ਸਨਾਤਨ ਧਰਮ ਪਦ ਯਾਤਰਾ ’ਚ ਏਕਤਾ ਕਪੂਰ ਨੇ ਦਰਜ ਕਰਾਈ ਖਾਸ ਮੌਜੂਦਗੀ

ਮੁੰਬਈ- ਏਕਤਾ ਕਪੂਰ ਨੇ ਮਥੁਰਾ ਵਿਚ ਸਨਾਤਨ ਧਰਮ ਏਕਤਾ ਪਦ ਯਾਤਰਾ ਵਿਚ ਹਿੱਸਾ ਲਿਆ, ਜਿੱਥੇ ਉਹ ਹਜ਼ਾਰਾਂ ਭਗਤਾਂ ਅਤੇ ਅਧਿਆਤਮਕ ਨੇਤਾਵਾਂ ਦੇ ਨਾਲ ਇਕਜੁਟ ਹੋ ਕੇ ਚੱਲੀ। ਇਸ ਪਦ ਯਾਤਰਾ ਦਾ ਮਕਸਦ ਏਕਤਾ, ਸੱਭਿਆਚਾਰਕ ਜਾਗਰੂਕਤਾ ਅਤੇ ਸਨਾਤਨ ਧਰਮ ਦੇ ਮੁੱਲਾਂ ਨੂੰ ਉਤਸ਼ਾਹ ਦੇਣਾ ਸੀ। ਉਸ ਦੀ ਹਾਜ਼ਰੀ ਨੇ ਉਨ੍ਹਾਂ ਮਸ਼ਹੂਰ ਲੋਕਾਂ ਦੀ ਲਿਸਟ ਨੂੰ ਹੋਰ ਵਧਾ ਦਿੱਤਾ, ਜੋ ਭਾਰਤ ਦੀ ਆਤਮਕ ਰਵਾਇਤ ਅਤੇ ਆਪਸੀ ਭਾਈਚਾਰੇ ਨੂੰ ਉਤਸ਼ਾਹ ਦੇਣ ਵਾਲੇ ਅਜਿਹੇ ਪ੍ਰੋਗਰਾਮਾਂ ਦਾ ਸਾਥ ਦੇ ਰਹੇ ਹਨ। ਪਦ ਯਾਤਰਾ ਵਿਚ ਭਗਤਾਂ, ਮਦਦ ਕਰਨ ਵਾਲੇ ਲੋਕਾਂ ਅਤੇ ਸੰਤਾਂ ਦੀ ਭਾਰੀ ਭੀੜ ਦੇਖੀ ਗਈ।
ਪਦ ਯਾਤਰਾ, ਜਿਸ ਦੀ ਅਗਵਾਈ ਧੀਰੇਂਦਰ ਸ਼ਾਸਤਰੀ ਨੇ ਕੀਤਾ ਦਾ ਮਕਸਦ ਸ਼ਾਂਤੀ, ਆਪਸੀ ਸਨਮਾਨ ਅਤੇ ਸਾਂਝੀ ਸੱਭਿਆਚਾਰਕ ਪਛਾਣ ਦੇ ਮੁੱਲਾਂ ਨੂੰ ਮਜ਼ਬੂਤੀ ਦੇਣਾ ਸੀ। ਇਸ ਪ੍ਰੋਗਰਾਮ ਵਿਚ ਹਰ ਉਮਰ ਅਤੇ ਵੱਖ-ਵੱਖ ਪਿਛੋਕੜ ਦੇ ਲੋਕਾਂ ਨੇ ਵੱਡੀ ਗਿਣਤੀ ਵਿਚ ਹਿੱਸਾ ਲਿਆ, ਜਿਸ ਦੇ ਨਾਲ ਇਹ ਸਾਫ਼ ਦਿਸਿਆ ਕਿ ਏਕਤਾ ਦੇ ਸੁਨੇਹੇ ਨੂੰ ਜਨਤਾ ਦਾ ਕਿੰਨਾ ਵੱਡਾ ਸਮਰਥਨ ਮਿਲ ਰਿਹਾ ਹੈ।
ਕਪੂਰ ਇਸ ਪਦ ਯਾਤਰਾ ਵਿਚ ਸ਼ਿਲਪਾ ਸ਼ੈੱਟੀ ਅਤੇ ਰਾਜਪਾਲ ਯਾਦਵ ਜਿਹੇ ਕਈ ਬਾਲੀਵੁੱਡ ਸਿਤਾਰਿਆਂ ਨਾਲ ਸ਼ਾਮਿਲ ਹੋਈ। ਪਦ ਯਾਤਰਾ ਮਥੁਰਾ ਦੀਆਂ ਗਲੀਆਂ ’ਚੋਂ ਲੰਘਦੀ ਹੋਈ ਅੱਗੇ ਵਧੀ, ਜਿੱਥੇ ਧਾਰਮਿਕ ਅਨੁਸ਼ਠਾਨ, ਭਜਨ-ਕੀਰਤਨ ਅਤੇ ਕਈ ਧਾਰਮਿਕ ਪ੍ਰੋਗਰਾਮ ਹੋਏ, ਜਿਨ੍ਹਾਂ ਦਾ ਮਕਸਦ ਸਮਾਜ ਵਿਚ ਇਕਜੁੱਟਤਾ ਵਧਾਉਣਾ ਅਤੇ ਲੋਕਾਂ ਵਿਚ ਜਾਗਰੂਕਤਾ ਫੈਲਾਉਣਾ ਸੀ।