ਅਲੀ ਗੋਨੀ ਦੀ ਭੈਣ ਨੂੰ ਲੋਕਾਂ ਨੇ ਕੱਢੀਆਂ ਗਾਲ੍ਹਾਂ, ਗੁੱਸੇ ’ਚ ਅਦਾਕਾਰ ਨੇ ਲਿਆ ਵੱਡਾ ਫ਼ੈਸਲਾ

Tuesday, Jul 13, 2021 - 09:43 AM (IST)

ਨਵੀਂ ਦਿੱਲੀ (ਬਿਊਰੋ) : ਟੀ. ਵੀ. ਅਦਾਕਾਰ ਅਲੀ ਗੋਨੀ ਛੋਟੇ ਪਰਦੇ ਦੇ ਮਸ਼ਹੂਰ ਅਦਾਕਾਰ ਹਨ। ‘ਬਿੱਗ ਬੌਸ’ ਤੋਂ ਬਾਅਦ ਅਲੀ ਕਿਸੇ ਨਾ ਕਿਸੇ ਵਜ੍ਹਾ ਨਾਲ ਖ਼ਬਰਾਂ ’ਚ ਛਾਏ ਰਹਿੰਦੇ ਹਨ। ਅਲੀ ਸੋਸ਼ਲ ਮੀਡੀਆ ’ਤੇ ਵੀ ਕਾਫ਼ੀ ਸਰਗਰਮ ਰਹਿੰਦੇ ਹਨ ਪਰ ਹਾਲ ਹੀ ’ਚ ਅਦਾਕਾਰ ਨੇ ਆਪਣੇ ਸੋਸ਼ਲ ਮੀਡੀਆ ਤੋਂ ਬਰੇਕ ਲੈ ਲਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਅਲੀ ਨੇ ਆਪਣੇ ਟਵਿੱਟਰ ਅਕਾਊਂਟ ’ਤੇ ਦਿੱਤੀ ਹੈ ਕਿ ਉਹ ਕੁਝ ਸਮੇਂ ਲਈ ਟਵਿੱਟਰ ਤੋਂ ਬਰੇਕ ਲੈ ਰਹੇ ਹਨ। ਅਲੀ ਨੇ ਇਹ ਬਰੇਕ ਗੁੱਸੇ ’ਚ ਲਿਆ ਹੈ। ਅਦਾਕਾਰ ਨੇ ਟਵੀਟ ਕਰ ਕੇ ਦੱਸਿਆ ਕਿ ਕੁਝ ਲੋਕ ਸੋਸ਼ਲ ਮੀਡੀਆ ’ਤੇ ਉਨ੍ਹਾਂ ਦੇ ਪਰਿਵਾਰ ਤੇ ਭੈਣ ਨੂੰ ਗਾਲ੍ਹਾਂ ਦੇ ਰਹੇ ਹਨ ਤੇ ਇਹ ਗੱਲ ਉਨ੍ਹਾਂ ਸਹਿਣ ਨਹੀਂ ਹੋ ਰਹੀ ਹੈ ਇਸ ਲਈ ਉਹ ਟਵਿੱਟਰ ਛੱਡ ਰਹੇ ਹਨ।

Saw some accounts abusing my sister and saying negative things.. I use to ignore things.. but this is something I can’t ignore. Bloody don’t u dare drag my family here… I m so angry right now I might delete my account.. hell with this
— Aly Goni (@AlyGoni) July 11, 2021

ਆਪਣੇ ਪਹਿਲੇ ਟਵੀਟ ’ਚ ਅਦਾਕਾਰ ਨੇ ਲਿਖਿਆ, ‘ਕੁਝ ਅਕਾਊਂਟ ਦੇਖੇ ਜੋ ਮੇਰੀ ਭੈਣ ਨੂੰ ਗਾਲ੍ਹਾਂ ਕੱਢ ਰਹੇ ਹਨ ਤੇ ਉਸ ਨੂੰ ਲੈ ਕੇ ਨੈਗੇਟਿਵ ਗੱਲਾਂ ਬੋਲ ਰਹੇ ਹਨ। ਮੈਂ ਚੀਜਾਂ ਨੂੰ ਨਜ਼ਰਅੰਦਾਜ਼ ਕਰਦਾ ਰਹਿੰਦਾ ਹਾਂ ਪਰ ਇਹ ਕੁਝ ਅਜਿਹਾ ਹੈ, ਜਿਸ ਨੇ ਮੈਂ ਨਜ਼ਰਅੰਦਾਜ਼ ਨਹੀਂ ਕਰ ਸਕਦਾ। ਮੇਰੇ ਪਰਿਵਾਰ ਨੂੰ ਇੱਥੇ ਖਿੱਚਣ ਦੀ ਹਿੰਮਤ ਨਾ ਕਰਨਾ। ਮੈਂ ਅਜੇ ਬਹੁਤ ਗੱਸੇ ’ਚ ਹਾਂ ਤੇ ਆਪਣੇ ਅਕਾਊਂਟ ਨੂੰ ਬੰਦ ਕਰ ਸਕਦਾ ਹਾਂ।’ ਇਸ ਟਵੀਟ ਤੋਂ ਬਾਅਦ ਅਲੀ ਨੇ ਆਪਣਾ ਟਵਿੱਟਰ ਅਕਾਊਂਟ ਡਿਲੀਟ ਤਾਂ ਨਹੀਂ ਕੀਤਾ ਪਰ ਦੂਰੀ ਜ਼ਰੂਰ ਬਣਾ ਲਈ। ਅਗਲੇ ਟਵੀਟ ’ਚ ਅਲੀ ਨੇ ਲਿਖਿਆ ‘ਕੁਝ ਸਮੇਂ ਲਈ ਟਵਿੱਟਰ ਛੱਡ ਰਿਹਾ ਹਾਂ। ਮੇਰਾ ਲੋਕਾਂ ਨੂੰ ਬਹੁਤ ਸਾਰਾ ਪਿਆਰ।’