46 ਸਾਲਾਂ ਦੀ ਉਮਰ ''ਚ ਦੂਜੀ ਵਾਰ ਮਾਂ ਬਣੀ ਮੰਦਿਰਾ ਬੇਦੀ, ਸਾਂਝੀ ਕੀਤੀ ਤਸਵੀਰ
10/26/2020 4:43:09 PM
ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਮੰਦਿਰਾ ਬੇਦੀ 48 ਸਾਲ ਦੀ ਉਮਰ ਵਿਚ ਦੂਜੀ ਵਾਰ ਮਾਂ ਬਣ ਗਈ ਹੈ। ਦਰਅਸਲ, ਮੰਦਿਰਾ ਬੇਦੀ ਅਤੇ ਉਸ ਦੇ ਪਤੀ ਰਾਜ ਕੌਸ਼ਲ ਨੇ ਇਕ ਬੱਚੀ ਨੂੰ ਗੋਦ ਲਿਆ ਹੈ, ਜਿਸ ਦਾ ਨਾਮ ਕਪਾਲ ਨੇ ਤਾਰਾ ਬੇਦੀ ਕੌਸ਼ਲ ਰੱਖਿਆ ਹੈ। ਮੰਦਿਰਾ ਬੇਦੀ ਨੇ ਇਸ ਖੁਸ਼ਖਬਰੀ ਨੂੰ ਆਪਣੇ ਪ੍ਰਸ਼ੰਸਕਾਂ ਨਾਲ ਸੋਸ਼ਲ ਮੀਡੀਆ ਰਾਹੀਂ ਸਾਂਝਾ ਕੀਤਾ ਹੈ। ਮੰਦਿਰਾ ਨੇ ਪ੍ਰਸ਼ੰਸਕਾਂ ਨਾਲ ਇਕ ਪਰਿਵਾਰਕ ਤਸਵੀਰ ਸ਼ੇਅਰ ਕੀਤੀ ਹੈ। ਤਸਵੀਰ ਵਿਚ ਉਸ ਦਾ ਪਤੀ ਰਾਜ, ਬੇਟਾ ਵੀਰ ਅਤੇ ਬੇਟੀ ਤਾਰਾ ਦਿਖਾਈ ਦੇ ਰਹੇ ਹਨ।
ਮੰਦਿਰਾ ਨੇ ਦੱਸਿਆ ਕਿ ਤਾਰਾ 28 ਜੁਲਾਈ 2020 ਨੂੰ ਉਸ ਦੇ ਪਰਿਵਾਰ ਦਾ ਹਿੱਸਾ ਬਣ ਗਈ ਸੀ। ਮੰਦਿਰਾ ਨੇ ਧੀ ਦੀ ਜਾਣ ਪਛਾਣ ਕਰਾਉਂਦੇ ਹੋਏ ਪੋਸਟ ਵਿਚ ਲਿਖਿਆ, 'ਤਾਰਾ ਸਾਡੇ ਸਾਰਿਆਂ ਲਈ ਵਰਦਾਨ ਵਜੋਂ ਆਈ ਹੈ। ਸਾਡੀ ਛੋਟੀ ਧੀ ਤਾਰਾ। ਵੀਰ ਨੇ ਆਪਣੀ ਭੈਣ ਦਾ ਘਰ ਖੁੱਲੇ ਦਿਲ ਅਤੇ ਪਿਆਰ ਨਾਲ ਸਵਾਗਤ ਕੀਤਾ। ਮੈਂ ਬਹੁਤ ਖੁਸ਼ ਹਾਂ ਕਿ ਤਾਰਾ 28 ਜੁਲਾਈ 2020 ਨੂੰ ਇਸ ਪਰਿਵਾਰ ਦਾ ਹਿੱਸਾ ਬਣ ਗਈ।' ਮੰਦਿਰਾ ਦੇ ਪਤੀ ਨੇ ਆਪਣੀ ਪੋਸਟ ਵਿਚ ਲਿਖਿਆ – ਦੁਸਹਿਰੇ ਦੇ ਤਿਉਹਾਰ ਮੌਕੇ, ਅਸੀਂ ਆਪਣੇ ਘਰ ਦੇ ਨਵੇਂ ਮੈਂਬਰ, ਤਾਰਾ ਬੇਦੀ ਕੌਸ਼ਲ ਨੂੰ ਜਾਣਨਾ ਚਾਹੁੰਦੇ ਹਾਂ। ਆਖਿਰਕਾਰ, ਸਾਡਾ ਪਰਿਵਾਰ ਪੂਰਾ ਹੋ ਗਿਆ ਹੈ। ਅਸੀਂ ਦੋ ਆਪਣੇ ਦੋ। ਪ੍ਰਸ਼ੰਸਕ ਹੁਣ ਇਸ ਜੋੜੀ ਨੂੰ ਬਹੁਤ ਵਧਾਈ ਦੇ ਰਹੇ ਹਨ।
ਦੱਸਣਯੋਗ ਹੈ ਕਿ ਮੰਦਿਰਾ ਦਾ ਪਤੀ ਰਾਜ ਕੌਸ਼ਲ ਡਾਇਰੈਕਟਰ ਅਤੇ ਨਿਰਮਾਤਾ ਹੈ। ਦੋਵਾਂ ਦਾ ਫਰਵਰੀ 1999 ਵਿਚ ਵਿਆਹ ਹੋਇਆ ਸੀ। ਇਸ ਜੋੜੀ ਦਾ ਆਪਣਾ ਪਹਿਲਾ ਬੱਚਾ 2011 ਵਿਚ ਹੋਇਆ ਸੀ। ਉਸ ਦੇ ਪੁੱਤਰ ਦਾ ਨਾਮ ਵੀਰ ਹੈ।