ਰਣਬੀਰ ਕਪੂਰ, ਸੰਜੇ ਦੱਤ ਤੇ ਵਾਣੀ ਕਪੂਰ ਦੀ ਫ਼ਿਲਮ ‘ਸ਼ਮਸ਼ੇਰਾ’ ਦਾ ਟੀਜ਼ਰ ਹੋਇਆ ਰਿਲੀਜ਼ (ਵੀਡੀਓ)

ਮੁੰਬਈ (ਬਿਊਰੋ)– ਰਣਬੀਰ ਕਪੂਰ ਸਟਾਰਰ ‘ਸ਼ਮਸ਼ੇਰਾ’ ਫ਼ਿਲਮ ਦਾ ਨਵਾਂ ਟੀਜ਼ਰ ਸਾਹਮਣੇ ਆਇਆ ਹੈ। ਇਸ ਦੇ ਨਾਲ ਹੀ ਇਸ ਫ਼ਿਲਮ ਦੀ ਰਿਲੀਜ਼ ਡੇਟ ਵੀ ਸਾਹਮਣੇ ਆ ਗਈ ਹੈ। ਪ੍ਰਸ਼ੰਸਕ ਰਣਬੀਰ ਦੀ ਫ਼ਿਲਮ ‘ਸ਼ਮਸ਼ੇਰਾ’ ਦਾ ਲੰਮੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਫ਼ਿਲਮ ਦੇ ਟੀਜ਼ਰ ’ਚ ਸਭ ਤੋਂ ਪਹਿਲਾਂ ਸੰਜੇ ਦੱਤ ਦਿਖਾਏ ਜਾਂਦੇ ਹਨ, ਜੋ ਕਿ ਫ਼ਿਲਮ ਬਾਰੇ ਜਾਣਕਾਰੀ ਦਿੰਦੇ ਨਜ਼ਰ ਆ ਰਹੇ ਹਨ।

ਇਹ ਖ਼ਬਰ ਵੀ ਪੜ੍ਹੋ : ‘83’ ਤੋਂ ਬਾਅਦ ‘ਜਯੇਸ਼ਭਾਈ ਜ਼ੋਰਦਾਰ’ ਦੀ ਪਾਰੀ ਖੇਡਣ ਲਈ ਤਿਆਰ ਨੇ ਰਣਵੀਰ ਸਿੰਘ

ਉਥੇ ਵਾਣੀ ਕਪੂਰ ਵੀ ਇਸ ਟੀਜ਼ਰ ’ਚ ਨਜ਼ਰ ਆਉਂਦੀ ਹੈ ਤੇ ਫ਼ਿਲਮ ਬਾਰੇ ਬੋਲਦੀ ਹੈ। ਇਸ ਤੋਂ ਬਾਅਦ ਰਣਬੀਰ ਕਪੂਰ ਵੀ ਹਨੇਰੇ ’ਚ ਬੈਠੇ ਨਜ਼ਰ ਆਉਂਦੇ ਹਨ ਤੇ ਫ਼ਿਲਮ ਬਾਰੇ ਦਰਸ਼ਕਾਂ ਨਾਲ ਗੱਲਬਾਤ ਕਰਦੇ ਹਨ।

ਸੰਜੇ ਦੱਤ ਫ਼ਿਲਮ ਬਾਰੇ ਕਹਿੰਦੇ ਹਨ, ‘ਇਹ ਕਹਾਣੀ ਹੈ ਉਸ ਦੀ, ਜੋ ਕਹਿੰਦਾ ਸੀ ਕਿ ਗੁਲਾਮੀ ਕਿਸੇ ਦੀ ਚੰਗੀ ਨਹੀਂ ਹੁੰਦੀ, ਨਾ ਗੈਰਾਂ ਦੀ ਨਾ ਹੀ ਆਪਣਿਆਂ ਦੀ।’ ਇਸ ਤੋਂ ਬਾਅਦ ਵਾਣੀ ਕਹਿੰਦੀ ਹੈ, ‘ਇਹ ਕਹਾਣੀ ਹੈ ਉਸ ਦੀ, ਜਿਸ ਨੂੰ ਪਿਓ ਦੀ ਵਿਰਾਸਤ ’ਚ ਆਜ਼ਾਦੀ ਦਾ ਸੁਪਨਾ ਮਿਲਿਆ।’ ਇਸ ਤੋਂ ਬਾਅਦ ਰਣਬੀਰ ਕਪੂਰ ਕਹਿੰਦੇ ਹਨ, ‘ਪਰ ਆਜ਼ਾਦੀ ਤੁਹਾਨੂੰ ਕੋਈ ਦਿੰਦਾ ਨਹੀਂ, ਆਜ਼ਾਦੀ ਖੋਹੀ ਜਾਂਦੀ ਹੈ, ਕਰਮ ਤੋਂ ਡਕੈਟ, ਧਰਮ ਤੋਂ ਆਜ਼ਾਦ।’

ਰਣਬੀਰ, ਸੰਜੇ ਤੇ ਵਾਣੀ ਦੀ ਇਹ ਫ਼ਿਲਮ ਇਸੇ ਸਾਲ 22 ਜੁਲਾਈ ਨੂੰ ਰਿਲੀਜ਼ ਹੋਵੇਗੀ। ਫ਼ਿਲਮ 3 ਭਾਸ਼ਾਵਾਂ ’ਚ ਰਿਲੀਜ਼ ਕੀਤੀ ਜਾਵੇਗੀ ਹਿੰਦੀ, ਤਾਮਿਲ ਤੇ ਤੇਲਗੂ। ਇਹ ਫ਼ਿਲਮ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।