'ਕੋਈ ਕੋ-ਸਟਾਰ ਇੰਨੀਆਂ ਪ੍ਰਾਈਵੇਟ ਗੱਲਾਂ ਕਿਵੇਂ ਜਾਣ ਸਕਦਾ ਹੈ ?"; ਕਸ਼ਮੀਰਾ ਸ਼ਾਹ ਨੇ ਕੋਮਲ ਰਾਣੀ 'ਤੇ ਕੱਢੀ ਭੜਾਸ

 ਮੁੰਬਈ (ਏਜੰਸੀ)- ਅਦਾਕਾਰਾ ਕਸ਼ਮੀਰਾ ਸ਼ਾਹ ਨੇ ਗੋਵਿੰਦਾ ਦੀ ਪਤਨੀ ਯਾਨੀ ਆਪਣੀ ਮਾਮੀ ਸੱਸ ਦਾ ਸਮਰਥਨ ਕੀਤਾ ਹੈ। ਗੋਵਿੰਦਾ ਦੀ ਕਥਿਤ ਪ੍ਰੇਮਿਕਾ, ਅਦਾਕਾਰਾ ਕੋਮਲ ਰਾਣੀ ਸਵਰਨਕਾਰ ਵੱਲੋਂ ਸੁਨੀਤਾ ਨੂੰ 'ਚਲਾਕ ਔਰਤ' ਕਹਿਣ ਅਤੇ ਇਹ ਦਾਅਵਾ ਕਰਨ ਦੇ ਇਕ ਦਿਨ ਬਾਅਦ ਕਿ ਉਸ (ਕੋਮਲ) ਦੇ ਆਉਣ ਤੋਂ ਪਹਿਲਾਂ ਹੀ ਗੋਵਿੰਦਾ ਅਤੇ ਸੁਨੀਤਾ ਦੀ ਵਿਆਹੁਤਾ ਜ਼ਿੰਦਗੀ ਵਿੱਚ ਸਮੱਸਿਆਵਾਂ ਸਨ, ਕਸ਼ਮੀਰਾ ਨੇ ਸਵਾਲ ਕੀਤਾ ਕਿ ਕੋਮਲ ਨੂੰ ਆਪਣੇ ਸਹਿ-ਕਲਾਕਾਰ ਦੀ ਨਿੱਜੀ ਜ਼ਿੰਦਗੀ ਬਾਰੇ ਇੰਨੀਆਂ ਨਿੱਜੀ ਗੱਲਾਂ ਕਿਵੇਂ ਪਤਾ ਲੱਗੀਆਂ।

ਇਹ ਵੀ ਪੜ੍ਹੋ: ਸੁਪਰਹਿੱਟ ਹੋਈ 'ਹਨੂੰਮਾਨ ਅੰਸ਼', 2 ਕਰੋੜ 'ਚ ਬਣੀ ਫਿਲਮ ਨੇ 400 ਕਰੋੜ ਦਾ ਅੰਕੜਾ ਕੀਤਾ ਪਾਰ

ਉਸਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਲਿਖਿਆ, "ਮੇਰੇ ਕਰੀਅਰ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ, 30 ਸਾਲਾਂ ਅਤੇ ਕੁੱਲ 50 ਫਿਲਮਾਂ ਵਿੱਚ, ਮੇਰੇ ਕਿਸੇ ਵੀ 'ਸਹਿ-ਕਲਾਕਾਰ' ਨੂੰ ਮੇਰੀ ਨਿੱਜੀ ਜ਼ਿੰਦਗੀ ਜਾਂ ਭਾਵਨਾਵਾਂ ਬਾਰੇ ਕੁਝ ਵੀ ਪਤਾ ਨਹੀਂ ਸੀ। ਮੈਂ ਸਿਰਫ਼ ਉਸ ਵਿਅਕਤੀ ਨੂੰ ਸਭ ਕੁਝ ਦੱਸਿਆ ਜਿਸ ਨਾਲ ਮੈਂ ਵਿਆਹ ਕਰਵਾਇਆ। ਮੈਂ ਕੰਮ ਵਾਲੀ ਥਾਂ 'ਤੇ ਅਜਿਹੇ ਰਿਸ਼ਤੇ ਬਾਰੇ ਕਦੇ ਨਹੀਂ ਸੁਣਿਆ ਜਿੱਥੇ ਕੋਈ ਸਹਿ-ਕਰਮਚਾਰੀ ਇੰਨੀਆਂ ਨਿੱਜੀ ਗੱਲਾਂ ਜਾਣਦਾ ਹੋਵੇ।" 

ਇਹ ਵੀ ਪੜ੍ਹੋ: 'ਲੱਤ ਟੁੱਟੀ ਤੇ ਅੱਖ ਵੀ..!', ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਭੈਣ ਨੇ ਸ਼ੇਅਰ ਕੀਤੀ ਅਦਾਕਾਰ ਦੀ ਪੋਸਟਮਾਰਟਮ ਰਿਪੋਰਟ

ਕਸ਼ਮੀਰਾ ਨੇ ਕਿਹਾ, "ਮੈਂ ਜਾਣਦੀ ਹਾਂ ਕਿ ਮੈਂ ਇੱਕ ਮਜ਼ਬੂਤ ​​ਔਰਤ ਹਾਂ ਅਤੇ ਮੈਂ ਮਜ਼ਬੂਤ ​​ਔਰਤਾਂ ਵਾਲੇ ਪਰਿਵਾਰ ਵਿੱਚ ਵਿਆਹੀ ਗਈ ਹਾਂ। ਸਾਨੂੰ ਅਕਸਰ ਬਦਤਮੀਜ਼, ਘਮੰਡੀ, ਹਾਵੀ ਹੋਣ ਵਾਲੀਆਂ, ਫੋਕਸਟ ਜਾਂ ਸੁਆਰਥੀ ਕਿਹਾ ਜਾਂਦਾ ਹੈ, ਕਿਉਂਕਿ ਅਸੀਂ ਆਪਣੇ ਪਰਿਵਾਰ ਦਾ ਖਿਆਲ ਰੱਖਦੀਆਂ ਹਾਂ, ਪਰ ਇਹ ਪਹਿਲੀ ਵਾਰ ਹੈ ਜਦੋਂ ਸਾਨੂੰ 'ਕਾਤਲ' ਕਿਹਾ ਜਾ ਰਿਹਾ ਹੈ। ਇਸ ਲਈ ਜੇਕਰ ਹਰ ਮਾਂ, ਪਤਨੀ, ਭੈਣ, ਮਾਸੀ/ਭੂਆ ਅਤੇ ਉਨ੍ਹਾਂ ਦੇ ਕੁੱਤਿਆਂ ਨੂੰ ਉਸ 'ਇੱਕ ਆਦਮੀ'- ਭਾਵੇਂ ਉਹ ਪਿਤਾ ਹੋਵੇ, ਪਤੀ ਹੋਵੇ, ਭਰਾ ਹੋਵੇ ਜਾਂ ਕੁੱਤਾ ਹੋਵੇ- ਦੀ ਰੱਖਿਆ ਕਰਨ ਲਈ 'ਕਾਤਲ' ਕਿਹਾ ਜਾਂਦਾ ਹੈ, ਤਾਂ ਠੀਕ ਹੈ, ਅਜਿਹਾ ਹੀ ਸਹੀ।' ਕਸ਼ਮੀਰਾ ਨੇ ਸੁਨੀਤਾ ਨੂੰ ਟੈਗ ਕਰਦਿਆਂ ਲਿਖਿਆ ਅੱਗੇ ਲਿਖਿਆ, "ਮੈਨੂੰ ਮਾਣ ਹੈ ਕਿ ਤੁਸੀਂ ਅਜਿਹੀ ਔਰਤ ਹੋ ਅਤੇ ਮੈਂ ਹਮੇਸ਼ਾ ਤੁਹਾਡੇ ਨਾਲ ਖੜ੍ਹੀ ਰਹਾਂਗੀ।"

ਇਹ ਵੀ ਪੜ੍ਹੋ: Bigg Boss 'ਚ Flop ਹੋਈ ਬਾਦਸ਼ਾਹ ਦੀ Ex-Wife ਈਸ਼ਾ ਰਿੱਖੀ ! ਤੀਜੇ ਹਫ਼ਤੇ ਹੀ ਹੋ ਗਈ ਬਾਹਰ

ਦੱਸ ਦੇਈਏ ਕਿ ਸ਼ਨੀਵਾਰ ਨੂੰ, ਕੋਮਲ ਨੇ ਆਪਣੇ 'ਤੇ ਲੱਗੇ 'ਘਰ ਤੋੜਨ ਵਾਲੀ' ਟੈਗ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਇੱਕ ਪੋਸਟ ਸਾਂਝੀ ਕੀਤੀ ਸੀ, ਜਿਸ ਵਿੱਚ ਲਿਖਿਆ ਸੀ: "ਜਿਹੜੀ ਔਰਤ ਕਈ ਸਾਲਾਂ ਤੋਂ ਆਪਣੇ ਹੀ ਪਤੀ ਨੂੰ ਜਾਨੋਂ ਮਾਰਨ ਦੀ ਕੋਸ਼ਿਸ਼ ਕਰ ਰਹੀ ਹੋਵੇ, ਅਜਿਹੀਆਂ ਔਰਤਾਂ ਦੀਆਂ ਬਦਦੁਆਵਾਂ ਕਿਸੇ ਨੂੰ ਨਹੀਂ ਲੱਗਦੀਆਂ। ਕੋਈ ਵੀ ਵਿਅਕਤੀ ਪਹਿਲਾਂ ਤੋਂ ਹੀ ਟੁੱਟੇ ਹੋਏ ਘਰ ਨੂੰ ਨਹੀਂ ਤੋੜ ਸਕਦਾ। ਸਾਡੇ ਦੇਸ਼ ਦੇ ਲੋਕ ਇੰਨੇ ਮੂਰਖ ਨਹੀਂ ਹਨ ਕਿ ਉਹ ਸਿਰਫ਼ ਇਸ ਗੱਲ 'ਤੇ ਕਾਂ ਦੇ ਪਿੱਛੇ ਭੱਜਣ ਲੱਗ ਪੈਣ ਕਿ ਕਿਸੇ ਨੇ ਉਨ੍ਹਾਂ ਨੂੰ ਕਹਿ ਦਿੱਤਾ ਹੈ ਕਿ ਕਾਂ ਉਨ੍ਹਾਂ ਦਾ ਕੰਨ ਲੈ ਗਿਆ ਹੈ।"

ਇਹ ਵੀ ਪੜ੍ਹੋ: ਜਯਾ ਬੱਚਨ ਦੇ ਪਰਿਵਾਰ 'ਚੋਂ ਕਿਸ ਨੂੰ ਜ਼ਿਆਦਾ ਪਸੰਦ ਕਰਦੇ ਹਨ ਅਮਿਤਾਭ ਬੱਚਨ ! ਅਦਾਕਾਰ ਨੇ ਖ਼ੁਦ ਕੀਤਾ ਖ਼ੁਲਾਸਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e