ਰਿਲਾਇੰਸ ਨੇ ਸ਼ੇਅਰ ਮਾਰਕੀਟ 'ਚ ਰਚਿਆ ਨਵਾਂ ਇਤਿਹਾਸ,ਅਜਿਹਾ ਕਰਨ ਵਾਲੀ ਭਾਰਤ ਦੀ ਪਹਿਲੀ ਕੰਪਨੀ ਬਣੀ

ਨਵੀਂ ਦਿੱਲੀ — ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਾਲੀ ਰਿਲਾਇੰਸ ਇੰਡਸਟਰੀਜ਼ ਨੇ ਇਕ ਇਤਿਹਾਸ ਸਿਰਜਿਆ ਹੈ। ਰਿਲਾਇੰਸ ਇੰਡਸਟਰੀਜ਼ 12 ਲੱਖ ਕਰੋੜ ਰੁਪਏ ਦੇ ਮਾਰਕੀਟ ਕੈਪ ਨੂੰ ਪਾਰ ਕਰਨ ਵਾਲੀ ਦੇਸ਼ ਦੀ ਪਹਿਲੀ ਕੰਪਨੀ ਬਣ ਗਈ ਹੈ। ਸੋਮਵਾਰ ਨੂੰ ਬੰਬਈ ਸਟਾਕ ਐਕਸਚੇਂਜ 'ਤੇ ਆਰਆਈਐਲ ਦੇ ਸ਼ੇਅਰ 3.21% ਦੀ ਤੇਜ਼ੀ ਨਾਲ 1938.80 ਰੁਪਏ ਪ੍ਰਤੀ ਸ਼ੇਅਰ ਦੇ ਭਾਅ 'ਤੇ ਪਹੁੰਚ ਗਏ। ਆਰਆਈਐਲ ਦੇ ਸ਼ੇਅਰ 'ਚ ਤੇਜ਼ੀ ਨਾਲ ਕੰਪਨੀ ਦੀ ਮਾਰਕੀਟ ਕੈਪ ਵਧ ਕੇ 12 ਲੱਖ ਕਰੋੜ ਰੁਪਏ ਤੋਂ ਪਾਰ ਹੋ ਗਏ। ਆਰਆਈਐਲ 12 ਲੱਖ ਕਰੋੜ ਰੁਪਏ ਦੇ ਮਾਰਕਿਟ ਕੈਪ ਨੂੰ ਛੋਹਣ ਵਾਲੀ ਭਾਰਤ ਦੀ ਪਹਿਲੀ ਕੰਪਨੀ ਹੈ। ਇਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿਚ, ਰਿਲਾਇੰਸ ਇੰਡਸਟਰੀਜ਼ ਦੀ ਮਾਰਕੀਟ ਕੈਪ ਵਿਚ 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ।

ਆਰਆਈਐਲ ਦਾ ਇੱਕ ਹੋਰ ਵੱਡਾ ਸੌਦਾ

ਆਰਆਈਐਲ ਨੇ ਆਪਣੇ ਟੈਲੀਕਾਮ ਆਰਮ ਜੀਓ ਪਲੇਟਫਾਰਮਸ ਲਈ ਇਕ ਹੋਰ ਵੱਡਾ ਸੌਦਾ ਕੀਤਾ ਹੈ। ਵਾਇਰਲੈੱਸ ਟੈਕਨਾਲੌਜੀ ਸੈਕਟਰ ਦੀ ਦਿੱਗਜ ਕੰਪਨੀ ਕੁਆਲਕਾਮ ਇਨਕਰਪੋਰੇਟਿਡ ਦੀ ਨਿਵੇਸ਼ ਕੰਪਨੀ ਕੁਆਲਕਾਮ ਵੈਂਚਰਸ ਨੇ ਜਿਓ ਵਿਚ 730 ਕਰੋੜ ਰੁਪਏ ਦੇ ਨਿਵੇਸ਼ ਦਾ ਐਲਾਨ ਕੀਤਾ ਹੈ। ਇਸ ਸੌਦੇ ਦੇ ਬਦਲੇ ਕੁਆਲਕਾਮ ਵੈਂਚਰਜ਼ ਨੂੰ ਜੀਓ ਵਿਚ 0.15 ਪ੍ਰਤੀਸ਼ਤ ਹਿੱਸੇਦਾਰੀ ਮਿਲੇਗੀ। ਸੌਦੇ ਲਈ ਜਿਓ ਦਾ ਇਕੁਇਟੀ ਮੁੱਲ 4.91 ਲੱਖ ਕਰੋੜ ਰੁਪਏ ਜਦੋਂਕਿ ਐਂਟਰਪ੍ਰਾਇਜ਼ਿਜ਼ ਵੈਲਿਊ 5.16 ਲੱਖ ਕਰੋੜ ਰੁਪਏ ਲਗਾਈ ਗਈ ਹੈ। ਜੀਓ ਪਲੇਟਫਾਰਮਸ ਵਿਚ 12 ਹਫ਼ਤਿਆਂ ਅੰਦਰ ਇਹ 13 ਵਾਂ ਨਿਵੇਸ਼ ਹੈ।

ਇਹ ਵੀ ਦੇਖੋ : ਜਾਣੋ ਫਸਲਾਂ ਦੇ ਨੁਕਸਾਨ ਦੀ ਭਰਪਾਈ ਕਿਵੇਂ ਕੀਤੀ ਜਾਵੇ ਤੇ ਕਿਵੇਂ ਲੈ ਸਕਦੇ ਹੋ ਸਰਕਾਰੀ ਬੀਮੇ ਦਾ ਲਾਭ

ਮਾਰਚ ਤੋਂ ਬਾਅਦ ਸ਼ੇਅਰਾਂ 'ਚ 123 ਪ੍ਰਤੀਸ਼ਤ ਤੱਕ ਦਾ ਵਾਧਾ

ਜ਼ੀਓ ਪਲੇਟਫਾਰਮਸ ਵਿਚ ਨਿਰੰਤਰ ਨਿਵੇਸ਼ ਵਧਣ ਦੇ ਕਾਰਨ ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ 'ਚ ਤੇਜ਼ੀ ਆਈ ਹੈ। ਆਰਆਈਐਲ ਦੇ ਸ਼ੇਅਰ ਮਾਰਚ ਤੋਂ ਬਾਅਦ ਹੁਣ ਤੱਕ 123 ਪ੍ਰਤੀਸ਼ਤ ਤੱਕ ਵੱਧ ਗਏ ਹਨ। ਆਰਆਈਐਲ ਦਾ ਸਟਾਕ ਸੋਮਵਾਰ ਨੂੰ ਸਰਬੋਤਮ ਉੱਚ ਪੱਧਰ 'ਤੇ ਪਹੁੰਚ ਗਿਆ। ਆਰਆਈਐਲ ਦੀ ਮਾਰਕੀਟ ਕੈਪ ਤੇਜ਼ੀ ਨਾਲ 12 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਈ। ਇਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿਚ ਰਿਲਾਇੰਸ ਇੰਡਸਟਰੀਜ਼ ਦੀ ਮਾਰਕੀਟ ਕੈਪ ਵਿਚ 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਵਾਧਾ ਹੋਇਆ ਹੈ।

ਇਹ ਵੀ ਦੇਖੋ : ਲਿਬਰਟੀ ਸ਼ੂਜ਼ ਦੇ ਕਾਰੋਬਾਰ 'ਤੇ ਕੋਵਿਡ -19 ਦੀ ਮਾਰ, ਵਾਇਰਸ ਕਾਰਨ ਬਦਲੀ ਗਾਹਕਾਂ ਦੀ ਪਸੰਦ

12 ਹਫਤਿਆਂ ਵਿਚ ਜੀਓ ਪਲੇਟਫਾਰਮਸ ਨੇ 25.24% ਹਿੱਸੇਦਾਰੀ ਦੁਆਰਾ 1.18 ਲੱਖ ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਜੀਓ ਪਲੇਟਫਾਰਮ ਹੁਣ ਦੁਨੀਆ ਦੀ ਇਕਲੌਤੀ ਕੰਪਨੀ ਬਣ ਗਈ ਹੈ ਜਿਸ ਨੇ ਇੰਨੇ ਵੱਡੇ ਪੱਧਰ 'ਤੇ ਲਗਾਤਾਰ ਫੰਡ ਇਕੱਠੇ ਕੀਤੇ ਹਨ। ਜੇ ਤੁਲਨਾਤਮਕ ਰੂਪ ਵਿਚ ਦੇਖਿਏ ਤਾਂ ਪਿਛਲੇ ਸਾਲ ਭਾਰਤ ਵਿਚ ਸਟਾਰਟਅੱਪ ਈਕੋਸਿਸਟਮ ਨੇ 1.10 ਲੱਖ ਕਰੋੜ ਰੁਪਏ ਇਕੱਠੇ ਕੀਤੇ ਸਨ। ਫੰਡ ਇਕੱਠਾ ਕਰਨ ਦੇ ਮਾਮਲੇ ਵਿਚ ਇਸ ਸਾਲ ਨੂੰ ਸਰਬੋਤਮ ਸਾਲ ਮੰਨਿਆ ਜਾ ਸਕਦਾ ਹੈ।

ਇਹ ਵੀ ਦੇਖੋ : IMF ਦੀ ਚਿਤਾਵਨੀ : ਰਿਕਾਰਡ ਪੱਧਰ ’ਤੇ ਪਹੁੰਚ ਸਕਦੈ ਕੌਮਾਂਤਰੀ ਜਨਤਕ ਕਰਜ਼ਾ