SBI 'ਤੇ ਹੈ ਲਗਭਗ 60 ਹਜ਼ਾਰ ਕਰੋੜ ਦਾ NPA ! ਤਿਮਾਹੀ ਨਤੀਜਿਆਂ 'ਚ ਹੋਇਆ ਖ਼ੁਲਾਸਾ

ਨਵੀਂ ਦਿੱਲੀ — ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਵਿਚ ਕਰਜ਼ਿਆਂ ਦੀ ਮੁੜ ਅਦਾਇਗੀ ਵਿਚ ਡਿਫਾਲਟ ਜਾਂ ਪੁਨਰਗਠਨ ਦਾ ਅੰਕੜਾ 60,000 ਕਰੋੜ ਰੁਪਏ ਦੇ ਨੇੜੇ ਪਹੁੰਚ ਰਿਹਾ ਹੈ। ਅਗਲੇ ਸਾਲਾਂ ਵਿਚ ਇਹ ਵੱਡਾ ਅੰਕੜਾ ਐਨ.ਪੀ.ਏ. ਵਿਚ ਬਦਲਣ ਦਾ ਖਦਸ਼ਾ ਹੈ।

ਬੈਂਕ ਨੇ ਖ਼ੁਦ ਹੀ ਇਹ ਖੁਲਾਸਾ ਕੀਤਾ ਹੈ ਕਿ ਮੌਜੂਦਾ ਵਿੱਤੀ ਸਾਲ 2020-21 ਵਿਚ ਇਸ ਦੇ ਕਰਜ਼ੇ ਵਿਚ ਹੋਏ ਡਿਫਾਲਟਸ ਅਤੇ ਪੁਨਰਗਠਨ ਦੀ ਕੁੱਲ ਸੰਖਿਆ 60,000 ਕਰੋੜ ਰੁਪਏ ਹੋ ਸਕਦੀ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਸਟੇਟ ਬੈਂਕ ਨੇ ਬੁੱਧਵਾਰ ਨੂੰ ਹੀ ਸਤੰਬਰ ਤਿਮਾਹੀ ਦੇ ਨਤੀਜੇ ਐਲਾਨ ਕੀਤੇ ਹਨ। ਇਹ ਦੱਸਿਆ ਗਿਆ ਹੈ ਕਿ ਸਤੰਬਰ ਦੀ ਤਿਮਾਹੀ ਵਿਚ ਐਸ.ਬੀ.ਆਈ. ਦੇ ਲਾਭ ਵਿਚ ਲਗਭਗ 52 ਪ੍ਰਤੀਸ਼ਤ ਦਾ ਜ਼ਬਰਦਸਤ ਵਾਧਾ ਹੋਇਆ ਹੈ।

ਤਕਰੀਬਨ 20 ਹਜ਼ਾਰ ਕਰੋੜ ਦਾ ਪੁਨਰਗਠਨ

ਕੋਵਿਡ-19 ਪੈਕੇਜ ਅਧੀਨ ਕਰੀਬ 6,495 ਕਰੋੜ ਰੁਪਏ ਦੇ ਕਰਜ਼ੇ ਲਈ ਬੈਂਕ ਨੂੰ ਇਕਮੁਸ਼ਤ ਤਰੀਕੇ ਨਾਲ ਪੁਨਰਗਠਨ ਲਈ ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ। ਪੁਨਰਗਠਨ ਦਾ ਮਤਲਬ ਹੈ ਕਰਜ਼ੇ ਦੀ ਮੁੜ ਅਦਾਇਗੀ ਦੀਆਂ ਸ਼ਰਤਾਂ ਅਤੇ ਮਿਆਦ ਨੂੰ ਬਦਲਣਾ ਹੈ। ਤਕਰੀਬਨ 2500 ਕਰੋੜ ਰੁਪਏ ਦੇ ਪ੍ਰਚੂਨ ਕਰਜ਼ੇ ਲਈ ਪੁਨਰਗਠਨ ਦੀਆਂ ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ। ਦਰਅਸਲ ਪ੍ਰਚੂਨ ਕਰਜ਼ਿਆਂ ਦੇ ਪੁਨਰਗਠਨ ਵਿਚ ਐਮ.ਐਸ.ਐਮ.ਈ. ਦੀ ਇੱਕ ਵੱਡੀ ਹਿੱਸੇਦਾਰੀ ਹੈ। ਇਸ ਤੋਂ ਇਲਾਵਾ ਲਗਭਗ 42 ਵੱਡੇ ਕਾਰਪੋਰੇਟ ਗਾਹਕਾਂ ਨੇ ਲਗਭਗ 4,000 ਕਰੋੜ ਰੁਪਏ ਦੇ ਕਰਜ਼ਿਆਂ ਦੇ ਪੁਨਰਗਠਨ ਲਈ ਅਰਜ਼ੀ ਦਿੱਤੀ ਹੈ।

ਇਸ ਵੀ ਪੜ੍ਹੋ : Paytm ਨੇ SBI ਕਾਰਡ ਨਾਲ ਮਿਲ ਕੇ ਕੀਤੇ ਦੋ ਕ੍ਰੈਡਿਟ ਕਾਰਡ ਲਾਂਚ, ਮਿਲੇਗਾ ਅਣਲਿਮਟਿਡ ਕੈਸ਼ਬੈਕ

ਇੰਨਾ ਹੀ ਨਹੀਂ ਦਸੰਬਰ 2020 ਤੱਕ 13,000 ਕਰੋੜ ਰੁਪਏ ਦੇ ਹੋਰ ਕਰਜ਼ੇ ਦੇ ਪੁਨਰਗਠਨ ਦੀ ਅਰਜ਼ੀ ਦੀ ਸੰਭਾਵਨਾ ਹੈ। ਇਸ ਤਰ੍ਹਾਂ ਕੋਵਿਡ -19 ਦੇ ਤਹਿਤ ਬੈਂਕ ਲਗਭਗ 19,495 ਕਰੋੜ ਰੁਪਏ ਦੀਆਂ ਲੋਨ ਪੁਨਰਗਠਨ ਐਪਲੀਕੇਸ਼ਨਾਂ ਪ੍ਰਾਪਤ ਕਰ ਸਕਦਾ ਹੈ। ਐਸ.ਬੀ.ਆਈ. ਦੇ ਚੇਅਰਮੈਨ ਦਿਨੇਸ਼ ਖਾਰਾ ਨੇ ਕਿਹਾ ਕਿ ਵਾਧੂ ਪੁਨਰਗਠਨ ਦਾ ਖਾਤਾ ਵੱਡੇ ਪੱਧਰ 'ਤੇ ਕਾਰਪੋਰੇਟ ਤੋਂ ਅਤੇ ਕੁਝ ਹੱਦ ਤੱਕ ਐਸਐਮਈ ਤੋਂ ਆਵੇਗਾ।

ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ ਬੈਂਕਾਂ ਅਤੇ ਕਾਰਪੋਰੇਟ ਜਗਤ ਨੂੰ ਦੋ ਸਾਲਾਂ ਲਈ ਕਰਜ਼ੇ ਦਾ ਪੁਨਰਗਠਨ ਕਰਨ ਲਈ ਆਪਸੀ ਸੌਦਾ ਕਰਨ ਲਈ ਦਸੰਬਰ 2020 ਤੱਕ ਦਾ ਸਮਾਂ ਦਿੱਤਾ ਹੈ। ਕਰਜ਼ੇ ਜੋ ਪੁਨਰਗਠਨ ਦੇ ਤਹਿਤ ਸ਼੍ਰੇਣੀਬੱਧ ਕੀਤੇ ਜਾਣਗੇ ਉਹਨਾਂ ਨੂੰ ਐਨ.ਪੀ.ਏ. ਨਹੀਂ ਮੰਨਿਆ ਜਾਵੇਗਾ।

ਇਸ ਵੀ ਪੜ੍ਹੋ : ਸੋਨੇ ਦੀਆਂ ਕੀਮਤਾਂ 'ਚ ਆਇਆ ਉਛਾਲ, ਜਾਣੋ ਅੱਜ ਲਈ 10 ਗ੍ਰਾਮ ਸੋਨੇ ਦਾ ਭਾਅ

ਤਕਰੀਬਨ 40 ਹਜ਼ਾਰ ਕਰੋੜ ਦੇ ਕਰਜ਼ੇ ਦੀ ਮੁੜ ਅਦਾਇਗੀ ਕਰਨ ਵਿਚ ਡਿਫਾਲਟ

ਇਸੇ ਤਰ੍ਹਾਂ ਨਤੀਜਿਆਂ ਅਨੁਸਾਰ ਇਸ ਵਿੱਤੀ ਸਾਲ 2020-21 ਦੀ ਪਹਿਲੀ ਛਿਮਾਹੀ ਵਿਚ ਕਰਜ਼ਾ ਲੈਣ ਵਿਚ ਡਿਫਾਲਟ ਤਕਰੀਬਨ 6,393 ਕਰੋੜ ਰੁਪਏ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਬੈਂਕ ਦਾ ਕਹਿਣਾ ਹੈ ਕਿ ਇਸ ਵਿੱਤੀ ਸਾਲ ਦੀ ਦੂਜੀ ਤਿਮਾਹੀ ਵਿਚ ਲਗਭਗ 14,388 ਕਰੋੜ ਰੁਪਏ ਦੇ ਵਾਧੂ ਪ੍ਰੋਫਾਰਮਾ ਸਲਿੱਪਪੇਜ ਦੇ ਕਰਜ਼ੇ ਨੂੰ ਵਾਪਸ ਕਰਨ ਵਿਚ ਚੂਕ ਹੋਈ ਸੀ।

ਬੈਂਕ ਨੂੰ ਲਗਦਾ ਹੈ ਕਿ ਦੂਜੇ ਅੱਧ ਵਿਚ ਵੀ ਤਕਰੀਬਨ 20,000 ਕਰੋੜ ਰੁਪਏ ਦੇ ਕਰਜ਼ਿਆਂ ਦੀ ਮੁੜ ਅਦਾਇਗੀ ਕਰਨ ਵਿਚ ਡਿਫਾਲਟ ਹੋ ਸਕਦਾ ਹੈ। ਇਸੇ ਤਰ੍ਹਾਂ ਕਰਜ਼ਾ ਮੋੜਨ ਵਿਚ ਕੁਲ ਡਿਫਾਲਟ ਤਕਰੀਬਨ 40,781 ਕਰੋੜ ਰੁਪਏ ਹੋਵੇਗਾ, ਭਾਵ ਇਸ ਸਾਲ ਈ.ਐਮ.ਆਈ. ਜਾਂ ਹੋਰ ਸਾਧਨਾਂ ਰਾਹੀਂ ਕਰਜ਼ਾ ਬੈਂਕ ਨੂੰ ਵਾਪਸ ਨਹੀਂ ਕੀਤਾ ਜਾਵੇਗਾ।

ਇਸ ਵੀ ਪੜ੍ਹੋ : ਘਰੇਲੂ ਉਡਾਣਾਂ ਦੀ 60 ਫ਼ੀਸਦੀ ਸਮਰੱਥਾ ਲਈ ਹੁਣ ਕਰਨਾ ਹੋਵੇਗਾ ਲੰਮਾ ਇੰਤਜ਼ਾਰ, ਸਰਕਾਰ ਨੇ 

ਪੰਜ ਪ੍ਰਤੀਸ਼ਤ ਤੋਂ ਵੱਧ NPA

ਬੈਂਕ ਨੂੰ ਆਪਣੀਆਂ ਕਿਤਾਬਾਂ ਵਿਚ ਇਸ ਦਾ 15 ਪ੍ਰਤੀਸ਼ਤ ਪ੍ਰਬੰਧ ਕਰਨਾ ਪਏਗਾ, ਜੋ ਕਿ ਤਕਰੀਬਨ 9,000 ਕਰੋੜ ਰੁਪਏ ਹੈ। ਇਸ ਤੋਂ ਇਲਾਵਾ ਬੈਂਕ ਨੇ ਇਸ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ ਵਿਚ ਅਜਿਹੇ ਕਰਜ਼ਿਆਂ ਦੇ ਡਿਫਾਲਟਸ ਲਈ ਲਗਭਗ 7,100 ਕਰੋੜ ਰੁਪਏ ਦੀ ਪ੍ਰੋਵਿਜ਼ਨਿੰਗ ਕੀਤੀ ਹੈ।

ਬੈਂਕ ਦਾ ਕੁਲ ਕਰਜ਼ ਖਾਤਾ 23.83 ਲੱਖ ਕਰੋੜ ਰੁਪਏ ਹੈ। ਇਸ ਵਿਚੋਂ ਲੋਨ ਦੇ ਡਿਫਾਲਟਸ ਅਤੇ ਪੁਨਰਗਠਨ ਦਾ ਹਿੱਸਾ 2.5 ਪ੍ਰਤੀਸ਼ਤ ਅਤੇ ਕੁਲ ਐਨਪੀਏ ਤਕਰੀਬਨ 5.28 ਪ੍ਰਤੀਸ਼ਤ ਹੈ। ਜੇ ਇਹ ਲੋਨ ਡਿਫਾਲਟ ਅਤੇ ਪੁਨਰਗਠਨ ਵੀ ਬਾਅਦ ਵਿਚ ਐਨਪੀਏ ਬਣ ਜਾਂਦਾ ਹੈ ਤਾਂ ਕੁਲ ਐਨਪੀਏ ਹੋਰ ਵਧ ਜਾਵੇਗਾ।

ਇਸ ਵੀ ਪੜ੍ਹੋ : ਇਕ ਬਿਟਕੁਆਇਨ ਦੀ ਕੀਮਤ 10.36 ਲੱਖ ਰੁਪਏ, ਇਸ ਤਰ੍ਹਾਂ ਮਿਲ ਸਕਦਾ ਹੈ ਲਾਭ