ਸਟਾਕ ਮਾਰਕੀਟ: ਸੈਂਸੈਕਸ 200 ਅੰਕ ਚੜ੍ਹਿਆ ਤੇ ਨਿਫਟੀ 17,472 ਦੇ ਪੱਧਰ 'ਤੇ ਖੁੱਲ੍ਹਿਆ

ਮੁੰਬਈ - ਸ਼ੇਅਰ ਬਾਜ਼ਾਰ 'ਚ ਅੱਜ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਬੰਬਈ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਦਾ ਸੈਂਸੈਕਸ 200 ਅੰਕਾਂ ਦੇ ਵਾਧੇ ਨਾਲ 58,829 'ਤੇ ਖੁੱਲ੍ਹਿਆ ਪਰ ਕੁਝ ਸਮੇਂ ਬਾਅਦ ਹੁਣ ਗਿਰਾਵਟ 'ਚ ਹੈ। ਇਸ 'ਚ 50 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।

ਸੈਂਸੈਕਸ 182 ਅੰਕ ਚੜ੍ਹ ਕੇ ਖੁੱਲ੍ਹਿਆ

ਅੱਜ ਸਵੇਰੇ ਸੈਂਸੈਕਸ 182 ਅੰਕ ਵਧ ਕੇ 58,831 'ਤੇ ਖੁੱਲ੍ਹਿਆ। ਦਿਨ ਦੇ ਦੌਰਾਨ ਇਸਨੇ 58,889 ਦੇ ਉੱਪਰਲੇ ਪੱਧਰ ਅਤੇ 58,711 ਦੇ ਹੇਠਲੇ ਪੱਧਰ ਨੂੰ ਬਣਾਇਆ। ਸੈਂਸੈਕਸ ਦੇ 30 ਸਟਾਕਾਂ 'ਚੋਂ 16 ਸ਼ੇਅਰਾਂ 'ਚ ਵਾਧਾ ਅਤੇ 14 ਗਿਰਾਵਟ 'ਚ ਹਨ। ਪ੍ਰਮੁੱਖ ਵਧ ਰਹੇ ਸਟਾਕ ਲਾਰਸਨ ਐਂਡ ਟੂਬਰੋ, ਮਹਿੰਦਰਾ ਐਂਡ ਮਹਿੰਦਰਾ, ਏਸ਼ੀਅਨ ਪੇਂਟਸ, ਰਿਲਾਇੰਸ ਹਨ। ਡਿੱਗਣ ਵਾਲੇ ਸ਼ੇਅਰਾਂ ਵਿੱਚ ਟਾਟਾ ਸਟੀਲ, ਟੈਕ ਮਹਿੰਦਰਾ, ਮਾਰੂਤੀ ਦੇ ਸ਼ੇਅਰ ਸ਼ਾਮਲ ਹਨ।

ਨਿਫਟੀ ਵੀ 17,472 ਪੱਧਰ  'ਤੇ ਖੁੱਲ੍ਹਿਆ

ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਮਾਮੂਲੀ ਵਾਧੇ ਨਾਲ 17,472 'ਤੇ ਕਾਰੋਬਾਰ ਕਰ ਰਿਹਾ ਹੈ। ਦਿਨ ਦੇ ਦੌਰਾਨ ਇਸਨੇ 17,542 ਦਾ ਉੱਚ ਅਤੇ 17,464 ਦਾ ਨੀਵਾਂ ਬਣਾਇਆ। ਇਸਦੇ 50 ਸ਼ੇਅਰਾਂ ਵਿੱਚੋਂ, 23 ਲਾਭ ਦੇ ਨਾਲ ਕਾਰੋਬਾਰ ਕਰ ਰਹੇ ਹਨ ਅਤੇ 27 ਹੇਠਾਂ ਹਨ. ਭਾਰਤ ਪੈਟਰੋਲੀਅਮ, ਏਸ਼ੀਅਨ ਪੇਂਟਸ, ਮਹਿੰਦਰਾ ਐਂਡ ਮਹਿੰਦਰਾ ਅਤੇ ਬ੍ਰਿਟਾਨੀਆ ਦੇ ਪ੍ਰਮੁੱਖ ਸਟਾਕ ਵਧਣ ਵਾਲੇ ਹਨ। ਗਿਰਾਵਟ ਦੇ ਸਟਾਕਾਂ ਵਿੱਚ ਮਾਰੂਤੀ, ਹਿੰਡਾਲਕੋ, ਟਾਟਾ ਸਟੀਲ ਅਤੇ ਹੋਰ ਸ਼ਾਮਲ ਹਨ।

ਕੱਲ੍ਹ ਬਾਜ਼ਾਰ 'ਚ ਸੀ 1,016 ਅੰਕਾਂ ਦੀ ਤੇਜ਼ੀ

ਇਸ ਤੋਂ ਪਹਿਲਾਂ ਕੱਲ੍ਹ ਰਿਜ਼ਰਵ ਬੈਂਕ ਦੀਆਂ ਨੀਤੀਗਤ ਦਰਾਂ 'ਚ ਕੋਈ ਬਦਲਾਅ ਨਾ ਹੋਣ ਕਾਰਨ ਬਾਜ਼ਾਰ 'ਚ ਜ਼ਬਰਦਸਤ ਤੇਜ਼ੀ ਦੇਖਣ ਨੂੰ ਮਿਲੀ ਸੀ। ਬੰਬਈ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਦਾ ਸੈਂਸੈਕਸ 1016 ਅੰਕਾਂ ਦੇ ਵਾਧੇ ਨਾਲ 58,649 'ਤੇ ਬੰਦ ਹੋਇਆ। ਮਾਰਕਿਟ ਕੈਪ 'ਚ 3.53 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਕੱਲ੍ਹ ਮਾਰਕੀਟ ਕੈਪ 264.20 ਲੱਖ ਕਰੋੜ ਰੁਪਏ ਸੀ। ਮੰਗਲਵਾਰ ਨੂੰ ਸੈਂਸੈਕਸ 886 ਅੰਕ ਚੜ੍ਹ ਕੇ ਬੰਦ ਹੋਇਆ।