ਸਪਾਈਸਜੈੱਟ ਦੀ ਸਹਾਇਕ ਕੰਪਨੀ ਸਪਾਈਸਐਕਸਪ੍ਰੈਸ ਇੱਕਠਾ ਕਰੇਗੀ 10 ਕਰੋੜ ਡਾਲਰ

ਨਵੀਂ ਦਿੱਲੀ (ਭਾਸ਼ਾ) - ਘੱਟ ਕੀਮਤ ਵਾਲੀ ਏਅਰਲਾਈਨ ਸਪਾਈਸਜੈੱਟ ਨੇ ਸੋਮਵਾਰ ਨੂੰ ਕਿਹਾ ਕਿ ਉਸਦੀ ਸਹਾਇਕ ਕੰਪਨੀ ਸਪਾਈਸਐਕਸਪ੍ਰੈਸ ਅਤੇ ਲੌਜਿਸਟਿਕਸ ਯੂਕੇ-ਅਧਾਰਤ ਸਮੂਹ ਤੋਂ 10 ਕਰੋੜ ਡਾਲਰ ਦਾ ਨਿਵੇਸ਼ ਇੱਕਠਾ ਕਰੇਗੀ। ਵਿੱਤੀ ਰੁਕਾਵਟਾਂ ਅਤੇ ਇੱਕ ਏਅਰਕ੍ਰਾਫਟ ਕਿਰਾਏਦਾਰ ਦੁਆਰਾ ਇੱਕ ਦਿਵਾਲੀਆ ਪਟੀਸ਼ਨ ਦਾ ਸਾਹਮਣਾ ਕਰ ਰਹੀ ਸਪਾਈਸਜੈੱਟ ਨੂੰ ਹਾਲ ਹੀ ਵਿੱਚ ਸਪਾਈਸਐਕਸਪ੍ਰੈਸ ਤੋਂ ਵੱਖ ਕਰ ਦਿੱਤਾ ਗਿਆ ਸੀ। ਏਅਰਲਾਈਨ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਉਸ ਦੀ ਦੀਵਾਲੀਆਪਨ ਲਈ ਫਾਈਲ ਕਰਨ ਦੀ ਕੋਈ ਯੋਜਨਾ ਨਹੀਂ ਹੈ ਅਤੇ ਜ਼ਮੀਨ 'ਤੇ ਖੜ੍ਹੇ 25 ਜਹਾਜ਼ਾਂ ਨੂੰ ਮੁੜ ਸੁਰਜੀਤ ਕਰਨ ਲਈ  5 ਕਰੋੜ ਡਾਲਰ ਦਾ ਨਿਵੇਸ਼ ਕਰੇਗੀ। ਏਅਰਲਾਈਨ ਨੇ ਸੋਮਵਾਰ ਨੂੰ ਇੱਕ ਰਿਲੀਜ਼ ਵਿੱਚ ਕਿਹਾ ਕਿ ਯੂਕੇ-ਅਧਾਰਤ SRAM ਅਤੇ MRAM ਸਮੂਹ ਸਪਾਈਸ ਐਕਸਪ੍ਰੈਸ ਵਿੱਚ 10 ਕਰੋੜ ਡਾਲਰ ਦਾ ਨਿਵੇਸ਼ ਕਰੇਗਾ। ਬਿਆਨ ਦੇ ਅਨੁਸਾਰ ਦੋਵਾਂ ਪਾਰਟੀਆਂ ਨੇ ਨਿਵੇਸ਼ ਸੌਦੇ ਦੇ ਤਹਿਤ ਇੱਕ ਸਮਝੌਤਾ ਪੱਤਰ (ਐਮਓਯੂ) 'ਤੇ ਦਸਤਖ਼ਤ ਕੀਤੇ ਹਨ।