ਬੇਅਰ ਗ੍ਰਿਲਸ ਦੇ ਨਾਲ ''ਖ਼ਤਰਨਾਕ ਐਡਵੇਂਚਰ'' ਕਰਦੇ ਨਜ਼ਰ ਆਏ ਅਕਸ਼ੇ ਕੁਮਾਰ (ਵੀਡੀਓ)
Tuesday, Sep 01, 2020 - 10:08 AM (IST)
ਮੁੰਬਈ (ਬਿਊਰੋ) - ਬਾਲੀਵੁੱਡ ਦੇ ਐਕਸ਼ਨ ਖਿਲਾੜੀ ਅਕਸ਼ੇ ਕੁਮਾਰ ਨੂੰ ਬਾਲੀਵੁੱਡ ‘ਚ 'ਖ਼ਤਰਿਆਂ ਦੇ ਖਿਲਾੜੀ' ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ ਕਿਉਂਕਿ ਕਈ ਫ਼ਿਲਮਾਂ ‘ਚ ਸਟੰਟ ਉਹ ਖ਼ੁਦ ਵੀ ਕਰਦੇ ਦਿਖਾਈ ਦਿੰਦੇ ਹਨ। ਹੁਣ ਅਕਸ਼ੇ ਕੁਮਾਰ ਬੇਅਰ ਗ੍ਰਿਲਸ ਨਾਲ ਜੰਗਲ ‘ਚ 'ਐਡਵੇਂਚਰ' ਕਰਦੇ ਹੋਏ ਵਿਖਾਈ ਦੇ ਰਹੇ ਹਨ। ਇਹ ਪਹਿਲਾਂ ਮੌਕਾ ਹੈ ਕਿ ਜਦੋਂ ਬਾਲੀਵੁੱਡ ਦਾ ਕੋਈ ਸਟਾਰ ਇਸ ਕੌਮਾਂਤਰੀ ਸ਼ੋਅ ਦਾ ਹਿੱਸਾ ਬਣਿਆ ਹੈ। ਅਕਸ਼ੇ ਨੇ ਇਸ ਦੌਰਾਨ ਕਈ ਖ਼ਤਰਨਾਕ ਸਟੰਟ ਵੀ ਕੀਤੇ।
ਅਦਾਕਾਰ ਨੇ ਇਸ ਸ਼ੋਅ ਦਾ ਇੱਕ ਪ੍ਰੋਮੋ ਸਾਂਝਾ ਕਰਦੇ ਹੋਏ ਲਿਖਿਆ ਹੈ ਕਿ ‘ਮੈਨੂੰ ਪਤਾ ਸੀ ਕਿ ਬੇਅਰ ਗ੍ਰਿਲਸ ਨਾਲ ਵਾਈਲਡ ਹੋਣ ਤੋਂ ਪਹਿਲਾਂ ਖ਼ਤਰਨਾਕ ਚੁਣੌਤੀਆਂ ਹੋਣਗੀਆਂ ਪਰ ਬੇਅਰ ਗ੍ਰਿਲਸ ਨੇ ਮੈਨੂੰ ਹਾਥੀ ਪੌਪ ਚਾਹ ਦੇ ਨਾਲ ਪੂਰੀ ਤਰ੍ਹਾਂ ਹੈਰਾਨ ਕਰ ਦਿੱਤਾ, ਕੀ ਦਿਨ ਸੀ।’
ਦੱਸ ਦਈਏ ਕਿ ਸ਼ੋਅ ਦੇ ਇਸ ਪ੍ਰੋਮੋ ਦੀ ਸ਼ੁਰੂਆਤ ਇੱਕ ਸੰਘਣੇ ਜੰਗਲ ਨਾਲ ਹੁੰਦੀ ਹੈ। ਅਕਸ਼ੇ ਕੁਮਾਰ ਇੱਕ ਹੈਲੀਕਾਪਟਰ ‘ਤੇ ਖੜੇ ਵਿਖਾਈ ਦਿੰਦੇ ਹਨ। ਇਸ ਤੋਂ ਬਾਅਦ ਉਹ ਇੱਕ ਨਦੀ ‘ਚ ਤੈਰਦੇ ਹੋਏ ਨਜ਼ਰ ਆਉਂਦੇ ਹਨ। ਅਕਸ਼ੇ ਦਾ ਇਹ ਅੰਦਾਜ਼ ਦਰਸ਼ਕਾਂ ਨੂੰ ਵੀ ਪਸੰਦ ਆ ਰਿਹਾ ਹੈ ਅਤੇ ਲੋਕਾਂ ਵੱਲੋਂ ਇਸ ਨੂੰ ਪਸੰਦ ਕੀਤਾ ਜਾ ਰਿਹਾ ਹੈ ।
