Bigg Boss 15: ਰਾਖੀ ਸਾਵੰਤ ਨੇ ਕੀਤਾ ਖੁਲਾਸਾ, ਬਚਪਨ ''ਚ ਹੀ ਹੋ ਚੁੱਕੈ ਦੇਵੋਲੀਨਾ ਦਾ ਵਿਆਹ

ਮੁੰਬਈ : ਟੀ.ਵੀ. ਦਾ ਮਸ਼ਹੂਰ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 15' ਆਪਣੇ ਫਿਨਾਲੇ ਵੱਲ ਵਧ ਰਿਹਾ ਹੈ। ਇਸ ਵਾਰ ਵੀਕੈਂਡ ਕਾ ਵਾਰ ਐਪੀਸੋਡ ਬਹੁਤ ਖਾਸ ਸੀ ਅਤੇ ਇਸ 'ਚ ਹਾਈ ਵੋਲਟੇਜ ਡਰਾਮਾ ਦੇਖਣ ਨੂੰ ਮਿਲਿਆ। ਸ਼ੋਅ 'ਚ ਮੁਕਾਬਲੇਬਾਜ਼ਾਂ ਦੇ ਕਈ ਕਾਲੇ ਰਾਜ਼ ਸਾਹਮਣੇ ਆਏ। ਜਿਸ ਨੂੰ ਸੁਣ ਕੇ ਤੁਹਾਡੇ ਵੀ ਹੋਸ਼ ਉੱਡ ਜਾਣਗੇ। ਤੁਸੀਂ ਕਦੇ ਸੋਚਿਆ ਵੀ ਨਹੀਂ ਹੋਵੇਗਾ ਕਿ ਸਾਡੀ ਲਾਡਲੀ ਗੋਪੀ ਨੂੰਹ ਦਾ ਵਿਆਹ ਹੋ ਚੁੱਕਾ ਹੈ ਅਤੇ ਰਾਖੀ ਸਾਵੰਤ ਨੇ ਜੇਲ੍ਹ ਦੀ ਹਵਾ ਵੀ ਖਾਧੀ ਹੈ।

ਸ਼ੋਅ 'ਚ ਹੋਏ ਕਈ ਖ਼ੁਲਾਸੇ
ਦਰਅਸਲ ਪਿਛਲੇ ਦਿਨੀਂ ਇਕ ਵਾਰ ਫਿਰ ਮੀਡੀਆ ਦੇ ਕੁਝ ਲੋਕ ਘਰ 'ਚ ਦਾਖ਼ਲ ਹੋਏ, ਜਿਸ ਦੌਰਾਨ ਉਨ੍ਹਾਂ ਨੇ ਪਰਿਵਾਰਕ ਮੈਂਬਰਾਂ ਨੂੰ ਤਿੱਖੇ ਸਵਾਲ ਕੀਤੇ। ਨਾਲ ਹੀ ਸਾਰੇ ਪ੍ਰਤੀਯੋਗੀਆਂ ਨੂੰ ਬਸਟਡ ਰਿਪੋਰਟਿੰਗ ਭਾਗ 'ਚ ਹਿੱਸਾ ਲੈਣ ਲਈ ਕਿਹਾ। ਇਸ ਸੈਗਮੈਂਟ 'ਚ ਸਾਰਿਆਂ ਨੇ ਇੱਕ ਦੂਜੇ ਨੂੰ ਬੇਨਕਾਬ ਕੀਤਾ ਅਤੇ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ।
ਦੇਵੋਲੀਨਾ ਦਾ ਵਿਆਹ ਬਚਪਨ 'ਚ ਹੀ ਹੋ ਗਿਆ ਸੀ
ਰਾਖੀ ਸਾਵੰਤ ਨੇ ਆਪਣੀ ਬੈਸਟ ਫਰੈਂਡ ਦੇਵੋਲੀਨਾ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਰਾਖੀ ਨੇ ਦੱਸਿਆ ਕਿ ਦੇਵੋਲੀਨਾ ਪਹਿਲਾਂ ਹੀ ਵਿਆਹੀ ਹੋਈ ਹੈ। ਇਹ ਸੁਣ ਕੇ ਬਿੱਗ ਬੌਸ ਦੇ ਘਰ 'ਚ ਹਰ ਕੋਈ ਹੈਰਾਨ ਹੈ ਅਤੇ ਦੇਵੋਲੀਨਾ ਤੋਂ ਉਸ ਦੇ ਵਿਆਹ ਦੀ ਸੱਚਾਈ ਜਾਣਨਾ ਚਾਹੁੰਦਾ ਹੈ। ਦੇਵੋ ਨੇ ਇਹ ਕਹਿ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਕਿ ਰਾਖੀ ਜੋ ਕਹਿ ਰਹੀ ਹੈ ਉਹ ਸੱਚ ਹੈ। ਦੇਵੋਲੀਨਾ ਸਾਰਿਆਂ ਨੂੰ ਦੱਸਦੀ ਹੈ ਕਿ ਬਚਪਨ 'ਚ ਉਸ ਦਾ ਵਿਆਹ ਕੇਲੇ ਦੇ ਦਰੱਖਤ ਨਾਲ ਹੋਇਆ ਸੀ।

ਜੇਲ੍ਹ ਦੀ ਹਵਾ ਖਾ ਚੁੱਕੀ ਹੈ ਰਾਖੀ
ਦੇਵੋਲੀਨਾ ਨੇ ਵੀ ਰਾਖੀ ਨੂੰ ਆਪਣੀ ਵਾਰੀ 'ਚ ਨਹੀਂ ਛੱਡਿਆ ਅਤੇ ਉਸ ਬਾਰੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕਰਦੇ ਹੋਏ ਕਿਹਾ ਕਿ ਰਾਖੀ 2 ਦਿਨਾਂ ਲਈ ਜੇਲ੍ਹ ਵੀ ਜਾ ਚੁੱਕੀ ਹੈ। ਇਸ 'ਤੇ ਸਲਮਾਨ ਖਾਨ ਨੇ ਕਿਹਾ ਕਿ ਤੁਹਾਡਾ ਹੋਸਟ ਵੀ ਜੇਲ੍ਹ ਜਾਣ ਤੋਂ ਬਾਅਦ ਆਇਆ ਹੈ। ਹਰ ਕੋਈ ਹੱਸਣ ਲੱਗ ਪੈਂਦਾ ਹੈ ਤਾਂ ਉਥੇ ਹੀ ਤੇਜਸਵੀ ਨੇ ਅਭਿਜੀਤ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੇ ਇਕ ਮਿਊਜ਼ਿਕ ਵੀਡੀਓ 'ਚ 6 ਘੰਟੇ ਦੇ ਕਿਸਿੰਗ ਸੀਨ ਕੀਤੇ ਹਨ। ਇਹ ਸੁਣ ਕੇ ਹਰ ਕੋਈ ਕਾਫੀ ਹੈਰਾਨ ਹੈ। ਇਸ ਦੇ ਨਾਲ ਹੀ ਸਲਮਾਨ ਖਾਨ ਨੇ ਇੱਕ ਵਾਰ ਫਿਰ ਤੇਜਸਵੀ ਪ੍ਰਕਾਸ਼, ਰਾਖੀ ਸਾਵੰਤ ਅਤੇ ਕਰਨ ਕੁੰਦਰਾ ਦੀ ਕਲਾਸ ਲਗਾਈ।