ਪੀ. ਐੱਮ. ਮੋਦੀ ਨੂੰ ‘ਕੇ. ਜੀ. ਐੱਫ. 2’ ਦੀ ਰਿਲੀਜ਼ ਮੌਕੇ ਨੈਸ਼ਨਲ ਹਾਲੀਡੇ ਕਰਨ ਦੀ ਉਠੀ ਮੰਗ, ਵਾਇਰਲ ਹੋਈ ਚਿੱਠੀ

02/02/2021 4:02:13 PM

ਮੁੰਬਈ (ਬਿਊਰੋ)– ਕੰਨੜ ਸੁਪਰਸਟਾਰ ਯਸ਼ ਦੀ ਫ਼ਿਲਮ ‘ਕੇ. ਜੀ. ਐੱਫ. 2’ ਨੂੰ ਲੈ ਕੇ ਪ੍ਰਸ਼ੰਸਕਾਂ ’ਚ ਕਿਸ ਹੱਦ ਤਕ ਉਤਸ਼ਾਹ ਹੈ, ਇਸ ਗੱਲ ਦਾ ਅੰਦਾਜ਼ਾ ਤੁਸੀਂ ਇਥੋਂ ਲਗਾ ਲਓ ਕਿ ਫ਼ਿਲਮ ਦੀ ਰਿਲੀਜ਼ ਡੇਟ ਵਾਲੇ ਦਿਨ ਨੈਸ਼ਨਲ ਹਾਲੀਡੇ ਦੀ ਮੰਗ ਕੀਤੀ ਜਾ ਰਹੀ ਹੈ।

ਜੀ ਹਾਂ, ਸੋਸ਼ਲ ਮੀਡੀਆ ’ਤੇ ਇਕ ਚਿੱਠੀ ਵਾਇਰਲ ਹੋ ਰਹੀ ਹੈ, ਜਿਸ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਇਹ ਮੰਗ ਕੀਤੀ ਜਾ ਰਹੀ ਹੈ ਕਿ ‘ਕੇ. ਜੀ. ਐੱਫ. 2’ ਦੀ ਰਿਲੀਜ਼ ਡੇਟ ’ਤੇ ਉਹ ਅਧਿਕਾਰਤ ਛੁੱਟੀ ਦਾ ਐਲਾਨ ਕਰਨ। ਫ਼ਿਲਮ 16 ਜੁਲਾਈ, 2021 ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਕੀਤੀ ਜਾਣੀ ਹੈ।

ਇਸ ਦੌਰਾਨ ਯਸ਼ ਦੇ ਪ੍ਰਸ਼ੰਸਕਾਂ ਨੇ ਪੀ. ਐੱਮ. ਮੋਦੀ ਦੇ ਨਾਂ ’ਤੇ ਇਕ ਚਿੱਠੀ ਲਿਖੀ ਹੈ, ਜਿਸ ’ਚ ਉਨ੍ਹਾਂ ਨੇ ਬੇਨਤੀ ਕੀਤੀ ਹੈ ਕਿ ਫ਼ਿਲਮ ਦੀ ਰਿਲੀਜ਼ ਵਾਲੇ ਦਿਨ ਪੀ. ਐੱਮ. ਨੈਸ਼ਨਲ ਹਾਲੀਡੇ ਦਾ ਐਲਾਨ ਕਰਨ। ਜਿਵੇਂ ਅਸੀਂ ਸਾਰੇ ਜਾਣਦੇ ਹਾਂ ਕਿ ਯਸ਼ ਸਟਾਰਰ ‘ਕੇ. ਜੀ. ਐੱਫ. 2’ 16 ਜੁਲਾਈ, 2021 ਨੂੰ ਰਿਲੀਜ਼ ਹੋ ਰਹੀ ਹੈ।

ਚਿੱਠੀ ’ਚ ਅੱਗੇ ਲਿਖਿਆ ਹੈ ਕਿ ਜ਼ਿਆਦਾਤਰ ਲੋਕ ਇਸ ਫ਼ਿਲਮ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਇਸ ਲਈ ਅਸੀਂ ਤੁਹਾਡੇ ਤੋਂ ਇਸ ਦਿਨ ਨੈਸ਼ਨਲ ਹਾਲੀਡੇ ਕਰਨ ਦੀ ਬੇਨਤੀ ਕਰ ਰਹੇ ਹਾਂ। ਕਿਰਪਾ ਕਰਕੇ ਸਾਡੀਆਂ ਭਾਵਨਾਵਾਂ ਨੂੰ ਸਮਝਣ ਦੀ ਕੋਸ਼ਿਸ਼ ਕਰੋ। ਇਹ ਸਿਰਫ ਇਕ ਫ਼ਿਲਮ ਨਹੀਂ, ਇਹ ਸਾਡੀ ਭਾਵਨਾ ਹੈ। ਸ਼ੁਕਰੀਆ... ਰਾਕਿੰਗ ਸਟਾਰ ਯਸ਼ ਬੌਸ ਦਾ ਫੈਨ।

ਨੋਟ– ‘ਕੇ. ਜੀ. ਐੱਫ. 2’ ਦੀ ਤੁਸੀਂ ਕਿੰਨੀ ਉਡੀਕ ਕਰ ਰਹੇ ਹੋ। ਕੁਮੈਂਟ ਕਰਕੇ ਜ਼ਰੂਰ ਦੱਸੋ।


Rahul Singh

Content Editor

Related News