ਅਰਥਚਾਰੇ ’ਚ ਸੁਧਾਰ ਦੇ ਸੰਕੇਤ, ਐਡਵਾਂਸ ਕਾਰਪੋਰੇਟ ਟੈਕਸ ਕੁਲੈਕਸ਼ਨ ’ਚ 49% ਦਾ ਵਾਧਾ

ਮੁੰਬਈ — ਕੋਰੋਨਾ ਆਫ਼ਤ ਨਾਲ ਪ੍ਰਭਾਵਤ ਅਰਥ ਵਿਵਸਥਾ ’ਚ ਮੁੜ ਸੁਰਜੀਤ ਹੋਣ ਦੇ ਸੰਕੇਤ ਮਿਲੇ ਹਨ। ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ’ਚ ਕੰਪਨੀਆਂ ਦੀ ਅਡਵਾਂਸ ਟੈਕਸ ਅਦਾਇਗੀ 49 ਪ੍ਰਤੀਸ਼ਤ ਤੋਂ ਵਧ ਕੇ 1,09,506 ਕਰੋੜ ਰੁਪਏ ’ਤੇ ਪਹੁੰਚ ਗਈ þ। ਸੀ.ਬੀ.ਡੀ.ਟੀ. ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਇਸ ਵਾਧੇ ਦਾ ਕਾਰਨ ਮੁੱਖ ਤੌਰ ’ਤੇ ਪਿਛਲੇ ਵਿੱਤੀ ਸਾਲ ਦੀ ਇਸੇ ਮਿਆਦ ਵਿਚ ਤੁਲਨਾਤਮਕ ਅਧਾਰ ਦਾ ਕਮਜ਼ੋਰ ਹੋਣਾ ਹੋ ਸਕਦਾ ਹੈ। ਸਰਕਾਰ ਨੇ ਪਿਛਲੇ ਵਿੱਤੀ ਸਾਲ 2019-20 ਦੀ ਤੀਜੀ ਤਿਮਾਹੀ ਵਿਚ ਕੰਪਨੀ ਟੈਕਸ ਦੀ ਦਰ ਨੂੰ ਘਟਾ ਕੇ ਰਿਕਾਰਡ ਨੀਵੇਂ ਪੱਧਰ ਤੱਕ 25 ਪ੍ਰਤੀਸ਼ਤ ਕਰ ਦਿੱਤਾ ਹੈ। ਇਸ ਨਾਲ ਕੰਪਨੀਆਂ ਦੇ ਟੈਕਸ ਭੁਗਤਾਨ ਘਟੇ ਹਨ। ਪਿਛਲੇ ਵਿੱਤੀ ਸਾਲ ਦੀ ਇਸੇ ਤਿਮਾਹੀ ਵਿਚ ਐਡਵਾਂਸ ਕੰਪਨੀ ਟੈਕਸ ਕੁਲੈਕਸ਼ਨ 73,126 ਕਰੋੜ ਰੁਪਏ ਸੀ। ਪੇਸ਼ਗੀ ਟੈਕਸ ਦੇ ਭੁਗਤਾਨ ਵਿਚ ਕੰਪਨੀ ਅਤੇ ਨਿੱਜੀ ਆਮਦਨੀ ਟੈਕਸ ਸਭ ਤੋਂ ਪ੍ਰਮੁੱਖ ਹੈ।

ਸਬੰਧਤ ਇਕਾਈ ਆਪਣੀ ਟੈਕਸ ਦੇਣਦਾਰੀ ਦੇ ਮੁਲਾਂਕਣ ਦੇ ਅਧਾਰ ’ਤੇ ਚਾਰ ਤਿਮਾਹੀ ਕਿਸ਼ਤਾਂ ਵਿਚ 15, 25, 25 ਅਤੇ 35 ਪ੍ਰਤੀਸ਼ਤ ਦੇ ਹਿਸਾਬ ਨਾਲ  ਅਦਾਇਗੀ ਕਰਦੀ ਹੈ। ਸੂਤਰ ਨੇ ਪੀਟੀਆਈ ਨੂੰ ਦੱਸਿਆ ਕਿ ਕੰਪਨੀ ਟੈਕਸ ਵਸੂਲੀ ਵਿਚ ਵਾਧੇ ਕਾਰਨ ਸਮੀਖਿਆ ਅਧੀਨ ਤਿਮਾਹੀ ਵਿਚ ਕੁੱਲ ਟੈਕਸ ਉਗਰਾਹੀ ਵਧ ਕੇ 7,33,715 ਕਰੋੜ ਰੁਪਏ ਹੋ ਗਈ। ਇਹ ਪਿਛਲੇ ਸਾਲ ਦੇ 8,34,398 ਕਰੋੜ ਰੁਪਏ ਦੇ ਮੁਕਾਬਲੇ ਸਿਰਫ 12.1 ਪ੍ਰਤੀਸ਼ਤ ਘੱਟ ਹੈ। ਸ਼ੁੱਧ ਟੈਕਸ ਕੁਲੈਕਸ਼ਨ 5,87,605 ਕਰੋੜ ਰੁਪਏ ਰਿਹਾ ਜੋ ਇਕ ਸਾਲ ਪਹਿਲਾਂ ਪ੍ਰਾਪਤ ਹੋਏ 6,75,409 ਕਰੋੜ ਰੁਪਏ ਨਾਲੋਂ 13 ਪ੍ਰਤੀਸ਼ਤ ਘੱਟ ਹੈ। ਤੀਜੀ ਤਿਮਾਹੀ ਦੌਰਾਨ ਵਿਭਾਗ ਨੇ ਟੈਕਸ ਅਦਾ ਕਰਨ ਵਾਲਿਆਂ ਨੂੰ 1,46,109 ਕਰੋੜ ਰੁਪਏ ਵਾਪਸ ਕੀਤੇ, ਪਿਛਲੇ ਵਿੱਤੀ ਸਾਲ 2019-20 ਦੀ ਇਸੇ ਤਿਮਾਹੀ ਵਿਚ ਵਾਪਸ ਕੀਤੇ 1,58,988 ਕਰੋੜ ਰੁਪਏ ਨਾਲੋਂ 8.1 ਪ੍ਰਤੀਸ਼ਤ ਘੱਟ ਹਨ। 

ਕੁਲ ਮਿਲਾ ਕੇ ਚਾਲੂ ਵਿੱਤੀ ਸਾਲ ਦੀਆਂ ਤਿੰਨ ਤਿਮਾਹੀਆਂ ਵਿਚ ਐਡਵਾਂਸ ਕੰਪਨੀ ਟੈਕਸ ਦੀ ਕੁਲੈਕਸ਼ਨ 2,39,125 ਕਰੋੜ ਰੁਪਏ ਸੀ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ ਵਿਚ ਪ੍ਰਾਪਤ ਹੋਏ 2,51,382 ਕਰੋੜ ਰੁਪਏ ਨਾਲੋਂ 4.9 ਪ੍ਰਤੀਸ਼ਤ ਘੱਟ ਹੈ। ਇਸ ਦਾ ਕਾਰਨ ਮੌਜੂਦਾ ਵਿੱਤੀ ਸਾਲ ਦੀਆਂ ਪਹਿਲੀਆਂ ਦੋ ਤਿਮਾਹੀਆਂ ਵਿਚ ਤਾਲਾਬੰਦੀ ਦਾ ਪ੍ਰਭਾਵ ਸੀ। ਸੂਤਰਾਂ ਅਨੁਸਾਰ ਪੇਸ਼ਗੀ ਨਿੱਜੀ ਆਮਦਨ ਟੈਕਸ ਸਾਲਾਨਾ ਅਧਾਰ ’ਤੇ 5.6% ਘੱਟ ਕੇ 31,054 ਕਰੋੜ ਰੁਪਏ ਰਿਹਾ। ਇੱਕ ਸਾਲ ਪਹਿਲਾਂ ਤੀਜੀ ਤਿਮਾਹੀ ਵਿਚ ਇਹ 32,910 ਕਰੋੜ ਰੁਪਏ ਸੀ। ਕੁਲ ਮਿਲਾ ਕੇ ਮੌਜੂਦਾ ਵਿੱਤੀ ਵਰ੍ਹੇ ਵਿਚ ਹੁਣ ਤੱਕ ਦਾ ਪੇਸ਼ਗੀ ਨਿੱਜੀ ਆਮਦਨ ਕਰ 60,491 ਕਰੋੜ ਰੁਪਏ ਸੀ ਜੋ ਪਿਛਲੇ ਵਿੱਤੀ ਵਰ੍ਹੇ ਦੀ ਇਸੇ ਮਿਆਦ ਦੇ 67,542 ਕਰੋੜ ਰੁਪਏ ਨਾਲੋਂ 10.4 ਫ਼ੀਸਦੀ ਘੱਟ ਹੈ। ਵਿਸ਼ਲੇਸ਼ਕਾਂ  ਅਨੁਸਾਰ ਟੈਕਸ ਅਦਾਇਗੀ ਵਿਚ ਵਾਧਾ ਕੰਪਨੀਆਂ ਦੇ ਮੁਨਾਫਿਆਂ ਨੂੰ ਦਰਸਾਉਂਦਾ ਹੈ, ਜੋ ਸਤੰਬਰ ਤਿਮਾਹੀ ਵਿਚ 21.9 ਪ੍ਰਤੀਸ਼ਤ ਵਧਿਆ ਹੈ।

ਇਸਦੇ ਉਲਟ ਨਿਰਮਾਣ ਕੰਪਨੀਆਂ ਦੀ ਵਿਕਰੀ ਪਹਿਲੀ ਤਿਮਾਹੀ ਵਿਚ 42 ਪ੍ਰਤੀਸ਼ਤ ਅਤੇ ਸ਼ੁੱਧ ਲਾਭ ਵਿਚ 62 ਪ੍ਰਤੀਸ਼ਤ ਘੱਟ ਗਈ. ਐਡਵਾਂਸ ਟੈਕਸ ਇਕੱਤਰ ਕਰਨ ਸਮੇਤ ਕੁਲ ਟੈਕਸ ਕੁਲੈਕਸ਼ਨ ਸਤੰਬਰ 2020 ਨੂੰ ਖਤਮ ਹੋਈ ਦੂਜੀ ਤਿਮਾਹੀ ਵਿਚ 22.5 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 2,53,532.3 ਕਰੋੜ ਰੁਪਏ ਰਹਿ ਗਿਆ ਜੋ ਪਿਛਲੇ ਵਿੱਤੀ ਵਰ੍ਹੇ ਦੀ ਇਸੇ ਤਿਮਾਹੀ ਵਿਚ 3,27,320.2 ਕਰੋੜ ਰੁਪਏ ਸੀ। ਜੂਨ ਨੂੰ ਖਤਮ ਹੋਈ ਪਹਿਲੀ ਤਿਮਾਹੀ ਵਿਚ ਕੁਲ ਟੈਕਸ ਇਕੱਤਰ ’ਚ 31 ਪ੍ਰਤੀਸ਼ਤ ਦੀ ਗਿਰਾਵਟ ਆਈ ਜਦੋਂਕਿ ਐਡਵਾਂਸ ਟੈਕਸ ਕੁਲੈਕਸ਼ਨ ਵਿਚ 76 ਪ੍ਰਤੀਸ਼ਤ ਦੀ ਗਿਰਾਵਟ ਆਈ ਸੀ। ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ ਵਿਚ ਨਿੱਜੀ ਆਮਦਨੀ ਟੈਕਸ ਦੀ ਵਸੂਲੀ 1,47,004.6 ਕਰੋੜ ਰੁਪਏ ਰਹੀ ਜਦੋਂਕਿ ਕੰਪਨੀ ਟੈਕਸ 99,126.2 ਕਰੋੜ ਰੁਪਏ ਰਿਹਾ। ਇਸ ਤਰ੍ਹਾਂ ਸਿੱਧੇ ਟੈਕਸ ਮਾਲੀਏ ਵਿਚ ਦੋ ਮਹੱਤਵਪੂਰਨ ਤੱਤ 2,46,130.8 ਕਰੋੜ ਰੁਪਏ ਰਿਹਾ। ਪਹਿਲੀ ਤਿਮਾਹੀ ਵਿਚ ਕੋਰੋਨਾ ਲਾਗ ਅਤੇ ਇਸ ਦੀ ਰੋਕਥਾਮ ਲਈ ਲਾਗੂ ਤਾਲਾਬੰਦੀ ਕਾਰਨ ਸਿੱਧੇ ਤੌਰ ’ਤੇ ਸਿੱਧੇ ਟੈਕਸਾਂ ਦੀ ਕੁਲੈਕਸ਼ਨ 31% ਘਟ ਕੇ 1,37,825 ਕਰੋੜ ਰੁਪਏ ’ਤੇ ਆ ਗਿਆ ਸੀ।

ਇਹ ਵੀ ਪੜ੍ਹੋ: 

ਇਹ ਪਿਛਲੇ ਵਿੱਤੀ ਸਾਲ ਦੀ ਇਸੇ ਤਿਮਾਹੀ ਦੇ ਮੁਕਾਬਲੇ 76 ਪ੍ਰਤੀਸ਼ਤ ਘੱਟ ਸੀ। ਵਿੱਤੀ ਸਾਲ 2020-21 ਦੇ ਬਜਟ ਵਿਚ ਕੁਲ ਟੈਕਸ ਵਸੂਲੀ ਵਿਚ 12 ਪ੍ਰਤੀਸ਼ਤ ਦੇ ਵਾਧੇ ਨਾਲ 24.23 ਲੱਖ ਕਰੋੜ ਰੁਪਏ ਦਾ ਅਨੁਮਾਨ ਲਗਾਇਆ ਗਿਆ ਹੈ। ਇਹ 2019-20 ਵਿਚ 21.63 ਲੱਖ ਕਰੋੜ ਰੁਪਏ ਸੀ। ਫਰਵਰੀ ਵਿਚ ਪੇਸ਼ ਕੀਤੇ ਗਏ ਬਜਟ ਵਿਚ ਪ੍ਰਤੱਖ ਟੈਕਸ ਕੁਲੈਕਸ਼ਨ ਦਾ ਅਨੁਮਾਨ ਲਗਭਗ 13.19 ਲੱਖ ਕਰੋੜ ਰੁਪਏ ਦਾ ਲਗਾਇਆ ਗਿਆ ਸੀ, ਜੋ ਕਿ 2019- 20 ਦੇ 10.28 ਲੱਖ ਕਰੋੜ ਰੁਪਏ ਤੋਂ 28 ਪ੍ਰਤੀਸ਼ਤ ਵੱਧ ਹੈ। ਇਸਦਾ ਕਾਰਨ ਇਹ ਹੈ ਕਿ ਵਿਵਾਦ ਨਿਪਟਾਰਾ ਯੋਜਨਾ ‘ਵਿਵਾਦ ਪ੍ਰਤੀ ਵਿਸ਼ਵਾਸ’ ’ਤੇ ਸਰਕਾਰ ਨੂੰ ਚੰਗਾ ਹੁੰਗਾਰਾ ਮਿਲਣ ਦੀ ਉਮੀਦ ਹੈ। ਐਡਵਾਂਸ ਕੰਪਨੀ ਟੈਕਸ ਵਸੂਲੀ ਪਹਿਲੀ ਤਿਮਾਹੀ ਵਿਚ 79 ਪ੍ਰਤੀਸ਼ਤ ਘਟ ਕੇ 8,286 ਕਰੋੜ ਰੁਪਏ ਰਹਿ ਗਈ ਜੋ ਇਕ ਸਾਲ ਪਹਿਲਾਂ ਦੀ ਇਸੇ ਤਿਮਾਹੀ ਵਿਚ 39,405 ਕਰੋੜ ਰੁਪਏ ਸੀ। ਇਸ ਦੇ ਨਾਲ ਹੀ ਪਹਿਲੀ ਤਿਮਾਹੀ ਵਿਚ ਐਡਵਾਂਸ ਪਰਸਨਲ ਇਨਕਮ ਟੈਕਸ ਕੁਲੈਕਸ਼ਨ 64 ਪ੍ਰਤੀਸ਼ਤ ਘਟ ਕੇ 3,428 ਕਰੋੜ ਰੁਪਏ ਰਿਹਾ, ਜੋ ਇਕ ਸਾਲ ਪਹਿਲਾਂ ਦੀ ਇਸ ਤਿਮਾਹੀ ਵਿਚ 9,512 ਕਰੋੜ ਰੁਪਏ ਸੀ। ਇਸ ਨਾਲ ਪਹਿਲੀ ਤਿਮਾਹੀ ਵਿਚ ਕੁਲ ਪ੍ਰਤੱਖ ਟੈਕਸ ਕੁਲੈਕਸ਼ਨ ਵਿਚ 31 ਪ੍ਰਤੀਸ਼ਤ ਦੀ ਕਮੀ ਆਈ ਅਤੇ ਇਹ ਇਕ ਸਾਲ ਪਹਿਲਾਂ 2019-20 ਦੀ ਇਸੇ ਤਿਮਾਹੀ ਵਿਚ 1,99,755 ਕਰੋੜ ਰੁਪਏ ਸੀ।