ਲਤਾ ਮੰਗੇਸ਼ਕਰ ਬਾਰੇ ਕੀਤੇ ਮਾੜੇ ਕੁਮੈਂਟ ਨੂੰ ਦੇਖ ਭੜਕੇ ਅਦਨਾਨ ਸਾਮੀ, ਇੰਝ ਦਿੱਤਾ ਯੂਜ਼ਰ ਨੂੰ ਜਵਾਬ

ਮੁੰਬਈ (ਬਿਊਰੋ)– ਮਸ਼ਹੂਰ ਬਾਲੀਵੁੱਡ ਗਾਇਕ ਅਦਨਾਨ ਸਾਮੀ ਅਕਸਰ ਸੋਸ਼ਲ ਮੀਡੀਆ ’ਤੇ ਕਿਸੇ ਨਾ ਕਿਸੇ ਯੂਜ਼ਰ ਦੀ ਕਲਾਸ ਲਗਾਉਂਦੇ ਨਜ਼ਰ ਆਉਂਦੇ ਹਨ। ਅਦਨਾਨ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਰਹਿੰਦੇ ਹਨ। ਅਦਨਾਨ ਆਪਣੀ ਨਿੱਜੀ ਤੇ ਕੰਮਕਾਜੀ ਦੋਵੇਂ ਤਰ੍ਹਾਂ ਦੀ ਜਾਣਕਾਰੀ ਸੋਸ਼ਲ ਮੀਡੀਆ ਜ਼ਰੀਏ ਹੀ ਲੋਕਾਂ ਤਕ ਪਹੁੰਚਾਉਂਦੇ ਹਨ।

ਇਸ ਵਿਚਾਲੇ ਹਾਲ ਹੀ ’ਚ ਅਦਨਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਬਾਲੀਵੁੱਡ ਦੀ ਸਦਾਬਹਾਰ ਗਾਇਕਾ ਲਤਾ ਮੰਗੇਸ਼ਕਰ, ਆਸ਼ਾ ਭੋਸਲੇ ਤੇ ਨੂਰਜਹਾਂ ਦੀ ਤਸਵੀਰ ਪੋਸਟ ਕੀਤੀ। ਇਸ ਤਸਵੀਰ ਦੇ ਨਾਲ ਸਿੰਗਰ ਨੇ ਕੈਪਸ਼ਨ ’ਚ ਲਿਖਿਆ, ‘ਕਿੰਨੀ ਆਈਕਾਨਿਕ ਤੇ ਇਤਿਹਾਸਿਕ ਫੋਟੋ ਹੈ।’

What an Iconic & Historic Photo!#LataMangeshkar #NoorJehan #AshaBhosle 💖💖💖@mangeshkarlata @ashabhosle pic.twitter.com/0nMEkFsC0R

— Adnan Sami (@AdnanSamiLive) January 14, 2021

ਅਦਨਾਨ ਦੀ ਇਸ ਪੋਸਟ ’ਤੇ ਇਕ ਯੂਜ਼ਰ ਨੇ ਲਤਾ ਮੰਗੇਸ਼ਕਰ ਨੂੰ ਟਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਬਦਲੇ ’ਚ ਉਸ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ।

ਯੂਜ਼ਰਜ਼ ਨੇ ਅਦਨਾਨ ਦੀ ਪੋਸਟ ’ਤੇ ਲਤਾ ਮੰਗੇਸ਼ਕਰ ਦੀ ਆਵਾਜ਼ ਦੀ ਨਿੰਦਿਆ ਕਰਦਿਆਂ ਜੋ ਕੁਮੈਂਟ ਕੀਤਾ, ਉਸ ਨੂੰ ਪੜ੍ਹ ਕੇ ਅਦਨਾਨ ਵੀ ਚੁੱਪ ਨਹੀਂ ਬੈਠੇ ਤੇ ਉਨ੍ਹਾਂ ਨੇ ਯੂਜ਼ਰ ਨੂੰ ਕਰਾਰਾ ਜਵਾਬ ਦਿੱਤਾ। ਯੂਜ਼ਰਜ਼ ਨੇ ਕੁਮੈਂਟ ਕਰਦਿਆਂ ਲਿਖਿਆ ਸੀ, ‘ਲਤਾ ਮੰਗੇਸ਼ਕਰ ਦੀ ਆਵਾਜ਼ ਵਧੀਆ ਹੈ, ਇਹ ਸੋਚਣ ਲਈ ਭਾਰਤੀਆਂ ਦਾ ਬ੍ਰੇਨਵਾਸ਼ ਕੀਤਾ ਗਿਆ ਹੈ।’

Indians have been brainwashed into thinking that Lata Mangeshkar has a good voice.

— Kaveri 🇮🇳 (@ikaveri) January 13, 2021

ਯੂਜ਼ਰ ਦੇ ਕੁਮੈਂਟ ਦਾ ਜਵਾਬ ਦਿੰਦਿਆਂ ਅਦਨਾਨ ਸਾਮੀ ਨੇ ਲਿਖਿਆ, ‘ਬੰਦਰ ਕਯਾ ਜਾਨੇ ਅਦਰਕ ਕਾ ਸਵਾਦ। ਆਪਣਾ ਮੂੰਹ ਖੋਲ੍ਹਣ ਤੇ ਸਾਰੇ ਸ਼ੱਕ ਦੂਰ ਕਰਨ ਨਾਲੋਂ ਚੁੱਪ ਰਹਿਣਾ ਤੇ ਮੂਰਖ ਦਿਖਾਈ ਦੇਣਾ ਬਿਹਤਰ ਹੈ।’

'Bandar Kya Jaane Adrak Ka Swaad'.
...It’s better to stay silent and appear stupid than to open your mouth & remove all doubt!! https://t.co/kUi9dsfMGt

— Adnan Sami (@AdnanSamiLive) January 14, 2021

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।