ਅੱਜ ਤੋਂ ਸ਼ੁਰੂ ਹੋ ਗਿਆ KBC ਦਾ ਰਜਿਸਟ੍ਰੇਸ਼ਨ, ਅਮਿਤਾਭ ਬੱਚਨ ਦੇ ਸ਼ੋਅ ਨਾਲ ਜੁੜਨ ਲਈ ਇੰਝ ਕਰੋ ਅਪਲਾਈ

ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬਚਨ ਇਕ ਵਾਰ ਫਿਰ ਤੁਹਾਡੇ ਟੀ. ਵੀ. ਅਤੇ ਮੋਬਾਈਲ ਸਕ੍ਰੀਨ 'ਤੇ ਆਪਣੇ ਸਵਾਲ ਲੈ ਕੇ ਹਾਜ਼ਰ ਹੋਣ ਵਾਲੇ ਹਨ। ਛੋਟੇ ਪਰਦੇ 'ਤੇ ਮਸ਼ਹੂਰ ਅਤੇ ਹਰਮਨ ਪਿਆਰੇ ਸ਼ੋਅ 'ਕੌਣ ਬਣੇਗਾ ਕਰੋੜਪਤੀ' ਦਾ ਪਰਦਾ ਚੁੱਕਣ ਦੀਆਂ ਤਿਆਰੀਆਂ ਸ਼ੁਰੂ ਹੋ ਚੁੱਕੀਆਂ ਹਨ ਅਤੇ ਕੰਟੈਸਟੈਂਟ ਸ਼ੋਅ 'ਚ ਭਾਗ ਲੈ ਕੇ ਆਪਣੀ ਕਿਸਮਤ ਅਜ਼ਮਾ ਸਕਦੇ ਹਨ। 'ਕੇਬੀਸੀ 13' ਲਈ ਰਜਿਸਟ੍ਰੇਸ਼ਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਰਹੀ ਹੈ, ਜਿਸ ਦਾ ਐਲਾਨ ਸ਼ੁੱਕਰਵਾਰ ਨੂੰ ਕੀਤਾ ਗਿਆ। ਪ੍ਰੋਮੋ ਵੀਡੀਓ ਦੇ ਨਾਲ 'ਕੇਬੀਸੀ 13' ਦੇ ਰਜਿਸਟ੍ਰੇਸ਼ਨ ਲਈ ਦਰਸ਼ਕਾਂ ਨੂੰ ਸੱਦਾ ਦਿੱਤਾ ਗਿਆ ਹੈ।

Koshish, Mehnat aur Padhaai aap ko laa sakti hai hotseat tak! Paiyye Amitabh Bachchan ji se milne ka aur crorepati banne ka mauka. Register karein #KBC13 ke liye aur deejiye sawaalon ke jawaab kal se raat 9 baje. @SrBachchan pic.twitter.com/95mNczOYmi

— sonytv (@SonyTV) May 9, 2021

ਦੱਸ ਦਈਏ ਕਿ ਇਸ ਪ੍ਰੋਮੋ 'ਚ ਅਮਿਤਾਭ ਬਚਨ ਨੂੰ 'ਕੇਬੀਸੀ' ਦੇ ਸੈੱਟ 'ਤੇ ਦਿਖਾਇਆ ਗਿਆ ਹੈ ਅਤੇ ਉਨ੍ਹਾਂ ਦਾ ਵਾਇਸਓਵਰ ਚਲਦਾ ਹੈ। ਬਿੱਗ ਬੀ ਕਹਿੰਦੇ ਹਨ 'ਕਦੀ ਸੋਚਿਆ ਹੈ ਕਿ ਤੁਹਾਡਾ ਤੇ ਤੁਹਾਡੇ ਸੁਫ਼ਨਿਆਂ ਵਿਚਕਾਰ ਦਾ ਫ਼ਾਸਲਾ ਕਿੰਨਾ ਹੈ, ਤਿੰਨ ਅੱਖਰਾਂ ਦਾ। ਕੋਸ਼ਿਸ਼ ਕਰੋ। ਆਪਣੇ ਸੁਫ਼ਨਿਆਂ ਨੂੰ ਸਕਾਰ ਕਰਨ ਲਈ ਚੁੱਕੋ ਫੋਨ ਅਤੇ ਹੋ ਜਾਓ ਤਿਆਰ, ਕਿਉਂਕਿ 10 ਮਈ ਤੋਂ ਸ਼ੁਰੂ ਹੋ ਰਹੀ ਹੈ ਮੇਰੇ ਸਵਾਲਾਂ ਤੇ ਤੁਹਾਡੀ ਰਜਿਸਟ੍ਰੇਸ਼ਨ। ਹੌਟ ਸੀਟ 'ਤੇ ਮੈਂ ਤੁਹਾਡਾ ਇੰਤਜ਼ਾਰ ਕਰ ਰਿਹਾ ਹਾਂ।'

#KBC ki hot seat aap se hai sirf kuch sawaal durr! Koshish keejiye aur leejiye apna pehla kadam apne sapno ki ore #KBC ke saath!#KBC13 ke sawaal aur registration shuru ho rahe hai aaj se raat 9 baje. @SrBachchan pic.twitter.com/GT00gHOT0b

— sonytv (@SonyTV) May 10, 2021

ਦੱਸਣਯੋਗ ਹੈ ਕਿ 'ਕੇਬੀਸੀ' ਨੂੰ ਲੋਕਾਂ ਵਲੋਂ ਬੇਹੱਦ ਪਿਆਰ ਦਿੱਤਾ ਜਾਂਦਾ ਹੈ। ਇਸ ਸ਼ੋਅ 'ਚ ਜੇਤੂ ਵਿਅਕਤੀ ਨੂੰ ਕਰੋੜਾਂ ਰੁਪਏ ਮਿਲਦੇ ਹਨ। ਇਹ ਰਾਸ਼ੀ ਕੁਝ ਸੀਜ਼ਨ ਬਾਅਦ ਵਧਦੀ ਰਹਿੰਦੀ ਹੈ। 'ਕੇਬੀਸੀ' 'ਚ ਵੱਖ-ਵੱਖ ਚੀਜ਼ਾਂ ਨਾਲ ਜੁੜੇ ਸਵਾਲ ਪੁੱਛੇ ਜਾਂਦੇ ਹਨ।