ਬਿੱਗ ਬੌਸ ''ਚੋਂ ਬੇਘਰ ਹੁੰਦੇ ਹੀ ਨਿਸ਼ਾਂਤ ਮਲਕਾਨੀ ਨੇ ਸਾਂਝਾ ਕੀਤਾ ਇਹ ਵੀਡੀਓ, ਜਨਤਾ ਤੋਂ ਮੰਗਿਆ ਜਵਾਬ
Thursday, Nov 05, 2020 - 09:25 AM (IST)
ਮੁੰਬਈ : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਇਨ੍ਹੀਂ ਦਿਨੀਂ ਕਾਫ਼ੀ ਸੁਰਖੀਆਂ ਬਟੋਰ ਰਿਹਾ ਹੈ। ਮੁਕਾਬਲੇਬਾਜ਼ਾਂ ਵਿਚਾਲੇ ਲੜਾਈ ਚੱਲ ਰਹੀ ਹੈ। ਇਸ ਨਾਲ ਹੀ ਸ਼ੋਅ 'ਚ ਵੀ ਕਈ ਨਵੇਂ ਮੋੜ ਆ ਰਹੇ ਹਨ। ਉਧਰ, ਇਸ ਵਾਰ ਦੋ ਮੈਂਬਰ ਇਕੱਠੇ ਹੀ ਘਰੋਂ ਬੇਘਰ ਹੋ ਗਏ। 'ਬਿੱਗ ਬੌਸ 14' ਵਿਚ ਇਸ ਹਫ਼ਤੇ ਚਾਰ ਮੁਕਾਬਲੇਬਾਜ਼ ਨਿਸ਼ਾਂਤ ਸਿੰਘ ਮਲਕਾਨੀ, ਰੁਬੀਨਾ ਦਿਲਾਕ, ਕਵਿਤਾ ਕੌਸ਼ਿਕ ਤੇ ਜੈਸਮੀਨ ਭਸੀਨ ਨੌਮੀਨੇਟ ਸਨ। ਅਜਿਹੀ ਸਥਿਤੀ ਵਿਚ 'ਬਿੱਗ ਬੌਸ' ਨੇ ਸੀਨ ਪਲਟਦੇ ਹੋਏ ਦੋ ਮੈਂਬਰਾਂ ਨੂੰ ਇਕੱਠੇ ਬੇਘਰ ਕਰ ਦਿੱਤਾ। ਉਹ ਦੋ ਮੈਂਬਰ ਨਿਸ਼ਾਂਤ ਮਲਕਾਨੀ ਤੇ ਕਵਿਤਾ ਕੌਸ਼ਿਕ ਹਨ।
ਨਿਸ਼ਾਂਤ ਨੇ ਸ਼ੇਅਰ ਕੀਤੀ ਵੀਡੀਓ:
ਅਜਿਹੀ ਸਥਿਤੀ ਵਿਚ ਨਿਸ਼ਾਂਤ ਮਲਕਾਨੀ ਨੇ ਘਰ ਤੋਂ ਬਾਹਰ ਨਿਕਲਦਿਆਂ ਹੀ ਵੀਡੀਓ ਸਾਂਝਾ ਕੀਤਾ ਹੈ। ਇਸ ਵਿਚ ਉਹ ਪਰਿਵਾਰ ਦੇ ਫ਼ੈਸਲੇ ਤੋਂ ਨਾਖੁਸ਼ ਦਿਖਾਈ ਦੇ ਰਿਹਾ ਹੈ। ਵੀਡੀਓ ਵਿਚ ਨਿਸ਼ਾਂਤ ਕਹਿੰਦਾ ਹੈ, "ਇਸ ਹਫ਼ਤੇ 'ਬਿੱਗ ਬੌਸ' ਵਿਚ, ਜੋ ਕੁਝ ਮੇਰੇ ਨਾਲ ਵਾਪਰਿਆ ਹੈ, ਮੇਰੇ ਕੋਲ ਸਿਰਫ਼ ਉਹੀ ਜਵਾਬ ਹੈ, ਜੋ ਮੈਨੂੰ ਦੱਸਿਆ ਗਿਆ ਸੀ, ਚਮਕ ਸਭ ਨੂੰ ਵੇਖਦੀ ਹੈ ਪਰ ਹਨ੍ਹੇਰਾ ਕੋਈ ਵੀ ਨਹੀਂ ਵੇਖਦਾ।"
ਦੱਸ ਦਈਏ ਕਿ ਨਿਸ਼ਾਂਤ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਨਿਸ਼ਾਂਤ ਨੇ ਕੈਪਸ਼ਨ ਵਿਚ ਲਿਖਿਆ, 'ਤੁਹਾਡੇ ਖ਼ਿਆਲ ਵਿਚ ਜੋ #BB house ਵਿਚ ਹੋਇਆ ਕੀ ਸਹੀ ਹੋਇਆ?' ਜਿਸ 'ਤੇ ਕਈ ਪ੍ਰਸ਼ੰਸਕਾਂ ਨੇ ਉਸ ਦਾ ਸਮਰਥਨ ਕਰਦਿਆਂ ਕਿਹਾ ਕਿ ਉਹ ਘਰ 'ਚ ਰਹਿਣਾ ਡਿਜ਼ਰਵ ਕਰਦਾ ਸੀ।
ਨਿਸ਼ਾਂਤ ਮਲਕਾਨੀ ਹੁਣ ਤੱਕ ਸ਼ੋਅ ਵਿਚ ਜ਼ਿਆਦਾ ਪ੍ਰਭਾਵ ਨਹੀਂ ਦਿਖਾ ਸਕਿਆ। ਸਲਮਾਨ ਖ਼ਾਨ ਲਗਾਤਾਰ ਉਸ ਨੂੰ ਚੰਗਾ ਪ੍ਰਦਰਸ਼ਨ ਕਰਨ ਅਤੇ ਸ਼ੋਅ ਵਿਚ ਸਰਗਰਮ ਰਹਿਣ ਲਈ ਕਹਿ ਰਹੇ ਸਨ। ਨਿਸ਼ਾਂਤ ਮਲਕਾਨੀ ਨੇ ਸ਼ੋਅ ਵਿਚ ਆਪਣੀ ਤਾਕਤ ਦਾ ਪ੍ਰਦਰਸ਼ਨ ਕੀਤਾ ਪਰ ਉਸ ਨੂੰ ਦੂਜੇ ਪ੍ਰਤੀਭਾਗੀਆਂ ਵਾਂਗ ਅਟੈਂਸ਼ਨ ਨਹੀਂ ਮਿਲਿਆ।
