ਕੇਸਰੀ ਵੀਰ: ਲੈਜੇਂਡਸ ਆਫ ਸੋਮਨਾਥ ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ)- ਫਿਲਮ ਕੇਸਰੀ ਵੀਰ: ਲੈਜੇਂਡਸ ਆਫ ਸੋਮਨਾਥ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ, ਜੋ ਸੋਮਨਾਥ ਮੰਦਰ ਦੀ ਰੱਖਿਆ ਲਈ ਲੜਨ ਵਾਲੇ ਮਹਾਨ ਨਾਇਕਾਂ ਦੀ ਕਹਾਣੀ ਦਿਖਾਉਣ ਜਾ ਰਹੀ ਹੈ। ਸੁਨੀਲ ਸ਼ੈੱਟੀ, ਵਿਵੇਕ ਓਬਰਾਏ ਅਤੇ ਸੂਰਜ ਪੰਚੋਲੀ ਅਭਿਨੀਤ, ਕੇਸਰੀ ਵੀਰ: ਲੈਜੇਂਡਸ ਆਫ ਸੋਮਨਾਥ ਇਸ ਸਾਲ ਦੀਆਂ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਪੀਰੀਅਡ ਫਿਲਮਾਂ ਵਿੱਚੋਂ ਇੱਕ ਹੈ। ਇਹ ਫਿਲਮ ਹਮੀਰਜੀ ਗੋਹਿਲ ਦੀ ਬਹਾਦਰੀ ਦੀ ਕਹਾਣੀ ਹੈ, ਜਿਨ੍ਹਾਂ ਨੇ ਤੁਗਲਕ ਸਾਮਰਾਜ ਦੇ ਖਿਲਾਫ ਮੰਦਰ ਅਤੇ ਹਿੰਦੂ ਧਰਮ ਦੀ ਰੱਖਿਆ ਕੀਤੀ। 'ਕੇਸਰੀ ਵੀਰ: ਲੈਜੇਂਡਸ ਆਫ ਸੋਮਨਾਥ' ਵਿੱਚ, ਸੁਨੀਲ ਸ਼ੈੱਟੀ ਅਜਿੱਤ ਯੋਧਾ ਵੇਗੜਾ ਜੀ ਦੀ ਭੂਮਿਕਾ ਨਿਭਾ ਰਹੇ ਹਨ, ਜਦੋਂ ਕਿ ਸੂਰਜ ਪੰਚੋਲੀ ਇੱਕ ਅਣਸੁਣੇ ਹੀਰੋ ਅਤੇ ਨੌਜਵਾਨ ਰਾਜਪੂਤ ਰਾਜਕੁਮਾਰ ਵੀਰ ਹਮੀਰਜੀ ਗੋਹਿਲ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਵਿਵੇਕ ਓਬਰਾਏ ਖਲਨਾਇਕ ਜ਼ਫਰ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ, ਜਦੋਂ ਕਿ ਡੈਬਿਊ ਕਰ ਰਹੀ ਅਦਾਕਾਰਾ ਆਕਾਂਕਸ਼ਾ ਸ਼ਰਮਾ, ਸੂਰਜ ਦੇ ਕਿਰਦਾਰ ਨਾਲ ਇੱਕ ਰੋਮਾਂਟਿਕ ਟਰੈਕ ਰਾਹੀਂ ਕਹਾਣੀ ਵਿਚ ਭਾਵਨਾਤਮਕ ਰੰਗ ਭਰੇਗੀ। 

ਸੁਨੀਲ ਸ਼ੈੱਟੀ, ਵਿਵੇਕ ਓਬਰਾਏ, ਸੂਰਜ ਪੰਚੋਲੀ ਅਤੇ ਆਕਾਂਕਸ਼ਾ ਸ਼ਰਮਾ ਦੀ ਅਗਵਾਈ ਵਾਲੀ ਇੱਕ ਮਜ਼ਬੂਤ ​​ਸਟਾਰ ਕਾਸਟ ਵਾਲੀ ਫਿਲਮ ਕੇਸਰੀ ਵੀਰ, ਚੌਹਾਨ ਸਟੂਡੀਓਜ਼ ਦੇ ਬੈਨਰ ਹੇਠ ਕਾਨੂ ਚੌਹਾਨ ਦੁਆਰਾ ਨਿਰਮਿਤ ਹੈ। ਪੈਨੋਰਮਾ ਸਟੂਡੀਓਜ਼ ਦੀ ਇਹ ਫਿਲਮ 16 ਮਈ 2025 ਨੂੰ ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਰੋਮਾਂਚਿਤ ਕਰਨ ਲਈ ਆ ਰਹੀ ਹੈ।