ਰੂਬੀਨਾ ਦਿਲੈਕ ਦਾ ਖੁਲਾਸਾ, ਕਿਹਾ ''ਪਤੀ ਅਭਿਨਵ ਸ਼ੁਕਲਾ ਨਾਲ ਖ਼ੁਦ ਨੂੰ ਅਸੁਰੱਖਿਅਤ ਕਰਦੀ ਹਾਂ ਮਹਿਸੂਸ''

ਮੁੰਬਈ (ਬਿਊਰੋ) - ਅਦਾਕਾਰਾ ਰੂਬੀਨਾ ਦਿਲੈਕ ਕਿਸੇ ਨਾ ਕਿਸੇ ਕਾਰਨ ਕਰਕੇ ਸੁਰਖੀਆਂ ਵਿਚ ਬਣੀ ਰਹਿੰਦੀ ਹੈ। ਉਹ ਅਕਸਰ ਆਪਣੇ ਬਿਆਨਾਂ ਕਰਕੇ ਸੁਰਖੀਆਂ ਬਣੀ ਰਹਿੰਦੀ ਹੈ। ਰੂਬੀਨਾ ਨੂੰ ਵਿਆਹ ਬਾਅਦ ਉਨ੍ਹਾਂ ਦੇ ਪਤੀ ਅਭਿਨਵ ਸ਼ੁਕਲਾ ਨਾਲ 'ਬਿੱਗ ਬੌਸ' ਵਿਚ ਵੇਖਿਆ ਗਿਆ ਸੀ।

ਇਸ ਸਭ ਦੇ ਚਲਦੇ ਉਸ ਨੇ ਆਪਣੇ ਪਤੀ ਨੂੰ ਲੈ ਕੇ ਵੱਡਾ ਖ਼ੁਲਾਸਾ ਕੀਤਾ ਹੈ। ਰੂਬੀਨਾ ਨੇ ਖ਼ੁਲਾਸਾ ਕੀਤਾ ਕਿ ਉਹ ਕਈ ਵਾਰੀ ਅਭਿਨਵ ਸ਼ੁਕਲਾ ਨੂੰ ਲੈ ਕੇ ਅਸੁਰੱਖਿਅਤ ਮਹਿਸੂਸ ਕਰਦੀ ਹੈ। ਉਸ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜੀਆਂ ਇਹ ਗੱਲਾਂ ਰੇਡੀਓ ਜੌਕੀ ਸਿਧਾਰਥ ਕਨਨ ਨਾਲ ਗੱਲਬਾਤ ਦੌਰਾਨ ਕੀਤੀਆਂ ਸਨ।

ਰੂਬੀਨਾ ਨੇ ਕਿਹਾ ਸੀ ਕਿ ਅਭਿਨਵ ਨੂੰ ਲੈ ਕੇ ਇਸ ਲਈ ਅਸੁਰੱਖਿਅਤ ਮਹਿਸੂਸ ਕਰਦੀ ਹੈ ਕਿਉਂਕਿ ਸ਼ੁਕਲਾ ਨੂੰ ਉਸ ਨਾਲੋਂ ਜ਼ਿਆਦਾ ਵਧੀਆ ਪਤਨੀ ਮਿਲ ਸਕਦੀ ਸੀ। ਰੂਬੀਨਾ ਨੇ ਕਿਹਾ, ''ਅਸੁਰੱਖਿਅਤ ਖੁਦ ਨੂੰ ਲੈ ਕੇ ਹੁੰਦੀ ਹੈ, ਮੈਂ ਓਨੀ ਚੰਗੀ ਨਹੀਂ ਜਾਂ ਨਹੀਂ ਹੋ ਸਕਦੀ।

ਤੁਹਾਡੇ ਪਾਰਟਨਰ ਲਈ ਤੁਹਾਡੇ ਤੋਂ ਵਧੀਆ ਕੋਈ ਪਾਰਟਨਰ ਹੋ ਸਕਦਾ ਹੈ। ਮੇਰੇ ਅੰਦਰ ਸ਼ਾਇਦ ਇਹ ਕਮੀ ਹੋਵੇਗੀ, ਸ਼ਾਇਦ ਇਹ ਗਲਤੀ ਮੈਂ ਕੀਤੀ ਹੋਵੇਗੀ, ਜਿਸ ਕਾਰਨ ਰਿਸ਼ਤਾ ਨਹੀਂ ਚੱਲ ਰਿਹਾ ਹੈ। ਤੁਸੀ ਜਾਣਦੇ ਹੋ ਕਿ ਖੁਦ ਦੀ ਕਮੀ ਦੱਸਣ ਦੇ ਕਈ ਕਾਰਨ ਮਿਲਣਗੇ। ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੇ ਪਾਰਟਨਰ ਲਈ ਤੁਹਾਡੇ ਤੋਂ ਜ਼ਿਆਦਾ ਖ਼ੂਬਸੂਰਤ ਤੇ ਵਧੀਆ ਇਨਸਾਨ ਹੋ ਸਕਦਾ ਹੈ, ਹੋ ਸਕਦਾ ਹੈ ਜਿਹੜਾ ਉਸ ਨੂੰ ਖੁਸ਼ ਰੱਖ ਸਕੇ।''

ਰੂਬੀਨਾ ਨੇ ਕਿਹਾ ਕਿ ਇਹ ਅਸੁਰੱਖਿਅਤਾ, ਤੁਹਾਡੇ ਬੋਲਚਾਲ 'ਤੇ ਵੀ ਅਸਰ ਪਾਉਂਦੀ ਹੈ ਕਿ ਕਿਵੇਂ ਤੁਸੀ ਸਾਹਮਣੇ ਵਾਲੇ ਨੂੰ ਜਵਾਬ ਦਿੰਦੇ ਹਨ। ਭਾਵੇਂ ਕਿ ਉਸ ਦੇ ਪਤੀ ਨੇ ਉਸ ਨੂੰ ਇਸ ਦਾ ਕਦੇ ਅਹਿਸਾਸ ਨਹੀਂ ਹੋਣਾ ਦਿੱਤਾ ਹੈ। ਉਸ ਨੇ ਦੱਸਿਆ ਕਿ ਅਭਿਨਵ ਨਾਲ ਉਸ ਨੂੰ ਪਹਿਲੀ ਨਜ਼ਰੇ ਹੀ ਪਿਆਰ ਹੋ ਗਿਆ ਸੀ।

ਦੱਸਣਯੋਗ ਹੈ ਕਿ ਰੂਬੀਨਾ ਤੇ ਅਭਿਨਵ ਸ਼ੁਕਲਾ ਦਾ ਪਿਛਲੇ ਦਿਨੀ ਇਕੱਠਿਆਂ ਦਾ ਇੱਕ ਮਿਊਜ਼ਿਕ ਵੀਡੀਓ ਵੀ ਆਇਆ ਹੈ। ਇਸ ਦੌਰਾਨ ਰੂਬੀਨਾ ਨੇ ਕਿਹਾ ਸੀ ਕਿ ਉਸ ਨੂੰ ਪਹਿਲੀ ਨਜ਼ਰ 'ਚ ਹੀ ਪਿਆਰ ਹੋ ਗਿਆ ਸੀ।

ਨੋਟ - ਰੂਬੀਨਾ ਦਿਲੈਕ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।