30 ਸਾਲ ਤੋਂ ਇਨ੍ਹਾਂ ਨਾਲ ਨਹੀਂ ਹੋਈ ਆਮਿਰ ਖ਼ਾਨ ਦੀ ਗੱਲ, ਖੁਲਾਸਾ ਕਰਦੇ ਰੋ ਪਏ ਅਦਾਕਾਰ

ਮੁੰਬਈ (ਬਿਊਰੋ) : ਰੀਆ ਚੱਕਰਵਰਤੀ ਨੇ ਹਾਲ ਹੀ 'ਚ ਆਪਣੇ ਪੋਡਕਾਸਟ 'ਚੈਪਟਰ 2' ਨਾਲ ਵਾਪਸੀ ਕੀਤੀ ਹੈ। ਇਸ ਵਾਰ ਬਾਲੀਵੁੱਡ ਸੁਪਰਸਟਾਰ ਆਮਿਰ ਖ਼ਾਨ ਅਦਾਕਾਰਾ ਦੇ ਚੈਟ ਸ਼ੋਅ 'ਚ ਮਹਿਮਾਨ ਦੇ ਰੂਪ 'ਚ ਨਜ਼ਰ ਆਏ ਹਨ। ਰੀਆ ਨੇ ਅੱਜ 30 ਅਗਸਤ ਨੂੰ 'ਚੈਪਟਰ 2' ਦਾ ਨਵਾਂ ਪ੍ਰੋਮੋ ਰਿਲੀਜ਼ ਕੀਤਾ ਹੈ, ਜਿਸ 'ਚ ਆਮਿਰ ਖ਼ਾਨ ਆਪਣੇ 30 ਸਾਲਾਂ ਦੇ ਫਲੈਸ਼ਬੈਕ ਨੂੰ ਯਾਦ ਕਰਕੇ ਰੋਂਦੇ ਹਨ। ਰੀਆ ਚੱਕਰਵਰਤੀ ਆਪਣੇ 'ਚੈਪਟਰ 2' ਦੇ ਨਵੇਂ ਐਪੀਸੋਡ ਲਈ ਕਾਫ਼ੀ ਉਤਸ਼ਾਹਿਤ ਸੀ ਕਿਉਂਕਿ ਇਸ ਵਾਰ ਉਸ ਨਾਲ ਬਾਲੀਵੁੱਡ ਸੁਪਰਸਟਾਰ ਆਮਿਰ ਖ਼ਾਨ ਜੁੜੇ ਹੋਏ ਹਨ। ਸ਼ੁੱਕਰਵਾਰ ਨੂੰ ਰੀਆ ਚੱਕਰਵਰਤੀ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਆਪਣੀ ਚੈਟ ਦਾ ਨਵਾਂ ਪ੍ਰੋਮੋ ਜਾਰੀ ਕੀਤਾ।

ਨਵੇਂ ਪ੍ਰੋਮੋ 'ਚ ਆਮਿਰ ਖਾਨ ਨੇ ਆਪਣੇ 30 ਸਾਲ ਦੇ ਕਰੀਅਰ ਦੀ ਗੱਲ ਕੀਤੀ ਹੈ। ਇਸ ਦੌਰਾਨ ਇੱਕ ਪਲ ਅਜਿਹਾ ਆਉਂਦਾ ਹੈ ਜਦੋਂ 'ਪੀਕੇ' ਸਟਾਰ ਦੀਆਂ ਅੱਖਾਂ ਨਮ ਹੋ ਜਾਂਦੀਆਂ ਹਨ। ਇਸ ਪ੍ਰੋਮੋ ਨੂੰ ਸਾਂਝਾ ਕਰਦੇ ਹੋਏ ਰੀਆ ਨੇ ਕੈਪਸ਼ਨ 'ਚ ਲਿਖਿਆ, ''ਆਮਿਰ ਖ਼ਾਨ ਨਾਲ 'ਚੈਪਟਰ 2' ਐਪੀਸੋਡ 2 'ਚ ਉਨ੍ਹਾਂ ਵਰਗੇ ਇਮਾਨਦਾਰ ਵਿਅਕਤੀ ਨੂੰ ਦੇਖ ਕੇ ਦਿਲ ਛੂਹ ਜਾਂਦਾ ਹੈ। 'ਚੈਪਟਰ 2' ਪਿਆਰ ਅਤੇ ਰੌਸ਼ਨੀ।' ਪ੍ਰੋਮੋ ਦੀ ਸ਼ੁਰੂਆਤ ਆਮਿਰ ਖ਼ਾਨ ਨਾਲ ਹੁੰਦੀ ਹੈ। ਉਹ 30 ਦੇ ਦਹਾਕੇ 'ਚ ਆਪਣੇ ਫ਼ਿਲਮੀ ਕਰੀਅਰ ਦੀ ਗੱਲ ਕਰਦਾ ਹੈ। ਉਹ ਕਹਿੰਦੇ ਹਨ, ''ਮੈਂ ਲਗਭਗ 30 ਸਾਲਾਂ ਤੋਂ ਬਤੌਰ ਅਦਾਕਾਰ ਕੰਮ ਕਰ ਰਿਹਾ ਸੀ ਅਤੇ ਮੈਂ ਫ਼ਿਲਮਾਂ ਦੀ ਇਸ ਦੁਨੀਆ 'ਚ ਇੰਨਾ ਗੁਆਚ ਗਿਆ ਸੀ ਕਿ ਮੈਨੂੰ ਕਦੇ ਬੈਠਣ ਅਤੇ ਆਪਣੀ ਜ਼ਿੰਦਗੀ ਬਾਰੇ ਸੋਚਣ ਦਾ ਮੌਕਾ ਨਹੀਂ ਮਿਲਿਆ। ਮੈਂ 30 ਸਾਲਾਂ ਤੋਂ ਮੇਰੇ ਕਰੀਬੀ ਲੋਕਾਂ ਨੂੰ ਸਮਾਂ ਨਹੀਂ ਦਿੱਤਾ।''

ਆਮਿਰ ਖ਼ਾਨ ਨੇ ਅੱਗੇ ਕਿਹਾ, ''30 ਸਾਲ...ਮੇਰੀ ਮਾਂ, ਉਹ ਬੁੱਢੀ ਹੋ ਰਹੀ ਹੈ। ਮੈਨੂੰ ਨਹੀਂ ਪਤਾ ਕਿ ਮੇਰਾ ਉਨ੍ਹਾਂ ਨਾਲ ਕਿੰਨਾ ਸਮਾਂ ਹੈ ਅਤੇ ਮੈਂ ਆਪਣੇ ਦਰਸ਼ਕਾਂ ਨਾਲ ਹੱਸਿਆ ਹਾਂ। ਮੈਂ ਉਨ੍ਹਾਂ ਨੂੰ ਹਸਾਇਆ ਹੈ। ਮੈਂ ਉਨ੍ਹਾਂ ਨੂੰ ਰਵਾਇਆ ਹੈ ਪਰ ਮੈਂ ਇਹ ਜਾਣਨ ਦੀ ਕੋਸ਼ਿਸ਼ ਨਹੀਂ ਕੀਤੀ ਕਿ ਮੇਰੇ ਬੱਚਿਆਂ ਦੇ ਦਿਲਾਂ 'ਚ ਕੀ ਸੀ। ਵਿਚਕਾਰ ਰੀਆ ਕਹਿੰਦੀ ਹੈ, 'ਇਹ ਦਿਲ ਦਹਿਲਾਉਣ ਵਾਲਾ ਪਲ ਸੀ, ਹੈ ਨਾ?'' ਆਮਿਰ ਖ਼ਾਨ ਨੇ ਰੋਂਦੇ ਹੋਏ ਕਿਹਾ, ''ਮੈਨੂੰ ਬਹੁਤ ਬੁਰਾ ਲੱਗਦਾ ਹੈ ਰੀਆ। ਇਸ ਲਈ ਉਸ ਸਮੇਂ ਮੈਂ...।' ਆਪਣੇ ਹੰਝੂਆਂ 'ਤੇ ਕਾਬੂ ਪਾ ਕੇ ਉਹ ਕਹਿੰਦੇ ਹਨ, 'ਉਸ ਸਮੇਂ ਮੇਰੇ ਲਈ ਇਹ ਬਹੁਤ ਮੁਸ਼ਕਲ ਸੀ।' ਰੀਆ ਕਹਿੰਦੀ ਹੈ, 'ਇਹ ਬਹੁਤ ਮੁਸ਼ਕਲ ਸੀ ਕਿਉਂਕਿ ਤੁਸੀਂ ਆਪਣੇ ਬਾਰੇ ਮਹਿਸੂਸ ਕੀਤਾ ਸੀ।' ਆਮਿਰ ਖ਼ਾਨ ਨੇ ਅੱਗੇ ਕਿਹਾ, 'ਮੈਨੂੰ ਕਿਸੇ ਨੇ ਨਹੀਂ ਦੱਸਿਆ, ਮੈਂ ਖੁਦ ਮਹਿਸੂਸ ਕੀਤਾ ਕਿ ਜੋ ਸਮਾਂ ਬੀਤ ਗਿਆ ਹੈ ਉਹ ਦੁਬਾਰਾ ਵਾਪਸ ਨਹੀਂ ਆਵੇਗਾ।' ਚੈਪਟਰ 2 ਦਾ ਪੂਰਾ ਐਪੀਸੋਡ ਰੀਆ ਚੱਕਰਵਰਤੀ ਦੇ ਯੂਟਿਊਬ ਚੈਨਲ 'ਤੇ ਉੱਪਲਬਧ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।