ਦਿਸ਼ਾ ਪਰਮਾਰ ਨੇ ਆਪਣੇ ਬੇਬੀ ਸ਼ਾਵਰ ''ਚ ਕੀਤਾ ਜ਼ਬਰਦਸਤ ਡਾਂਸ, ਵੈਸਟਰਨ ਡਰੈੱਸ ''ਚ ਲੱਗ ਰਹੀ ਸੀ ਬੇਹੱਦ ਖੂਬਸੂਰਤ

ਨਵੀਂ ਦਿੱਲੀ (ਬਿਊਰੋ) : ਛੋਟੇ ਪਰਦੇ ਦੀ ਮਸ਼ਹੂਰ ਅਦਾਕਾਰਾ ਦਿਸ਼ਾ ਪਰਮਾਰ ਅਤੇ ਪਤੀ ਰਾਹੁਲ ਵੈਦਿਆ ਕੁਝ ਦਿਨਾਂ 'ਚ ਆਪਣੇ ਘਰ ਇੱਕ ਛੋਟੇ ਬੱਚੇ ਦਾ ਸਵਾਗਤ ਕਰਨ ਜਾ ਰਹੇ ਹਨ। ਹਾਲ ਹੀ 'ਚ ਦਿਸ਼ਾ ਪਰਮਾਰ ਨੇ ਆਪਣੇ ਪਤੀ ਰਾਹੁਲ ਅਤੇ ਪਰਿਵਾਰਕ ਦੋਸਤਾਂ ਨਾਲ ਬੇਬੀ ਸ਼ਾਵਰ ਦੀ ਰਸਮ ਮਨਾਈ।

'ਮਾਪੇ ਬਣਨ ਲਈ' ਰਾਹੁਲ ਅਤੇ ਦਿਸ਼ਾ ਨੇ ਮੁੰਬਈ ਦੇ ਇੱਕ ਰੈਸਟੋਰੈਂਟ 'ਚ ਪੱਛਮੀ ਥੀਮ ਵਾਲੇ ਬੇਬੀ ਸ਼ਾਵਰ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ। ਰੈਸਟੋਰੈਂਟ ਤੋਂ ਬਾਹਰ ਆ ਕੇ ਦਿਸ਼ਾ ਪਰਮਾਰ ਨੇ ਆਪਣੇ ਪਤੀ ਨਾਲ ਪਾਪਰਾਜ਼ੀ ਨੂੰ ਕਾਫੀ ਪੋਜ਼ ਦਿੱਤੇ। ਇਸ ਦੌਰਾਨ ਗਾਇਕ ਆਪਣੀ ਲੇਡੀ ਲਵ ਦਾ ਕਾਫ਼ੀ ਖਿਆਲ ਰੱਖਦੇ ਹੋਏ ਨਜ਼ਰ ਆਏ। ਉਨ੍ਹਾਂ ਨੇ ਪਤਨੀ ਦੇ 'ਬੇਬੀ ਬੰਪ' 'ਤੇ ਹੱਥ ਰੱਖ ਕੇ ਪੋਜ਼ ਵੀ ਦਿੱਤਾ।

ਦੱਸ ਦਈਏ ਕਿ ਦਿਸ਼ਾ ਪਰਮਾਰ ਨੇ ਬੇਬੀ ਸ਼ਾਵਰ ਦੀਆਂ ਅੰਦਰੂਨੀ ਝਲਕੀਆਂ ਵੀ ਸਾਂਝੀਆਂ ਕੀਤੀਆਂ ਹਨ। ਰਾਹੁਲ ਅਤੇ ਦਿਸ਼ਾ ਦੇ ਚਿਹਰਿਆਂ 'ਤੇ ਮਾਤਾ-ਪਿਤਾ ਬਣਨ ਦਾ ਨੂਰ ਸਾਫ ਦਿਖਾਈ ਦੇ ਰਿਹਾ ਸੀ। ਇਸ ਦੌਰਾਨ ਦਿਸ਼ਾ ਪਰਮਾਰ ਅਤੇ ਰਾਹੁਲ ਵੈਦਿਆ ਦੇ ਬੇਬੀ ਸ਼ਾਵਰ 'ਚ ਪੇਸਟਲ ਬਲੂ ਅਤੇ ਪਿੰਕ ਥੀਮ ਵਾਲਾ ਡਬਲ ਟਾਇਰ ਕੇਕ ਸੀ। ਕੇਕ 'ਤੇ 'ਡਿਸ਼ੂਲ ਬੇਬੀ' ਸੀ, ਜਿਸ 'ਤੇ ਦੋ ਬੱਚੇ ਖਿੱਚੇ ਹੋਏ ਸਨ, ਜੋ ਪੂਰੇ ਕੇਕ ਦੀ ਖ਼ਾਸੀਅਤ ਸੀ। ਇਕ ਤਸਵੀਰ 'ਚ ਦਿਸ਼ਾ ਅਤੇ ਰਾਹੁਲ ਨੂੰ ਡਾਂਸ ਕਰਦੇ ਵੀ ਦੇਖਿਆ ਜਾ ਸਕਦਾ ਹੈ।

ਦੱਸਣਯੋਗ ਹੈ ਕਿ ਰਾਹੁਲ ਵੈਦਿਆ ਅਤੇ ਦਿਸ਼ਾ ਪਰਮਾਰ ਨੇ ਸਾਲਾਂ ਤੱਕ ਇੱਕ ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ 16 ਜੁਲਾਈ 2021 ਨੂੰ ਮੁੰਬਈ 'ਚ ਧੂਮ-ਧਾਮ ਨਾਲ ਵਿਆਹ ਕੀਤਾ ਸੀ। ਜੋੜੇ ਨੇ ਇਸ ਸਾਲ ਮਈ 'ਚ ਗਰਭਵਤੀ ਹੋਣ ਦਾ ਐਲਾਨ ਕੀਤਾ ਸੀ।