ਦੁਖਦ ਖ਼ਬਰ ; ਇਕ ਹੋਰ ਮਸ਼ਹੂਰ ਕਾਮੇਡੀਅਨ ਦਾ ਹੋਇਆ ਦੇਹਾਂਤ

ਐਂਟਰਟੇਨਮੈਂਟ ਡੈਸਕ- ਫਿਲਮੀਂ ਦੁਨੀਆ ਤੋਂ ਆਏ ਦਿਨ ਬੁਰੀਆਂ ਖਬਰਾਂ ਸੁਣਨ ਨੂੰ ਮਿਲ ਰਹੀਆਂ ਹਨ, ਜੋ ਸਭ ਨੂੰ ਹੈਰਾਨ ਕਰ ਦਿੰਦੀਆਂ ਹਨ। ਹੁਣ ਇਕ ਹੋਰ ਮੰਦਭਾਗੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਡੇਵਿਡ ਕੇਚਮ, ਜੋ ਕਿ ਇੱਕ ਮਸ਼ਹੂਰ ਕਾਮੇਡੀਅਨ ਅਤੇ ਵਾਇਸ ਕਾਮੇਡੀਅਨ ਸਨ। ਉਨ੍ਹਾਂ ਦਾ 97 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਇਸ ਅਦਾਕਾਰ ਨੂੰ 'ਗੇਟ ਸਮਾਰਟ' ਲੜੀ ਵਿੱਚ ਏਜੰਟ 13 ਦੀ ਭੂਮਿਕਾ ਲਈ ਖਾਸ ਤੌਰ 'ਤੇ ਜਾਣਿਆ ਜਾਂਦਾ ਸੀ।
ਕਦੋਂ ਹੋਈ ਮੌਤ?
ਦ ਹਾਲੀਵੁੱਡ ਰਿਪੋਰਟਰ ਦੇ ਅਨੁਸਾਰ ਡੇਵਿਡ ਕੇਚਮ, ਜੋ ਆਪਣੀ ਕਾਮੇਡੀ ਅਤੇ ਸ਼ਾਨਦਾਰ ਅਦਾਕਾਰੀ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਦਾ 10 ਅਗਸਤ ਨੂੰ 97 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਅਦਾਕਾਰ ਨੂੰ 1960 ਦੇ ਦਹਾਕੇ ਵਿੱਚ ਆਪਣੀ ਕਾਮਿਕ ਟਾਈਮਿੰਗ ਅਤੇ ਸ਼ਾਨਦਾਰ ਅਦਾਕਾਰੀ ਕਾਰਨ ਪਛਾਣ ਮਿਲੀ।

ਡੇਵਿਡ ਕੇਚਮ ਕੌਣ ਸੀ?
ਡੇਵਿਡ ਕੇਚਮ ਇੱਕ ਅਮਰੀਕੀ ਕਾਮੇਡੀਅਨ-ਅਦਾਕਾਰ ਸੀ। ਉਨ੍ਹਾਂ ਦਾ ਜਨਮ 4 ਫਰਵਰੀ 1928 ਨੂੰ ਅਮਰੀਕਾ ਦੇ ਕੁਇੰਸੀ ਸ਼ਹਿਰ ਵਿੱਚ ਹੋਇਆ ਸੀ। ਕਿਹਾ ਜਾਂਦਾ ਹੈ ਕਿ ਸ਼ੁਰੂ ਵਿੱਚ ਇਹ ਅਦਾਕਾਰ ਇੱਕ ਇਲੈਕਟ੍ਰੀਕਲ ਇੰਜੀਨੀਅਰ ਬਣਨਾ ਚਾਹੁੰਦੇ ਸੀ, ਪਰ ਆਪਣੀ ਪੜ੍ਹਾਈ ਦੌਰਾਨ ਉਨ੍ਹਾਂ ਨੂੰ ਕਾਮੇਡੀ ਅਤੇ ਅਦਾਕਾਰੀ ਵਿੱਚ ਦਿਲਚਸਪੀ ਹੋਣ ਲੱਗ ਪਈ। ਕੇਚਮ ਨੂੰ ਪਹਿਲੀ ਵਾਰ 'ਆਈ ਐਮ ਡਿਕਨਜ਼', 'ਹੀ ਇਜ਼ ਫੈਂਸਟਰ' ਵਿੱਚ ਦੇਖਿਆ ਗਿਆ ਸੀ। ਹਾਲਾਂਕਿ, ਇਸ ਅਦਾਕਾਰ ਨੂੰ 'ਗੇਟ ਸਮਾਰਟ' ਵਿੱਚ ਏਜੰਟ 13 ਦੀ ਭੂਮਿਕਾ ਲਈ ਵਿਸ਼ੇਸ਼ ਮਾਨਤਾ ਮਿਲੀ। ਇਸ ਤੋਂ ਇਲਾਵਾ ਡੇਵਿਡ ਕੇਚਮ ਦੇ ਪਰਿਵਾਰ ਵਿੱਚ ਉਸਦੀ ਪਤਨੀ, ਦੋ ਧੀਆਂ, ਤਿੰਨ ਪੋਤੇ-ਪੋਤੀਆਂ ਅਤੇ ਇੱਕ ਪੜਪੋਤਾ ਵੀ ਸ਼ਾਮਲ ਹਨ। ਇਨ੍ਹਾਂ ਸਭ ਨੂੰ ਛੱਡ ਕੇ, ਅਦਾਕਾਰ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।
ਡੇਵ ਕੇਚਮ ਦਾ ਫਿਲਮੀ ਕਰੀਅਰ
ਸਾਲ 1979 ਤੱਕ ਡੇਵਿਡ ਕੇਚਮ ਫਿਲਮਾਂ ਵਿੱਚ ਹੋਰ ਵੀ ਸਰਗਰਮ ਹੋ ਗਏ ਸਨ। ਉਸ ਸਮੇਂ, ਉਨ੍ਹਾਂ ਨੇ 'ਲਵ ਐਟ ਫਸਟ ਬਾਈਟ', ਬਾਰਬਰਾ ਸਟ੍ਰੀਸੈਂਡ ਦੀ ਸਪੋਰਟਸ ਕਾਮੇਡੀ 'ਦਿ ਮੇਨ ਈਵੈਂਟ' ਅਤੇ 'ਦਿ ਨੌਰਥ ਐਵੇਨਿਊ ਇਰੇਗੂਲਰਜ਼' ਵਿੱਚ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਲੋਕਾਂ ਦਾ ਦਿਲ ਜਿੱਤ ਲਿਆ। ਇਸ ਤੋਂ ਇਲਾਵਾ, ਅਦਾਕਾਰ ਨੇ 'ਯੰਗ ਡਾਕਟਰਜ਼ ਇਨ ਲਵ' ਅਤੇ 'ਦਿ ਅਦਰ ਸਿਸਟਰ' ਵਰਗੀਆਂ ਫਿਲਮਾਂ ਵਿੱਚ ਵੀ ਕੰਮ ਕੀਤਾ। ਅਦਾਕਾਰੀ ਤੋਂ ਇਲਾਵਾ, ਡੇਵਿਡ ਨੇ 'ਲੌਂਗ-ਪਲੇਇੰਗ ਟੰਗ ਆਫ਼ ਡੇਵ ਕੇਚਮ' ਨਾਮਕ ਇੱਕ ਕਾਮੇਡੀ ਐਲਬਮ ਵੀ ਰਿਲੀਜ਼ ਕੀਤੀ।