ ’ਚ ਤੁਹਾਡੇ ਚੰਗੇ ਖ਼ਾਸੇ ਸ਼ੇਅਰ ਸਨ?
2. ਕੀ ਤੁਹਾਨੂੰ ਵਿਆਨ ਇੰਡਸਟਰੀ ਅਤੇ ਕੇਨਰਿਨ ਕੰਪਨੀ ਦੇ ਵਿਚਾਲੇ ਹੋਣ ਵਾਲੇ ਪੈਸੇ ਦੇ ਲੈਣ-ਦੇਣ ਦੀ ਜਾਣਕਾਰੀ ਹੈ।
ਇਹ ਵੀ ਪੜ੍ਹੋ-ਰਾਜ ਕੁੰਦਰਾ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ 'ਸੁਪਰ ਡਾਂਸਰ 4' ਦੀ ਸ਼ੂਟਿੰਗ 'ਤੇ ਨਹੀਂ ਪਹੁੰਚੀ ਸ਼ਿਲਪਾ, ਇਸ ਅਦਾਕਾਰਾ ਨੇ ਲਈ ਜਗ੍ਹਾ!
3. ਕੀ ਤੁਸੀਂ ਜਾਣਦੇ ਸੀ ਕਿ ਅਸ਼ਲੀਲ ਵੀਡੀਓ ਨੂੰ ਲੰਡਨ ਭੇਜਣ ਜਾਂ ਅਪਲੋਡ ਕਰਨ ’ਚ ਕਈ ਵਾਰ ਵਿਆਨ ਦੇ ਦਫ਼ਤਰ ਦੀ ਵਰਤੋਂ ਕੀਤੀ ਗਈ ਹੈ?
4. ਕੀ ਤੁਹਾਨੂੰ ਹਾਟਸ਼ਾਟ ਐਪ ਦੇ ਬਾਰੇ ’ਚ ਜਾਣਕਾਰੀ ਹੈ? ਅਤੇ ਉਸ ਨੂੰ ਕੌਣ ਚਲਾਉਂਦਾ ਹੈ।
5. ਕੀ ਤੁਹਾਨੂੰ ਪਤਾ ਹੈ ਕਿ ਹਾਟਸ਼ਾਟ ਐਪ ’ਚ ਕਿਸ ਤਰ੍ਹਾਂ ਦਾ ਵੀਡੀਓ ਕੰਟੈਂਟ ਦਿਖਾਇਆ ਜਾਂਦਾ ਹੈ? ਕੀ ਕਦੇ ਤੁਸੀਂ ਹਾਟਸ਼ਾਟ ਦੇ ਕੰਮਕਾਜ਼ ’ਚ ਸ਼ਾਮਲ ਹੋਈ ਹੋ?
ਇਸ ਦੇ ਨਾਲ ਹੀ ਪੁਲਸ ਨੇ ਗਿ੍ਰਫ਼ਤਾਰ ਮੁਲਜ਼ਮਾਂ ਦੇ ਮੋਬਾਇਲ ’ਚੋਂ ਮਿਲੇ ਕੁਝ ਮੈਸੇਜ ਵੀ ਸ਼ਿਲਪਾ ਨੂੰ ਦਿਖਾਏ ਅਤੇ ਉਨ੍ਹਾਂ ਦੇ ਬਾਰੇ ’ਚ ਵੀ ਸਵਾਲ ਪੁੱਛੇ।
ਇਨ੍ਹਾਂ ਸਵਾਲਾਂ ਦੇ ਜਵਾਬ ’ਚ ਸ਼ਿਲਪਾ ਸ਼ੈੱਟੀ ਨੇ ਕਿਹਾ ਕਿ ‘ਹਾਟਸ਼ਾਟ ਐਪ' ’ਤੇ ਜੋ ਵੀ ਵੀਡੀਓਜ਼ ਹਨ ਉਹ ‘ਅਸ਼ਲੀਲ’ ਨਹੀਂ ਸਗੋਂ ‘ਇਰੋਟਿਕ’ ਹਨ। ਅਦਾਕਾਰਾ ਨੇ ਇਹ ਵੀ ਕਿਹਾ ਕਿ ਅਜਿਹਾ ਕੰਟੈਂਟ ਤਾਂ ਦੂਜੇ ਓਟੀਟੀ (ਓਵਰ ਦਿ ਟਾਪ) ਪਲੇਟਫਾਰਮ ’ਤੇ ਵੀ ਮੌਜੂਦ ਹੁੰਦਾ ਹੈ ਜਿਸ ’ਚ ਕਾਫ਼ੀ ਕੁਝ ਓਬਸੀਨ ਹੁੰਦਾ ਹੈ।
ਸੂਤਰਾਂ ਮੁਤਾਬਕ ਸ਼ਿਲਪਾ ਨੇ ਪੁਲਸ ਨੂੰ ਇਹ ਵੀ ਦੱਸਿਆ ਕਿ ਜਿਨ੍ਹਾਂ ਵੀਡੀਓਜ਼ ਨੂੰ ਪੁਲਸ ਅਸ਼ਲੀਲ ਵੀਡੀਓਜ਼ ਦੱਸ ਰਹੀ ਹੈ ਉਨ੍ਹਾਂ ਨੂੰ ਬਣਾਉਣ ’ਚ ਉਨ੍ਹਾਂ ਦਾ ਹੱਥ ਨਹੀਂ ਹੈ।
ਨੋਟ- ਸ਼ਿਲਪਾ ਸ਼ੈੱਟੀ ਨੂੰ ਪੁੱਛੇ ਗਏ ਕ੍ਰਾਈਮ ਬ੍ਰਾਂਚ ਦੇ ਅਧਿਕਾਰੀਆਂ ਵਲੋਂ ਸਵਾਲਾਂ ਨੂੰ ਲੈ ਆਪਣੀ ਰਾਏ ਕੁਮੈਂਟ ਕਰਕੇ ਦੱਸੋ
