IMDb ਦੀ ਸੂਚੀ ''ਚ ਆਰੀਅਨ ਖਾਨ ਦੀ "ਦਿ ਬੈਡਸ ਆਫ ਬਾਲੀਵੁੱਡ" ਬਣੀ ਸਾਲ ਦੀ ਨੰਬਰ ਵਨ ਸੀਰੀਜ਼

ਮੁੰਬਈ (ਏਜੰਸੀ)- ਇੰਟਰਨੈੱਟ ਮੂਵੀ ਡੇਟਾਬੇਸ (IMDb) ਨੇ 2025 ਦੀਆਂ 10 ਸਭ ਤੋਂ ਮਸ਼ਹੂਰ ਸੀਰੀਜ਼ ਦੀ ਆਪਣੀ ਸੂਚੀ ਜਾਰੀ ਕੀਤੀ ਹੈ, ਜਿਸ ਵਿੱਚ ਆਰੀਅਨ ਖਾਨ ਦੀ ਵੈੱਬ ਸੀਰੀਜ਼ "ਦਿ ਬੈਡਸ ਆਫ ਬਾਲੀਵੁੱਡ" ਪਹਿਲੇ ਨੰਬਰ 'ਤੇ ਹੈ। ਆਰੀਅਨ ਖਾਨ ਨੇ ਕਿਹਾ, "'ਦਿ ਬੈਡਸ ਆਫ ਬਾਲੀਵੁੱਡ' ਨੂੰ IMDb 'ਤੇ ਸਭ ਤੋਂ ਮਸ਼ਹੂਰ ਵੈੱਬ ਸੀਰੀਜ਼ ਵਜੋਂ ਦੇਖਣਾ ਬਿਲਕੁਲ ਉਸੇ ਤਰ੍ਹਾਂ ਹੈ ਜਿਵੇਂ ਅਸੀਂ ਕਰਨਾ ਚਾਹੁੰਦੇ ਸੀ। ਧੂਮ ਮਚਾਉਣਾ ਅਤੇ ਚਰਚਾ ਦਾ ਕੇਂਦਰ ਬਣਨਾ, ਕੁੱਝ ਅਜਿਹਾ ਬਣਾਉਣਾ, ਜੋ ਆਧੁਨਿਕ ਯੁੱਗ ਵਿੱਚ ਇੱਕ ਪੂਰੀ ਸ਼ੈਲੀ ਨੂੰ ਪਰਿਭਾਸ਼ਿਤ ਕਰੇ, ਇੱਕ ਪੌਪ ਕਲਚਰਲ ਫਿਨੋਮਿਨਨ।"

ਆਰੀਅਨ ਨੇ ਕਿਹਾ, "ਮੈਂ ਚਾਹੁੰਦਾ ਸੀ ਕਿ ਇਹ ਸ਼ੋਅ ਪਾਗਲਪਨ, ਜਾਦੂ, ਸ਼ਰਾਰਤ ਅਤੇ ਅਟੱਲ ਇੱਛਾਵਾਂ ਦਾ ਜਸ਼ਨ ਮਨਾਏ। ਕੋਈ ਨਕਲੀ ਨਹੀਂ, ਕੋਈ ਦਿਖਾਵਾ ਨਹੀਂ, ਅਸੀਂ ਕਹਾਣੀ ਨੂੰ ਉਸੇ ਤਰ੍ਹਾਂ ਦੱਸਿਆ ਜਿਵੇਂ ਇਸਨੂੰ ਦੱਸਿਆ ਜਾਣਾ ਚਾਹੀਦਾ ਸੀ, ਅਤੇ ਦੁਨੀਆ ਭਰ ਦੇ ਦਰਸ਼ਕਾਂ ਨੇ ਇਸਨੂੰ ਬਹੁਤ ਸਮਰਥਨ ਦਿੱਤਾ ਹੈ।" 'ਬਲੈਕ ਵਾਰੰਟ' IMDb ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਹੈ, ਉਸ ਤੋਂ ਬਾਅਦ 'ਪਾਤਾਲ ਲੋਕ ਸੀਜ਼ਨ 2' ਤੀਜੇ ਸਥਾਨ 'ਤੇ ਹੈ। 'ਪੰਚਾਇਤ ਸੀਜ਼ਨ 4' ਚੌਥੇ ਸਥਾਨ 'ਤੇ ਹੈ। 'ਮੰਡਲਾ ਮਰਡਰਸ' 5ਵੇਂ ਸਥਾਨ 'ਤੇ ਹੈ, ਅਤੇ ਖੌਫ 6ਵੇਂ ਸਥਾਨ 'ਤੇ ਹੈ।

'ਸਪੈਸ਼ਲ ਓਪਸ ਸੀਜ਼ਨ 2' 7ਵੇਂ ਸਥਾਨ 'ਤੇ ਹੈ। 'ਖਾਕੀ: ਦਿ ਬੰਗਾਲ ਚੈਪਟਰ' 8ਵੇਂ ਸਥਾਨ 'ਤੇ ਹੈ, ਜਦੋਂ ਕਿ ਮਨੋਜ ਬਾਜਪਾਈ ਦਾ 'ਦਿ ਫੈਮਿਲੀ ਮੈਨ ਸੀਜ਼ਨ 3' ਨੌਵੇਂ ਸਥਾਨ 'ਤੇ ਹੈ। ਸੂਚੀ ਦੇ ਅੰਤ ਵਿੱਚ 'ਕ੍ਰਿਮੀਨਲ ਜਸਟਿਸ: ਏ ਫੈਮਿਲੀ ਮੈਟਰ' ਹੈ, ਜੋ 10ਵੇਂ ਸਥਾਨ 'ਤੇ ਹੈ। IMDb ਦੀ ਰੈਂਕਿੰਗ ਦੁਨੀਆ ਭਰ ਵਿੱਚ ਇਸਦੇ 250 ਮਿਲੀਅਨ ਤੋਂ ਵੱਧ ਮੰਥਲੀ ਵਿਜ਼ਿਟਰਸ ਦੇ ਪੇਜ ਵਿਊਜ਼ 'ਤੇ ਅਧਾਰਤ ਹੈ। ਇਸ ਵਿੱਚ 1 ਜਨਵਰੀ, 2025 ਅਤੇ 30 ਨਵੰਬਰ, 2025 ਦੇ ਵਿਚਕਾਰ ਭਾਰਤ ਵਿੱਚ ਰਿਲੀਜ਼ ਹੋਈ ਵੈੱਬ ਸੀਰੀਜ਼ ਸ਼ਾਮਲ ਹੈ, ਜਿਸਦੀ ਔਸਤ ਯੂਜ਼ਰ ਰੇਟਿੰਗ 6.00 ਜਾਂ ਵੱਧ ਹੈ।