'ਬਿੱਗ ਬੌਸ 15' 'ਚ ਪਹੁੰਚਦੇ ਹੀ ਅਫਸਾਨਾ ਖ਼ਾਨ ਨੇ ਦਿਖਾਏ ਤੇਵਰ, ਮੂੰਹ ਤੋੜਨ ਤੱਕ ਪਹੁੰਚੀ ਗੱਲ (ਵੀਡੀਓ)

ਨਵੀਂ ਦਿੱਲੀ (ਬਿਊਰੋ) : ਸੁਪਰਸਟਾਰ ਸਲਮਾਨ ਖ਼ਾਨ ਦੇ ਸਭ ਤੋਂ ਚਰਚਿਤ ਅਤੇ ਵਿਵਾਦਿਤ ਸ਼ੋਅ ‘ਬਿੱਗ ਬੌਸ’ ਦੇ 15ਵੇਂ ਸੀਜ਼ਨ ਦੀ ਧਮਾਕੇਦਾਰ ਸ਼ੁਰੂਆਤ ਹੋ ਚੁੱਕੀ ਹੈ। ਹਰ ਸੀਜ਼ਨ ਦੀ ਤਰ੍ਹਾਂ 'ਬਿੱਗ ਬੌਸ 15' ਦਾ ਵੀ ਲੋਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਸੀ ਅਤੇ ਜਿਵੇਂ ਹਰ ਸੀਜ਼ਨ ਦੀ ਸ਼ੁਰੂਆਤ ਹੁੰਦੀ ਹੈ, ਉਂਝ ਹੀ ਇਹ ਸੀਜ਼ਨ ਵੀ ਸ਼ੁਰੂ ਹੋਇਆ। 'ਬਿੱਗ ਬੌਸ' ਦੇ ਪ੍ਰੀਮੀਅਰ ਵਾਲੇ ਦਿਨ ਹੀ ਓਮਰ ਰਿਆਜ਼ ਅਤੇ ਈਸ਼ਾਨ ਸਹਿਗਲ ਵਿਚਕਾਰ ਹਲਕੀ-ਫੁਲਕੀ ਨਾਰਾਜ਼ਗੀ ਨਜ਼ਰ ਆਈ। ਇਸ ਤੋਂ ਬਾਅਦ 'ਬਿੱਗ ਬੌਸ' ਓਟੀਟੀ ਕੰਟੈਸਟੈਂਟ ਪ੍ਰਤੀਕ ਸਹਿਜਪਾਲ ਅਤੇ ਓਮਰ ਰਿਆਜ਼ ਵਿਚਕਾਰ ਜ਼ੋਰਦਾਰ ਝਗੜਾ ਹੋਇਆ। ਉਥੇ ਹੀ ਹੁਣ ਸੀਜ਼ਨ ਦੇ ਪਹਿਲੇ ਦਿਨ ਹੀ ਦੋ ਫੀਮੇਲ ਕੰਟੈਸਟੈਂਟਸ ਆਪਸ 'ਚ ਬੁਰੀ ਤਰ੍ਹਾਂ ਭਿੜਦੀਆਂ ਨਜ਼ਰ ਆਉਣ ਵਾਲੀਆਂ ਹਨ।

ਕਲਰਸ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਅੱਜ ਦੇ ਐਪੀਸੋਡ ਦਾ ਪ੍ਰੋਮੋ ਜਾਰੀ ਕੀਤਾ ਹੈ, ਜਿਸ 'ਚ ਅਫਸਾਨਾ ਖ਼ਾਨ ਅਤੇ ਨਿਧੀ ਪਾਂਡਿਆ ਬੁਰੀ ਤਰ੍ਹਾਂ ਝਗੜਦੀਆਂ ਨਜ਼ਰ ਆ ਰਹੀਆਂ ਹਨ। ਵੀਡੀਓ 'ਚ ਦਿਸ ਰਿਹਾ ਹੈ ਕਿ 'ਬਿੱਗ ਬੌਸ' ਸਾਰੇ 'ਜੰਗਲਵਾਸੀਆਂ' ਨੂੰ ਆਦੇਸ਼ ਦਿੱਤੇ ਹਨ, ''ਸਾਰੇ ਜੰਗਲਵਾਸੀਆਂ ਨੂੰ ਆਪਣਾ ਸਾਰਾ ਸਾਮਾਨ 'ਬਿੱਗ ਬੌਸ' ਨੂੰ ਸੌਂਪਣਾ ਹੋਵੇਗਾ।'' ਇਸਤੋਂ ਬਾਅਦ ਘਰਵਾਲੇ ਸਾਮਾਨ ਸਮੇਟਣ ਲੱਗ ਜਾਂਦੇ ਹਨ ਅਤੇ ਤਾਂ ਹੀ ਨਿਧੀ ਕੁਝ ਕਹਿੰਦੀ ਹੈ ਜੋ ਅਫ਼ਸਾਨਾ ਨੂੰ ਪਸੰਦ ਨਹੀਂ ਆਉਂਦਾ। ਅਫ਼ਸਾਨਾ ਪਲਟ ਕੇ ਨਿਧੀ ਨੂੰ ਜਵਾਬ ਦਿੰਦੀ ਹੈ ਅਤੇ ਉਸੇ ਸਮੇਂ ਦੋਵਾਂ 'ਚ ਬਹਿਸ ਹੋ ਜਾਂਦੀ ਹੈ। ਅਫਸਾਨਾ, ਨਿਧੀ ਨੂੰ ਗੁੱਸੇ 'ਚ ਕਹਿੰਦੇ ਹੀ ਕਿ ਜੇਕਰ ਉਨ੍ਹਾਂ ਨੇ ਉਸ ਨਾਲ ਜ਼ੁਬਾਨ ਲੜਾਈ ਤਾਂ ਉਹ ਉਸ ਦਾ ਮੂੰਹ ਤੋੜ ਦੇਵੇਗੀ। ਅਫਸਾਨਾ ਦੀ ਇਹ ਗੱਲ ਸੁਣ ਕੇ ਤੇਜਸਵੀ ਪ੍ਰਕਾਸ਼ ਅਤੇ ਵਿਸ਼ਾਲ ਵੀ ਭਿੜ ਜਾਂਦੇ ਹਨ ਅਤੇ ਉਸ 'ਚ ਜ਼ਬਰਦਸਤ ਝਗੜਾ ਹੋ ਜਾਂਦਾ ਹੈ।

ਇਨ੍ਹਾਂ ਕੰਟੈਸਟੈਂਟ ਨੇ ਲਿਆ ਹਿੱਸਾ
'ਬਿੱਗ ਬੌਸ 15' 'ਚ ਇਸ ਵਾਰ ਜੈ ਭਾਨੂਸ਼ਾਲੀ, ਤੇਜਸਵੀ ਪ੍ਰਕਾਸ਼, ਕਰਨ ਕੁੰਦਰਾ, ਅਕਾਸਾ ਸਿੰਘ, ਨਿਧੀ ਪਾਂਡਿਆ, ਵਿਸ਼ਾਲ ਕੋਟਿਯਨ, ਸਿੰਬਾ ਨਾਗਪਾਲ, ਡੋਨਲ ਬਿਸ਼ਟ, ਓਮਰ ਰਿਆਜ਼, ਅਫਸਾਨਾ ਖ਼ਾਨ, ਸਾਹਿਲ ਸ਼ਰਾਫ, ਸ਼ਮਿਤਾ ਸ਼ੈੱਟੀ, ਪ੍ਰਤੀਕ ਸਹਿਜਪਾਲ, ਨਿਸ਼ਾਂਤ ਭੱਟ, ਇਸ਼ਾਨ ਸਹਿਗਲ, ਮਾਯਸ਼ਾ ਅੱਯਰ ਨਜ਼ਰ ਆ ਰਹੇ ਹਨ। ਉਥੇ ਹੀ ਸ਼ੋਅ ਨੂੰ ਪਿਛਲੇ ਕਈ ਸੀਜ਼ਨ ਦੀ ਤਰ੍ਹਾਂ ਸਾਰਿਆਂ ਦੇ ਫੇਵਰੇਟ ਸਲਮਾਨ ਖ਼ਾਨ ਹੀ ਹੋਸਟ ਕਰ ਰਹੇ ਹਨ। 2 ਅਕਤੂਬਰ ਨੂੰ ਇਸ ਦਾ ਗ੍ਰੈਂਡ ਪ੍ਰੀਮੀਅਰ ਹੋਇਆ ਸੀ।