ਰਾਜੂ ਸ਼੍ਰੀਵਾਸਤਵ ਦੀ ਪਤਨੀ ਦਾ ਹੌਂਸਲਾ ਨਹੀਂ ਟੁੱਟਿਆ, ਕਿਹਾ- ‘ਰਾਜੂ ਜੀ ਫ਼ਾਈਟਰ ਹਨ, ਉਹ ਇਹ ਲੜਾਈ ਜ਼ਰੂਰ ਜਿੱਤਣਗੇ’

ਮੁੰਬਈ- ਰਾਜੂ ਸ਼੍ਰੀਵਾਸਤਵ ਇਸ ਸਮੇਂ ਦਿੱਲੀ ਦੇ ਏਮਜ਼ ਹਸਪਤਾਲ ’ਚ ਜਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਹੇ ਹਨ।ਰਾਜੂ ਸ਼੍ਰੀਵਾਸਤਵ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ ਪਰ ਡਾਕਟਰਾਂ ਦੀ ਟੀਮ ਰਾਜੂ ਦੇ ਇਲਾਜ ’ਚ ਲਗੀ ਹੋਈ ਹੈ। ਇਨ੍ਹਾਂ ਸਭ ਨੂੰ ਲੈ ਕੇ ਰਾਜੂ ਦੀ ਸਿਹਤ ਨਾਲ ਜੁੜੀਆਂ ਖ਼ਬਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ। 

ਇਹ ਵੀ ਪੜ੍ਹੋ : ਭਾਰਤੀ ਸਿੰਘ ਦੇ ਪੁੱਤਰ ਲਕਸ਼ ਬਣੇ ‘ਕ੍ਰਿਸ਼ਨ’, ਵੀਡੀਓ ਸਾਂਝੀ ਕਰ ਜਿੱਤਿਆ ਪ੍ਰਸ਼ੰਸਕਾਂ ਦਾ ਦਿਲ

ਕਾਮੇਡੀਅਨ ਦੀ ਪਤਨੀ ਦਾ ਕਹਿਣਾ ਹੈ ਕਿ ‘ਰਾਜੂ ਸ਼੍ਰੀਵਾਸਤਵ  ਦੀ ਹਾਲਤ ਸਥਿਰ ਹੈ। ਡਾਕਟਰ ਆਪਣਾ ਕੰਮ ਪੂਰੀ ਲਗਨ ਨਾਲ ਕਰ ਰਹੇ ਹਨ। ਰਾਜੂ ਜੀ ਦੇ ਜਲਦੀ ਤੋਂ ਜਲਦੀ ਠੀਕ ਹੋਣ ਨੂੰ ਯਕੀਨੀ ਬਣਾਉਣ ਲਈ ਪੂਰਾ ਮੈਨੇਜਮੈਂਟ ਦਿਨ-ਰਾਤ ਕੰਮ ਕਰ ਰਿਹਾ ਹੈ। ਸਾਨੂੰ ਉਨ੍ਹਾਂ ’ਤੇ ਪੂਰਾ ਭਰੋਸਾ ਹੈ। ਰਾਜੂ ਜੀ ਇਕ ਫ਼ਾਈਟਰ ਹਨ, ਉਹ ਇਹ ਲੜਾਈ ਜ਼ਰੂਰ ਜਿੱਤਣਗੇ। ਉਹ ਇਸ ਨਾਲ ਲੜੇਗਾ ਅਤੇ ਤੁਹਾਡੇ ਸਾਰਿਆਂ ਦਾ ਮਨੋਰੰਜਨ ਕਰਨ ਲਈ ਵਾਪਸ ਆਉਣਗੇ, ਇਹ ਮੇਰਾ ਤੁਹਾਡੇ ਸਾਰਿਆਂ ਨਾਲ ਵਾਅਦਾ ਹੈ। ਸਾਨੂੰ ਸ਼ੁਭਕਾਮਨਾਵਾਂ  ਅਤੇ ਆਸ਼ੀਰਵਾਦ ਮਿਲ ਰਿਹਾ ਹੈ ਅਤੇ ਬਹੁਤ ਸਾਰੇ ਲੋਕ ਉਸਦੀ ਸਿਹਤ ਲਈ ਅਰਦਾਸ, ਪੂਜਾ ਕਰ ਰਹੇ ਹਨ। ਮੈਂ ਬੱਸ ਸਾਰਿਆਂ ਨੂੰ ਬੇਨਤੀ ਕਰਨਾ ਚਾਹੁੰਦੀ ਹਾਂ ਕਿ ਉਹ ਪ੍ਰਾਰਥਨਾਵਾਂ ਜਾਰੀ ਰੱਖਣ।’

ਜਦੋਂ ਸਿਖਾ ਸ਼੍ਰੀਵਾਸਤਵ ਨੂੰ ਇਹ ਸਵਾਲ ਪੁੱਛਿਆ ਗਿਆ ਕਿ ਕਿਹਾ ਜਾ ਰਿਹਾ ਹੈ ਕਿ ਡਾਕਟਰਾ ਨੇ ਉਮੀਦ ਛੱਡ ਦਿੱਤੀ ਹੈ ਅਤੇ ਹੁਣ ਕਿਸੇ ਚਮਤਕਾਰ ਦੀ ਉਮੀਦ ਹੈ ਤਾਂ ਉਸ ਨੇ ਕਿਹਾ ਕਿ ‘ਡਾਕਟਰ ਭਗਵਾਨ ਦੇ ਰੂਪ ’ਚ ਧਰਤੀ ’ਤੇ ਮੌਜੂਦ ਹਨ। ਉਹ ਬਹੁਤ ਵਧੀਆ ਕੰਮ ਕਰ ਰਹੇ ਹਨ। ਇਹ ਅਫਵਾਹਾਂ ਬੇਬੁਨਿਆਦ ਹਨ ਕਿ ਉਨ੍ਹਾਂ ਨੇ ਹਾਰ ਮੰਨ ਲਈ ਹੈ। ਡਾਕਟਰੀ ਤੌਰ ’ਤੇ ਚੀਜ਼ਾਂ ਨੂੰ ਸੰਭਾਲਿਆ ਜਾ ਰਿਹਾ ਹੈ, ਸਾਨੂੰ ਸਬਰ ਕਰਨਾ ਪਵੇਗਾ। ਡਾਕਟਰ ਅਤੇ ਰਾਜੂ ਦੋਵੇਂ ਲੜ ਰਹੇ ਹਨ।ਜਲਦ ਹੀ ਸਭ ਨੂੰ ਸਕਾਰਾਤਮਕ ਨਤੀਜੇ ਮਿਲਣਗੇ। ਮੈਂ ਵਾਅਦਾ ਕਰਦੀ ਹਾਂ ਕਿ ਰਾਜੂ ਸਭ ਦਾ ਮਨੋਰੰਜਨ ਕਰਨ ਲਈ ਵਾਪਸ ਆਉਣਗੇ।’

ਇਹ ਵੀ ਪੜ੍ਹੋ : ਸੋਨਮ ਬਾਜਵਾ ਨੇ ਵਧਾਇਆ ਇੰਟਰਨੈੱਟ ਦਾ ਤਾਪਮਾਨ, ਖੂਬਸੂਰਤ ਤਸਵੀਰਾਂ ਹੋਈਆਂ ਵਾਇਰਲ

ਉਨ੍ਹਾਂ ਨੇ ਅੱਗੇ ਕਿਹਾ ਕਿ ‘ਮੈਂ ਸਾਰਿਆਂ ਨੂੰ ਹੱਥ ਜੋੜ ਕੇ ਬੇਨਤੀ ਕਰਦਾ ਹਾਂ ਕਿ ਉਹ ਰਾਜੂ ਸ਼੍ਰੀਵਾਸਤਵ ਦੀ ਸਿਹਤ ਬਾਰੇ ਅਫ਼ਵਾਹਾਂ ਫ਼ੈਲਾਉਣਾ ਬੰਦ ਕਰਨ। ਕਿਉਂਕਿ ਅਜਿਹੀਆਂ ਅਫ਼ਵਾਹਾਂ ਸਾਡੇ ਨੈਤਿਕ ਅਤੇ ਡਾਕਟਰਾਂ ਨੂੰ ਨੀਵਾਂ ਕਰ ਰਹੀਆਂ ਹਨ। ਅਜਿਹੀਆਂ ਅਫ਼ਵਾਹਾਂ ਸਾਨੂੰ ਪਰੇਸ਼ਾਨ ਕਰ ਰਹੀਆਂ ਹਨ।