ਟੋਕੀਓ ਦੀਆਂ ਸੜਕਾਂ 'ਤੇ ਪਰਿਵਾਰ ਨਾਲ ਮਸਤੀ ਕਰਦੇ ਨਜ਼ਰ ਆਏ ਅੱਲੂ ਅਰਜੁਨ, ਫਿਲਮ '#AALoki' ਦਾ ਹੋਇਆ ਵੱਡਾ ਐਲਾਨ

ਮਨੋਰੰਜਨ ਡੈਸਕ - ਟਾਲੀਵੁੱਡ ਦੇ 'ਆਈਕਨ ਸਟਾਰ' ਅੱਲੂ ਅਰਜੁਨ ਇਨੀਂ ਦਿਨੀਂ ਆਪਣੀ ਬਲਾਕਬਸਟਰ ਫਿਲਮ 'ਪੁਸ਼ਪਾ 2: ਦ ਰੂਲ' ਦੀ ਸਫਲਤਾ ਅਤੇ ਆਪਣੇ ਪਰਿਵਾਰਕ ਦੌਰੇ ਨੂੰ ਲੈ ਕੇ ਸੁਰਖੀਆਂ ਵਿਚ ਹਨ। ਅੱਲੂ ਅਰਜੁਨ ਆਪਣੀ ਫਿਲਮ ਦੀ ਪ੍ਰਮੋਸ਼ਨ ਲਈ ਜਾਪਾਨ ਦੀ ਰਾਜਧਾਨੀ ਟੋਕੀਓ ਪਹੁੰਚੇ ਹੋਏ ਹਨ, ਜਿੱਥੇ ਇਹ ਫਿਲਮ 16 ਜਨਵਰੀ ਨੂੰ ਰਿਲੀਜ਼ ਹੋਈ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Allu Arjun (@alluarjunonline)

ਪਰਿਵਾਰ ਨਾਲ ਬਿਤਾਇਆ ਖਾਸ ਸਮਾਂ
ਇਸ ਜਾਪਾਨ ਯਾਤਰਾ ਦੌਰਾਨ ਅੱਲੂ ਅਰਜੁਨ ਦੇ ਨਾਲ ਉਨ੍ਹਾਂ ਦੀ ਪਤਨੀ ਸਨੇਹਾ ਰੈੱਡੀ, ਬੇਟੀ ਅਰਹਾ ਅਤੇ ਬੇਟਾ ਅਯਾਨ ਵੀ ਮੌਜੂਦ ਹਨ। ਸਨੇਹਾ ਰੈੱਡੀ ਨੇ ਸੋਸ਼ਲ ਮੀਡੀਆ 'ਤੇ ਇਸ ਯਾਤਰਾ ਦੀ ਇਕ ਖਾਸ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿਚ ਪੂਰਾ ਪਰਿਵਾਰ ਟੋਕੀਓ ਦੀਆਂ ਸੜਕਾਂ 'ਤੇ ਸੈਲਫੀ ਲੈਂਦਾ, ਮਾਲਜ਼ ਵਿਚ ਘੁੰਮਦਾ ਅਤੇ ਜਾਪਾਨੀ ਪਕਵਾਨਾਂ ਦੇ ਨਾਲ-ਨਾਲ ਆਈਸਕ੍ਰੀਮ ਦਾ ਆਨੰਦ ਮਾਣਦਾ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਅੱਲੂ ਅਰਜੁਨ ਦੇ ਬੇਟੇ ਅਯਾਨ ਨੇ ਇਕ ਜਾਪਾਨੀ ਇੰਸਟ੍ਰਕਟਰ ਦੀ ਨਿਗਰਾਨੀ ਹੇਠ ਮਾਰਸ਼ਲ ਆਰਟਸ ਵਿਚ ਵੀ ਆਪਣਾ ਹੱਥ ਅਜ਼ਮਾਇਆ।

I SAY 23
Goin on a spree
Low-Key G
Locked in mentally
That’s a guarantee !

Excited about the new journey with the Maverick @Dir_Lokesh garu 🔥

& at last with brother @anirudhofficial ❤️‍🔥

Can’t wait for this one 🖤 pic.twitter.com/VtiCO5YsTs

— Allu Arjun (@alluarjun) January 14, 2026

ਨਵੀਂ ਫਿਲਮ '#AALoki' ਦਾ ਐਲਾਨ
ਪ੍ਰਸ਼ੰਸਕਾਂ ਲਈ ਇਕ ਹੋਰ ਵੱਡੀ ਖੁਸ਼ਖਬਰੀ ਇਹ ਹੈ ਕਿ ਮਸ਼ਹੂਰ ਨਿਰਦੇਸ਼ਕਲੋਕੇਸ਼ ਕਨਕਰਾਜਨੇ ਅੱਲੂ ਅਰਜੁਨ ਨਾਲ ਆਪਣੇ ਅਗਲੇ ਪ੍ਰੋਜੈਕਟ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਦਾ ਅਸਥਾਈ ਸਿਰਲੇਖ '#AALoki' ਰੱਖਿਆ ਗਿਆ ਹੈ। ਇਹ ਅੱਲੂ ਅਰਜੁਨ ਦੀ 23ਵੀਂ ਫਿਲਮ ਹੋਵੇਗੀ ਅਤੇ ਇਸ ਦੀ ਸ਼ੂਟਿੰਗ 2026 ਵਿਚ ਸ਼ੁਰੂ ਹੋਵੇਗੀ। ਇਸ ਫਿਲਮ ਨੂੰ ਮੈਥਰੀ ਮੂਵੀ ਮੇਕਰਸ ਵਲੋਂ ਪ੍ਰੋਡਿਊਸ ਕੀਤਾ ਜਾ ਰਿਹਾ ਹੈ ਅਤੇ ਇਸ ਵਿਚ ਸੰਗੀਤ ਮਸ਼ਹੂਰ ਸੰਗੀਤਕਾਰ ਅਨਿਰੁਧ ਰਵੀਚੰਦਰ ਵਲੋਂ ਦਿੱਤਾ ਜਾਵੇਗਾ।

ਆਉਣ ਵਾਲੇ ਹੋਰ ਵੱਡੇ ਪ੍ਰੋਜੈਕਟ
ਦੱਸ ਦੇਈਏ ਕਿ ਅੱਲੂ ਅਰਜੁਨ ਕੋਲ ਆਉਣ ਵਾਲੇ ਸਮੇਂ ਵਿਚ ਕਈ ਵੱਡੀਆਂ ਫਿਲਮਾਂ ਹਨ। '#AALoki' ਤੋਂ ਇਲਾਵਾ, ਉਹ ਨਿਰਦੇਸ਼ਕ ਸੁਕੁਮਾਰ ਨਾਲ 'ਪੁਸ਼ਪਾ' ਫਰੈਂਚਾਇਜ਼ੀ ਦੀ ਤੀਜੀ ਕਿਸ਼ਤ ਅਤੇ ਨਿਰਦੇਸ਼ਕ ਐਟਲੀ (Atlee) ਨਾਲ ਵੀ ਇਕ ਵੱਡੀ ਫਿਲਮ ਵਿਚ ਨਜ਼ਰ ਆਉਣਗੇ। ਅੱਲੂ ਅਰਜੁਨ ਨੇ ਖੁਦ ਇਸ ਨਵੇਂ ਸਫਰ ਨੂੰ ਲੈ ਕੇ ਆਪਣੀ ਉਤਸੁਕਤਾ ਜ਼ਾਹਿਰ ਕੀਤੀ ਹੈ।