ਨਿਖਿਲ ਸਿੱਧਾਰਥ ਦੀ ''ਸਵਯਮਭੂ'' ਨੇ ਵਧਾਇਆ ਇੰਟਰਨੈੱਟ ਦਾ ਪਾਰਾ, ਪਹਿਲੇ ਗੀਤ ਦੇ ਪੋਸਟਰ ''ਚ ਦਿਖਿਆ ਖ਼ਤਰਨਾਕ ਅੰਦਾਜ਼

ਮੁੰਬਈ - ਫ਼ਿਲਮ ‘ਸਵਯਮਭੂ’ ਦੇ ਟੀਜ਼ਰ ਤੋਂ ਜ਼ਬਰਦਸਤ ਚਰਚਾ ਹਾਾਸਲ ਕਰਨ ਤੋਂ ਬਾਅਦ ਮੇਕਰਸ ਨੇ ਹੁਣ ਫ਼ਿਲਮ ਦੇ ਪਹਿਲੇ ਸਿੰਗਲ ਦਾ ਪੋਸਟਰ ਜਾਰੀ ਕੀਤਾ, ਜਿਸ ’ਚ ਨਿਖਿਲ ਸਿੱਧਾਰਥ ਇੱਕ ਯੋਧੇ ਦੇ ਰੂਪ ਵਿੱਚ ਨਜ਼ਰ ਆ ਰਹੇ ਹਨ। ਪੋਸਟਰ ’ਚ ਹੋਲੀ ਵਾਲੀ ਪੂਰੀ ਵਾਈਬ ਦਿਸ ਰਹੀ ਹੈ, ਚਾਰੇ ਪਾਸੇ ਚਮਕਦੇ ਰੰਗ ਅਤੇ ਜ਼ਬਰਦਸਤ ਫੈਸਟਿਵ ਮੂਡ ਨਜ਼ਰ ਆ ਰਿਹਾ ਹੈ।

ਨਿਖਿਲ ਸਿਧਾਰਥ ਇਸ ਵਾਰ ਕਾਫ਼ੀ ਕਰਿਸ਼ਮਾਈ ਅਤੇ ਇੰਟੈਂਸ ਅੰਦਾਜ਼ ’ਚ ਦਿਸ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਇੱਕ ਵੱਡੇ ਪੱਧਰ ਦੀ ਐਕਸ਼ਨ ਫ਼ਿਲਮ ਹੈ, ਜਿਸ ਵਿੱਚ ਨਿਖਿਲ ਪਹਿਲੀ ਵਾਰ ਅਜਿਹੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। 'ਸਵਯਮਭੂ' ਨਿਖਿਲ ਦੇ ਕਰੀਅਰ ਦੀ ਸਭ ਤੋਂ ਮਹਿੰਗੀ ਫ਼ਿਲਮ ਮੰਨੀ ਜਾ ਰਹੀ ਹੈ। ਭਰਤ ਕ੍ਰਿਸ਼ਨਾਮਾਚਾਰੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਇਸ ਫ਼ਿਲਮ ਲਈ ਨਿਖਿਲ ਨੇ ਕਾਫੀ ਸਰੀਰਕ ਬਦਲਾਅ ਵੀ ਕੀਤੇ ਹਨ। ਇਸ ਫ਼ਿਲਮ ਵਿੱਚ ਉਨ੍ਹਾਂ ਦੇ ਨਾਲ ਸੰਯੁਕਤਾ ਮੈਨਨ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ।