Laughter Chefs 2 'ਚ ਵਾਪਰਿਆ ਹਾਦਸਾ, ਮਸ਼ਹੂਰ ਅਦਾਕਾਰ ਦੀ ਵਾਲ- ਵਾਲ ਬਚੀ ਜਾਨ

ਮੁੰਬਈ- ਇਨ੍ਹੀਂ ਦਿਨੀਂ, ਦਰਸ਼ਕਾਂ ਨੂੰ ਕਲਰਸ ਟੀ.ਵੀ. ਸ਼ੋਅ ਲਾਫਟਰ ਸ਼ੈੱਫ 'ਚ ਬਹੁਤ ਮਨੋਰੰਜਨ ਮਿਲ ਰਿਹਾ ਹੈ। ਜਿਸ ਤਰ੍ਹਾਂ ਸੈਲੇਬਸ ਹੱਸਦੇ ਹੋਏ ਖਾਣਾ ਬਣਾ ਰਹੇ ਹਨ, ਦਰਸ਼ਕਾਂ ਨੂੰ ਉਨ੍ਹਾਂ ਨੂੰ ਇਸ ਤਰ੍ਹਾਂ ਸੰਘਰਸ਼ ਕਰਦੇ ਦੇਖ ਕੇ ਬਹੁਤ ਮਜ਼ਾ ਆ ਰਿਹਾ ਹੈ ਪਰ ਕਈ ਵਾਰ ਦਰਸ਼ਕਾਂ ਦਾ ਇਹ ਮਜ਼ਾਕ ਸੈਲੇਬ੍ਰਿਟੀਜ਼ ਲਈ ਸਜ਼ਾ ਵੀ ਬਣ ਜਾਂਦਾ ਹੈ। ਕਈ ਵਾਰ ਖਾਣਾ ਪਕਾਉਂਦੇ ਸਮੇਂ, ਮਸ਼ਹੂਰ ਹਸਤੀਆਂ ਦੇ ਹੱਥ ਵੀ ਸੜ ਜਾਂਦੇ ਹਨ ਜਾਂ ਉਨ੍ਹਾਂ ਦੇ ਚਿਹਰੇ ਜਾਂ ਹੱਥਾਂ 'ਤੇ ਗਰਮ ਤੇਲ ਦੇ ਛਿੱਟੇ ਪੈ ਜਾਂਦੇ ਹਨ। ਸ਼ੋਅ 'ਚ ਇੱਕ ਵਾਰ ਫਿਰ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲਿਆ। 

ਇਹ ਵੀ ਪੜ੍ਹੋ-OSCAR 2025: ਪ੍ਰਿਅੰਕਾ ਚੋਪੜਾ ਦੀ ਫ਼ਿਲਮ 'ਅਨੁਜਾ' ਨੂੰ ਨਹੀਂ ਮਿਲਿਆ ਐਵਾਰਡ

ਸ਼ੋਅ 'ਚ ਬਾਲੀਵੁੱਡ ਥੀਮ ਦਿੱਤੀ ਦਿਖਾਈ 
ਦਰਅਸਲ, ਸ਼ਨੀਵਾਰ ਨੂੰ ਟੈਲੀਕਾਸਟ ਕੀਤੇ ਗਏ ਐਪੀਸੋਡ ਦੌਰਾਨ, ਸਾਰੇ ਜੋੜਿਆਂ ਨੂੰ ਇੱਕ ਵਿਸ਼ਾਲ ਸਮੋਸਾ ਬਣਾਉਣਾ ਪਿਆ। ਇਸ ਦੌਰਾਨ ਸਾਰੇ ਸੈਲੇਬਸ ਬਾਲੀਵੁੱਡ ਅਵਤਾਰ 'ਚ ਨਜ਼ਰ ਆਏ। ਸਾਰਿਆਂ ਨੇ ਕਿਸੇ ਨਾ ਕਿਸੇ ਅਦਾਕਾਰ ਦਾ ਅਵਤਾਰ ਧਾਰਨ ਕੀਤਾ ਹੋਇਆ ਸੀ। ਜਿੱਥੇ ਰੁਬੀਨਾ ਪ੍ਰਿਅੰਕਾ ਚੋਪੜਾ ਦੇ ਦੇਸੀ ਗਰਲ ਅਵਤਾਰ 'ਚ ਦਿਖਾਈ ਦਿੱਤੀ ਸੀ, ਉੱਥੇ ਰਾਹੁਲ ਹਿਮੇਸ਼ ਰੇਸ਼ਮੀਆ ਦੇ ਰੂਪ 'ਚ ਨਜ਼ਰ ਆਏ ਸਨ। ਮਨਾਰਾ ਚੋਪੜਾ ਕਰੀਨਾ ਦੇ ਲੁੱਕ 'ਚ ਅਭਿਸ਼ੇਕ ਕੁਮਾਰ ਸ਼ਾਹਰੁਖ ਦੇ ਲੁੱਕ 'ਚ ਅਤੇ ਅੰਕਿਤਾ ਲੋਖੰਡੇ ਰੇਖਾ ਦੇ ਲੁੱਕ 'ਚ ਨਜ਼ਰ ਆਈ।

ਇਹ ਵੀ ਪੜ੍ਹੋ-ਮਾਹਿਰਾ ਸ਼ਰਮਾ ਨੇ ਮਹਿੰਦੀ ਵਾਲੇ ਹੱਥਾਂ ਦੀ ਸਾਂਝੀ ਕੀਤੀ ਫ਼ੋਟੋ,'ਕੀ ਇਹ ਸਿਰਾਜ ਦੇ ਨਾਂ ਦੀ ਹੈ ਮਹਿੰਦੀ ਹੈ

ਕ੍ਰਿਸ਼ਨ ਅਭਿਸ਼ੇਕ ਨਾਲ ਹੋਇਆ ਹਾਦਸਾ
ਇਸ ਦੌਰਾਨ ਕਾਮੇਡੀਅਨ ਕ੍ਰਿਸ਼ਨਾ ਅਭਿਸ਼ੇਕ ਸੰਜੇ ਦੱਤ ਦੇ ਕਾਂਚਾ ਚੀਨਾ ਲੁੱਕ 'ਚ ਨਜ਼ਰ ਆਏ ਜਦੋਂ ਕਿ ਉਨ੍ਹਾਂ ਦੀ ਪਤਨੀ ਕਸ਼ਮੀਰਾ ਸ਼ਾਹ ਸ਼੍ਰੀਦੇਵੀ ਦੇ ਅਵਤਾਰ 'ਚ ਨਜ਼ਰ ਆਈ। ਇਸ ਦੌਰਾਨ, ਕ੍ਰਿਸ਼ਨਾ ਨਾਲ ਸਮੋਸੇ ਤਲਦੇ ਸਮੇਂ ਇੱਕ ਹਾਦਸਾ ਵਾਪਰ ਗਿਆ। ਸਮੋਸਾ ਗਰਮ ਤੇਲ 'ਚ ਇਸ ਤਰ੍ਹਾਂ ਗਿਆ ਕਿ ਇਸ ਦੇ ਛਿੱਟੇ ਸਿੱਧੇ ਕ੍ਰਿਸ਼ਨਾ ਦੇ ਹੱਥ 'ਤੇ ਪਏ। ਇਸ ਦੌਰਾਨ ਉਸ ਦੀ ਪਤਨੀ ਕਸ਼ਮੀਰਾ ਨੇ ਵੀ ਉੱਚੀ-ਉੱਚੀ ਚਿਲਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਤੇਲ ਦੇ ਕੜਾਹੀ ਤੋਂ ਦੂਰ ਚਲੀ ਗਈ।ਕ੍ਰਿਸ਼ਨ ਦਾ ਹੱਥ ਗਰਮ ਤੇਲ ਦੇ ਇੰਨਾ ਨੇੜੇ ਚਲਾ ਗਿਆ ਸੀ ਕਿ ਉਸ ਸਮੇਂ ਕੁਝ ਵੀ ਹੋ ਸਕਦਾ ਸੀ। ਸ਼ੁਕਰ ਹੈ ਕਿ ਇਸ ਦੌਰਾਨ ਕ੍ਰਿਸ਼ਨਾ ਅਤੇ ਕਸ਼ਮੀਰਾ ਵਾਲ-ਵਾਲ ਬਚ ਗਏ ਅਤੇ ਇੱਕ ਵੱਡਾ ਹਾਦਸਾ ਟਲ ਗਿਆ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8