ਕੰਗਨਾ ਰਨੌਤ ਦਾ ਵੱਡਾ ਖੁਲਾਸਾ! ਰੋਜ਼ਾਨਾ ਹੁੰਦੀਆਂ ਸਨ ਮੇਰੇ ਖ਼ਿਲਾਫ਼ 200 FIR ਦਰਜ

2021-09-13T11:59:19.637

ਮੁੰਬਈ (ਬਿਊਰੋ) : ਪਿੱਛੇ ਜਿਹੇ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕੰਗਨਾ ਰਨੌਤ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਪਹੁੰਚੇ ਸਨ। ਇਸ ਦੌਰਾਨ ਉਹ ਕਪਿਲ ਸ਼ਰਮਾ ਨਾਲ ਕਾਫ਼ੀ ਮਸਤੀ ਕਰਦੀ ਨਜ਼ਰ ਆਏ। ਕੰਗਨਾ ਆਪਣੀ ਫ਼ਿਲਮ 'ਥਲਾਈਵੀ' ਦੇ ਪ੍ਰਮੋਸ਼ਨ ਲਈ ਇੱਥੇ ਪੁੱਜੀ ਸੀ।

PunjabKesari
ਫ਼ਿਲਮ ਬਾਰੇ ਗੱਲ ਕਰਦਿਆਂ ਕਪਿਲ ਸ਼ਰਮਾ ਨੇ ਕਿਹਾ ਕਿ ਉਨ੍ਹਾਂ ਦੀ ਪੂਰੀ ਟੀਮ ਨੇ 'ਥਲਾਈਵੀ' ਦਾ ਟਰੇਲਰ ਵੇਖਿਆ ਹੈ, ਜਿਸ ਨੂੰ ਸਾਰਿਆਂ ਨੇ ਖੂਬ ਪਸੰਦ ਕੀਤਾ ਹੈ। ਕੰਗਨਾ ਨੇ ਸ਼ੋਅ 'ਚ ਕਈ ਵੱਡੇ ਖੁਲਾਸੇ ਵੀ ਕੀਤੇ, ਜਿਨ੍ਹਾਂ ਨੂੰ ਸੁਣ ਕੇ ਪ੍ਰਸ਼ੰਸਕਾਂ ਨੂੰ ਯਕੀਨ ਨਹੀਂ ਹੋ ਰਿਹਾ।

PunjabKesari

ਦਰਅਸਲ, ਸ਼ੋਅ ਦੌਰਾਨ ਕਪਿਲ ਨੇ ਕੰਗਨਾ ਨੂੰ ਇੱਕ ਵੀਡੀਓ ਦਿਖਾਇਆ। ਇਹ ਵੀਡੀਓ 'ਦਿ ਕਪਿਲ ਸ਼ਰਮਾ ਸ਼ੋਅ' ਦੇ ਪਿਛਲੇ ਸੀਜ਼ਨ ਦੀ ਸੀ। ਵੀਡੀਓ 'ਚ ਕੰਗਨਾ ਕਹਿੰਦੀ ਹੈ, "ਸੋਸ਼ਲ ਮੀਡੀਆ 'ਤੇ ਸਿਰਫ਼ ਬੇਕਾਰ ਲੋਕ ਹਨ ਅਤੇ ਉਹ ਆਪਣਾ ਸਾਰਾ ਦਿਨ ਟਵਿੱਟਰ 'ਤੇ ਬਿਤਾਉਂਦੇ ਹਨ। ਇਸ ਤੋਂ ਬਾਅਦ ਕਪਿਲ ਨੇ ਕੰਗਨਾ ਨੂੰ ਪੁੱਛਿਆ,"ਫਿਰ ਕੀ ਹੋਇਆ ਕਿ ਤੁਸੀਂ ਸੋਸ਼ਲ ਮੀਡੀਆ 'ਤੇ ਆਏ।''

PunjabKesari

ਕੰਗਨਾ ਨੇ ਦਿੱਤਾ ਇਹ ਜਵਾਬ
ਇਸ ਦੇ ਜਵਾਬ 'ਚ ਕੰਗਨਾ ਨੇ ਕਿਹਾ, "ਜਦੋਂ ਮੈਂ ਇਹ ਕਿਹਾ ਤਾਂ ਮੇਰੇ ਕੋਲ ਬਹੁਤ ਕੰਮ ਸੀ ਪਰ ਤਾਲਾਬੰਦੀ ਦੌਰਾਨ ਮੈਂ ਘਰ 'ਚ ਸੀ ਅਤੇ ਉਸੇ ਸਮੇਂ ਮੈਂ ਟਵਿੱਟਰ ਨਾਲ ਜੁੜ ਗਈ ਪਰ ਜਿਵੇਂ ਹੀ ਇਹ ਤਾਲਾਬੰਦੀ 2021 'ਚ ਖੁੱਲ੍ਹੀ, ਟਵਿੱਟਰ ਨੇ ਮੇਰੇ 'ਤੇ ਪਾਬੰਦੀ ਲਗਾ ਦਿੱਤੀ। ਮੈਂ ਇਹ ਵੀ ਸੋਚਿਆ ਕਿ ਚਲੋ ਵਧੀਆ ਹੋਇਆ ਬਲਾ ਟਲ਼ ਗਈ ਪਰ ਉਸ ਸਮੇਂ ਦੌਰਾਨ ਮੇਰੇ ਵਿਰੁੱਧ ਹਰ ਰੋਜ਼ 200 ਤੋਂ ਵੱਧ ਐੱਫ. ਆਈ. ਆਰ. ਦਰਜ ਕੀਤੀਆਂ ਜਾਂਦੀਆਂ ਸਨ, ਜਿਸ ਕਾਰਨ ਇਹ ਸਭ ਵਾਪਰਿਆ।

PunjabKesari

ਇਸ ਤੋਂ ਬਾਅਦ ਕਪਿਲ ਸ਼ਰਮਾ ਨੇ ਕੰਗਨਾ ਨੂੰ ਪੁੱਛਿਆ, "ਮੈਡਮ, ਤੁਹਾਡੇ ਨਾਲ ਬਹੁਤ ਸਾਰੀ ਸੁਰੱਖਿਆ ਆਈ ਹੈ। ਅਸੀਂ ਤਾਂ ਡਰ ਗਏ ਸੀ ਕਿ ਅਸੀਂ ਕੀ ਕਹਿ ਦਿੱਤਾ ਪਰ ਇੰਨੀ ਸਕਿਓਰਿਟੀ ਰੱਖਣੀ ਹੋਵੇ, ਤਾਂ ਇਨਸਾਨ ਨੂੰ ਕੀ ਕਰਨਾ ਪੈਂਦਾ ਹੈ?'' ਤਾਂ ਕੰਗਨਾ ਦਾ ਜਵਾਬ ਸੀ, "ਇਸ ਲਈ ਕਿਸੇ ਨੂੰ ਸਿਰਫ਼ ਸੱਚ ਬੋਲਣਾ ਪੈਂਦਾ ਹੈ।"
PunjabKesari


sunita

Content Editor sunita