ਸ਼ਾਰਟ ਡਰੈੱਸ ਪਹਿਨ ਪਤੀ ਰਾਹੁਲ ਨਾਲ ਲੰਚ ਡੇਟ ’ਤੇ ਨਿਕਲੀ ਦਿਸ਼ਾ ਪਰਮਾਰ (ਤਸਵੀਰਾਂ)
08/05/2021 12:29:31 PM
ਮੁੰਬਈ: ਸਿੰਗਰ ਰਾਹੁਲ ਵੈਦਿਆ ਅਤੇ ਦਿਸ਼ਾ ਪਰਮਾਰ ਇਨੀਂ ਦਿਨੀਂ ਆਪਣੀ ਵਿਆਹੁਤਾ ਜ਼ਿੰਦਗੀ ਦਾ ਆਨੰਦ ਲੈ ਰਹੇ ਹੈ। ਦੋਵੇਂ ਇਕ-ਦੂਜੇ ਦੇ ਨਾਲ ਆਪਣੇ ਪਲਾਂ ਨੂੰ ਖ਼ਾਸ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਰਹਿੰਦੇ ਹਨ। ਇਸ ਦੌਰਾਨ ਰਾਹੁਲ ਅਤੇ ਦਿਸ਼ਾ ਲੰਚ ਡੇਟ ਲਈ ਜੁਹੂ ਦੇ ਰੈਸਤਰਾਂ ਪਹੁੰਚੇ। ਇਸ ਦੌਰਾਨ ਰਾਹੁਲ ਦੇ ਮਾਤਾ-ਪਿਤਾ ਵੀ ਉਨ੍ਹਾਂ ਦੇ ਨਾਲ ਨਜ਼ਰ ਆਏ ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਦੇ ਕੈਮਰੇ ’ਚ ਕੈਦ ਹੋਈਆਂ।
ਤਸਵੀਰਾਂ ’ਚ ਰਾਹੁਲ ਵ੍ਹਾਈਟ ਟੀ-ਸ਼ਰਟ ਅਤੇ ਗ੍ਰੇਅ ਜੀਂਸ ’ਚ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਸਿੰਗਰ ਨੇ ਵ੍ਹਾਈਟ ਬੂਟ ਪਹਿਨੇ ਹੋਏ ਸਨ। ਇਸ ਲੁੱਕ ’ਚ ਰਾਹੁਲ ਹੈਂਡਸਮ ਲੱਗ ਰਹੇ ਹਨ। ਉੱਧਰ ਦਿਸ਼ਾ ਵ੍ਹਾਈਟ ਸ਼ਾਰਟ ਡਰੈੱਸ ’ਚ ਦਿਖਾਈ ਦੇ ਰਹੀ ਸੀ। ਇਸ ਦੇ ਨਾਲ ਦਿਸ਼ਾ ਨੇ ਸਲੀਪਰ ਪਹਿਨੇ ਹੋਏ ਸਨ।
ਅਦਾਕਾਰਾ ਨੇ ਹੱਥਾਂ ’ਚ ਚੂੜ੍ਹਾ, ਮੱਥੇ ’ਤੇ ਸਿੰਦੂਰ ਅਤੇ ਲੋਅ ਬਨ ਨਾਲ ਆਪਣੇ ਲੁੱਕ ਨੂੰ ਪੂਰਾ ਕੀਤਾ ਹੋਇਆ ਹੈ। ਇਸ ਲੁੱਕ ’ਚ ਦਿਸ਼ਾ ਗਾਰਜੀਅਸ ਲੱਗ ਰਹੀ ਹੈ। ਜੋੜਾ ਇਕੱਠੇ ਕਾਫੀ ਸੁੰਦਰ ਲੱਗ ਰਿਹਾ ਸੀ। ਦੋਵੇਂ ਕੈਮਰੇ ਦੇ ਸਾਹਮਣੇ ਪੋਜ ਦੇ ਰਹੇ ਹਨ। ਪ੍ਰਸ਼ੰਸਕਾਂ ਇਨ੍ਹਾਂ ਤਸਵੀਰਾਂ ਨੂੰ ਖ਼ੂਬ ਪਿਆਰ ਦੇ ਰਹੇ ਹਨ।
ਦੱਸ ਦੇਈਏ ਕਿ ਕੁਝ ਦਿਨ ਪਹਿਲੇ ਰਾਹੁਲ ਅਤੇ ਦਿਸ਼ਾ, ਅਲੀ ਗੋਨੀ ਅਤੇ ਜੈਸਮੀਨ ਭਸੀਮ ਦੇ ਨਾਲ ਵੀ ਲੰਡ ਡੇਟ ’ਤੇ ਗਏ ਸਨ। ਰਾਹੁਲ ਅਤੇ ਦਿਸ਼ਾ ਦਾ ਵਿਆਹ 16 ਜੁਲਾਈ ਨੂੰ ਹੋਇਆ ਸੀ। ਜੋੜੇ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਖ਼ੂਬ ਵਾਇਰਲ ਹੋਈਆਂ ਸਨ।
