ਕ੍ਰਿਕਟ ਹੋਸਟ ਗੌਰਵ ਕਪੂਰ ਦੇ ਪਿਆਰ 'ਚ 'ਕਲੀਨ ਬੋਲਡ' ਹੋਈ ਇਹ ਮਸ਼ਹੂਰ ਅਦਾਕਾਰਾ, ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ

ਮੁੰਬਈ : ਬਾਲੀਵੁੱਡ ਅਤੇ ਟੀਵੀ ਜਗਤ ਦੀ ਮਸ਼ਹੂਰ ਅਦਾਕਾਰਾ ਕ੍ਰਿਤਿਕਾ ਕਾਮਰਾ ਅਤੇ ਮਸ਼ਹੂਰ ਕ੍ਰਿਕਟ ਹੋਸਟ ਗੌਰਵ ਕਪੂਰ ਜਲਦ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਇੰਸਟਾਗ੍ਰਾਮ 'ਤੇ ਆਪਣੇ ਰਿਸ਼ਤੇ ਦੀ ਪੁਸ਼ਟੀ ਕਰਨ ਤੋਂ ਮਹਿਜ਼ ਦੋ ਮਹੀਨੇ ਬਾਅਦ ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਇਹ ਜੋੜਾ ਮਾਰਚ ਮਹੀਨੇ ਵਿੱਚ ਵਿਆਹ ਕਰਵਾਏਗਾ।

ਇਹ ਵੀ ਪੜ੍ਹੋ: ਅਦਾਕਾਰੀ ਦੇ ਨਾਲ-ਨਾਲ ਹੁਣ ਮਰੀਜ਼ਾਂ ਦਾ ਇਲਾਜ ਵੀ ਕਰੇਗੀ ਇਹ ਅਦਾਕਾਰਾ, ਬਣੀ ਡਾਕਟਰ

ਕਿਵੇਂ ਦਾ ਹੋਵੇਗਾ ਵਿਆਹ ਦਾ ਪ੍ਰੋਗਰਾਮ?

ਸੂਤਰਾਂ ਮੁਤਾਬਕ ਇਹ ਵਿਆਹ ਕੋਈ ਆਮ ਸਮਾਗਮ ਨਹੀਂ, ਸਗੋਂ ਪੂਰੇ ਢਾਈ ਦਿਨਾਂ ਤੱਕ ਚੱਲਣ ਵਾਲਾ ਜਸ਼ਨ ਹੋਵੇਗਾ। ਪਹਿਲੇ ਦੋ ਦਿਨ ਵਿਆਹ ਬਹੁਤ ਹੀ ਨਿੱਜੀ ਅਤੇ ਸਾਦਗੀ ਭਰਿਆ ਹੋਵੇਗਾ, ਜਿਸ ਵਿੱਚ ਸਿਰਫ਼ ਪਰਿਵਾਰਕ ਮੈਂਬਰ ਅਤੇ ਕਰੀਬੀ ਦੋਸਤ ਸ਼ਾਮਲ ਹੋਣਗੇ। ਕ੍ਰਿਤਿਕਾ ਦਾ ਪਰਿਵਾਰ ਖਾਸ ਤੌਰ 'ਤੇ ਦਿੱਲੀ ਤੋਂ ਮੁੰਬਈ ਪਹੁੰਚ ਰਿਹਾ ਹੈ। ਤੀਜੇ ਦਿਨ ਵਿਆਹ ਦਾ ਸਮਾਪਨ ਇੱਕ ਸ਼ਾਨਦਾਰ ਰਿਸੈਪਸ਼ਨ ਨਾਲ ਹੋਵੇਗਾ। ਇਹ ਸਾਰੇ ਸਮਾਗਮ ਮੁੰਬਈ ਦੇ ਬਾਂਦਰਾ ਅਤੇ ਲੋਅਰ ਪਰੇਲ ਦੀਆਂ ਵੱਖ-ਵੱਖ ਲੋਕੇਸ਼ਨਾਂ 'ਤੇ ਹੋਣਗੇ।

ਇਹ ਵੀ ਪੜ੍ਹੋ: ਆਦਿਤਿਆ ਪੰਚੋਲੀ ਜਬਰ-ਜ਼ਨਾਹ ਮਾਮਲੇ 'ਚ ਨਵਾਂ ਮੋੜ, ਹਾਈ ਕੋਰਟ ਨੇ ਸ਼ਿਕਾਇਤਕਰਤਾ ਅਦਾਕਾਰਾ ਨੂੰ ਜਾਰੀ ਕੀਤਾ ਨੋਟਿਸ

ਡੈਸਟੀਨੇਸ਼ਨ ਵੈਡਿੰਗ ਦੀ ਬਜਾਏ ਮੁੰਬਈ ਨੂੰ ਚੁਣਿਆ

ਕ੍ਰਿਤਿਕਾ ਅਤੇ ਗੌਰਵ ਨੇ ਕਿਸੇ ਬਾਹਰੀ ਦੇਸ਼ ਜਾਂ ਸ਼ਹਿਰ (Destination Wedding) ਦੀ ਬਜਾਏ ਮੁੰਬਈ ਵਿੱਚ ਹੀ 'ਮਾਡਰਨ ਅਤੇ ਮਿਨੀਮਲ' ਤਰੀਕੇ ਨਾਲ ਵਿਆਹ ਕਰਨ ਦਾ ਫੈਸਲਾ ਕੀਤਾ ਹੈ। ਜੋੜੇ ਦੇ ਕਰੀਬੀਆਂ ਦਾ ਕਹਿਣਾ ਹੈ ਕਿ ਉਹ ਆਪਣੇ ਵਿਆਹ ਨੂੰ ਦਿਖਾਵੇ ਦੀ ਬਜਾਏ ਯਾਦਗਾਰ ਅਤੇ ਅਰਥਪੂਰਨ ਬਣਾਉਣਾ ਚਾਹੁੰਦੇ ਹਨ। ਸਜਾਵਟ ਤੋਂ ਲੈ ਕੇ ਸਟਾਈਲਿੰਗ ਤੱਕ, ਹਰ ਚੀਜ਼ ਜੋੜੇ ਦੀ ਆਪਣੀ ਪਸੰਦ ਅਨੁਸਾਰ ਹੋਵੇਗੀ।

ਇਹ ਵੀ ਪੜ੍ਹੋ: ਕੁਆਰੀ ਮਾਂ ਬਣਨ 'ਤੇ ਲੋਕਾਂ ਨੇ ਮਾਰੇ ਸੀ ਤਾਅਨੇ, ਅੱਜ ਇਹੀ ਅਦਾਕਾਰਾ ਕਰ ਰਹੀ ਹੈ ਬਾਲੀਵੁੱਡ 'ਤੇ ਰਾਜ! ਕੀ ਤੁਸੀਂ ਪਛਾਣਿਆ?

ਦਸੰਬਰ 'ਚ ਕੀਤਾ ਸੀ ਰਿਸ਼ਤੇ ਦਾ ਖੁਲਾਸਾ

ਜ਼ਿਕਰਯੋਗ ਹੈ ਕਿ ਕ੍ਰਿਤਿਕਾ ਨੇ ਦਸੰਬਰ ਮਹੀਨੇ ਵਿੱਚ ਗੌਰਵ ਨਾਲ ਬ੍ਰੇਕਫਾਸਟ ਡੇਟ ਦੀਆਂ ਤਸਵੀਰਾਂ ਸਾਂਝੀਆਂ ਕਰਕੇ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ (Official) ਕੀਤਾ ਸੀ।

ਇਹ ਵੀ ਪੜ੍ਹੋ: 33 ਸਾਲਾਂ ਬਾਅਦ ਵੱਡਾ ਖੁਲਾਸਾ, ਦਿਵਿਆ ਭਾਰਤੀ ਦੀ ਮੌਤ 'ਤੇ ਕਰੀਬੀ ਦੋਸਤ ਦਾ ਹੈਰਾਨ ਕਰਨ ਵਾਲਾ ਦਾਅਵਾ

ਕ੍ਰਿਤਿਕਾ ਦਾ ਕਰੀਅਰ

ਕ੍ਰਿਤਿਕਾ ਨੇ 2007 ਵਿੱਚ 'ਯਹਾਂ ਕੇ ਹਮ ਸਿਕੰਦਰ' ਨਾਲ ਅਦਾਕਾਰੀ ਦੀ ਸ਼ੁਰੂਆਤ ਕੀਤੀ ਸੀ ਅਤੇ 'ਕਿਤਨੀ ਮੁਹੱਬਤ ਹੈ' ਤੋਂ ਵੱਡੀ ਪਛਾਣ ਬਣਾਈ। ਕ੍ਰਿਤਿਕਾ ਨੇ 2018 ਵਿੱਚ ਫਿਲਮ 'ਮਿੱਤਰੋਂ' ਨਾਲ ਆਪਣਾ ਫਿਲਮੀ ਡੈਬਿਊ ਕੀਤਾ ਸੀ। ਉਹ 'ਤਾਂਡਵ' 'ਬੰਬਈ ਮੇਰੀ ਜਾਨ' ਅਤੇ ਹਾਲ ਹੀ ਵਿੱਚ ਆਈ 'ਗਿਆਰਾਂ ਗਿਆਰਾਂ' ਵਰਗੀਆਂ ਵੈੱਬ ਸੀਰੀਜ਼ਾਂ ਵਿੱਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾ ਚੁੱਕੀ ਹੈ।

ਇਹ ਵੀ ਪੜ੍ਹੋ: ਰਾਜਪਾਲ ਯਾਦਵ ਦੀ ਬਰਬਾਦੀ ਦੀ ਇਨਸਾਈਡ ਸਟੋਰੀ; ਇੱਕ ਗਲਤ ਫੈਸਲਾ ਤੇ ਜਾਣਾ ਪਿਆ ਜੇਲ੍ਹ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e