ਕਾਰਤਿਕ ਆਰੀਅਨ ਨਾਲ ਵਿਆਹ ਕਰਵਾਉਣ ਲਈ ਫੀਮੇਲ ਫੈਨ ਦੇ ਭਰਾ ਨੇ ਦਿੱਤਾ ਅਦਾਕਾਰ ਦੀ ਮਾਂ ਨੂੰ ਪੈਸਿਆਂ ਦਾ ਆਫਰ

ਮੁੰਬਈ (ਬਿਊਰੋ)– ਕਾਰਤਿਕ ਆਰੀਅਨ ਦੀ ਫੀਮੇਲ ਫੈਨ ਫਾਲੋਇੰਗ ਕਿੰਨੀ ਜ਼ਿਆਦਾ ਹੈ, ਇਹ ਦੱਸਣ ਦੀ ਲੋੜ ਨਹੀਂ ਹੈ। ਕਾਰਤਿਕ ਨੂੰ ਜਦੋਂ ਵੀ ਕਿਸੇ ਪਬਲਿਕ ਪਲੇਸ ’ਤੇ ਦੇਖਿਆ ਜਾਂਦਾ ਹੈ ਤਾਂ ਉਸ ਦੀਆਂ ਮਹਿਲਾ ਪ੍ਰਸ਼ੰਸਕਾਂ ਉਸ ਨੂੰ ਘੇਰ ਲੈਂਦੀਆਂ ਹਨ। ਬਹੁਤ ਸਾਰੇ ਕਿੱਸੇ ਕਾਰਤਿਕ ਆਰੀਅਨ ਨੇ ਆਪਣੀਆਂ ਫੀਮੇਲ ਫੈਨਜ਼ ਦੇ ਸਾਂਝੇ ਕੀਤੇ ਹਨ ਪਰ ਇਕ ਹੋਰ ਕਿੱਸਾ ਜੋ ਸਾਹਮਣੇ ਆਇਆ ਹੈ, ਉਹ ਕਾਰਤਿਕ ਦੀ ਮਾਂ ਨਾਲ ਜੁੜਿਆ ਹੈ।

ਦਰਅਸਲ ਕਾਰਤਿਕ ਆਰੀਅਨ ਦੀ ਮਾਂ ਨੂੰ ਉਸ ਦੀ ਫੀਮੇਲ ਫੈਨ ਦੇ ਭਰਾ ਨੇ ਪੈਸਿਆਂ ਦਾ ਆਫਰ ਦੇ ਦਿੱਤਾ ਸੀ ਤਾਂ ਕਿ ਕਾਰਤਿਕ ਉਸ ਦੀ ਭੈਣ ਨਾਲ ਵਿਆਹ ਕਰਵਾ ਸਕੇ। ਹਾਲਾਂਕਿ ਇਸ ਆਫਰ ਨੂੰ ਕਾਰਤਿਕ ਆਰੀਅਨ ਦੀ ਮਾਂ ਨੇ ਠੁਕਰਾ ਦਿੱਤਾ।

ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਦਾ ਕਤਲ ਕਰਵਾਉਣ ਵਾਲੇ ਗੋਲਡੀ ਬਰਾੜ ਦਾ ਵੱਡਾ ਇੰਟਰਵਿਊ, ਕੀਤੇ ਹੈਰਾਨ ਕਰਨ ਵਾਲੇ ਖੁਲਾਸੇ

ਕਾਰਤਿਕ ਨੇ ਕਿਹਾ, ‘‘ਇਕ ਵਾਰ ਮੇਰੀ ਮਾਂ ਨੂੰ ਇਕ ਫੀਮੇਲ ਫੈਨ ਦੇ ਭਰਾ ਨੇ ਬੇਸ਼ੁਮਾਰ ਪੈਸਿਆਂ ਦਾ ਆਫਰ ਦਿੱਤਾ ਸੀ ਤਾਂ ਕਿ ਮੈਂ ਉਸ ਦੀ ਭੈਣ ਨਾਲ ਵਿਆਹ ਕਰਵਾ ਸਕਾ। ਹਾਲਾਂਕਿ ਮੇਰੀ ਮਾਂ ਨੇ ਇਹ ਆਫਰ ਠੁਕਰਾ ਦਿੱਤਾ। ਬਹੁਤ ਸਾਰੇ ਪ੍ਰਸ਼ੰਸਕ ਮੇਰੀ ਮਾਂ ਦੇ ਸੋਸ਼ਲ ਮੀਡੀਆ ਹੈਂਡਲਸ ’ਤੇ ਨਜ਼ਰ ਰੱਖਦੇ ਹਨ। ਉਹ ਮੇਰੇ ਨਾਲੋਂ ਕਿਤੇ ਵੱਧ ਮੇਰੀ ਮਾਂ ’ਤੇ ਨਜ਼ਰ ਰੱਖਦੇ ਹਨ।’’

ਦੱਸ ਦੇਈਏ ਕਿ ਕਾਰਤਿਕ ਆਰੀਅਨ ਨੂੰ ਹਾਲ ਹੀ ’ਚ ਰਿਲੀਜ਼ ਹੋਈ ਫ਼ਿਲਮ ‘ਭੂਲ ਭੁਲੱਈਆ 2’ ’ਚ ਦੇਖਿਆ ਗਿਆ ਸੀ। ਕਾਰਤਿਕ ਦੀ ਇਹ ਫ਼ਿਲਮ ਹੁਣ ਤਕ ਬਾਕਸ ਆਫਿਸ ’ਤੇ ਧਮਾਲ ਮਚਾ ਰਹੀ ਹੈ। ਫ਼ਿਲਮ ਨੇ ਹੁਣ ਤਕ 182.58 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਇਹ ਫ਼ਿਲਮ ਹੁਣ ਨੈੱਟਫਲਿਕਸ ’ਤੇ ਵੀ ਦੇਖੀ ਜਾ ਸਕਦੀ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।