ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਵਾਹਨਾਂ ਦੀ ਵਿਕਰੀ ''ਚ ਰਿਕਾਰਡ ਵਾਧਾ, ਕੰਪਨੀਆਂ ਨੇ ਜਾਰੀ ਕੀਤੇ ਅੰਕੜੇ

ਮੁੰਬਈ - ਦੇਸ਼ ਦੇ ਪ੍ਰਮੁੱਖ ਕਾਰ ਨਿਰਮਾਤਾਵਾਂ ਨੇ ਅੱਜ ਯਾਨੀ ਐਤਵਾਰ (1 ਅਕਤੂਬਰ) ਨੂੰ ਸਤੰਬਰ 2023 ਲਈ ਵਿਕਰੀ ਦੇ ਅੰਕੜੇ ਜਾਰੀ ਕੀਤੇ ਹਨ। ਮਾਰੂਤੀ ਸੁਜ਼ੂਕੀ ਦੀ ਵਿਕਰੀ 'ਚ ਸਾਲਾਨਾ ਆਧਾਰ 'ਤੇ 3 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ, ਇਸਦੇ ਮਿੰਨੀ ਕੰਪੈਕਟ ਹਿੱਸੇ ਦੀ ਵਿਕਰੀ ਵਿੱਚ 22.5% ਦੀ ਗਿਰਾਵਟ ਆਈ ਹੈ।

ਇਹ ਵੀ ਪੜ੍ਹੋ :   4 ਦਹਾਕਿਆਂ ਤੋਂ ਕਾਨੂੰਨ ਦੇ ਸ਼ਿਕੰਜੇ 'ਚ ਫਸੀ ਭੰਗ ਦੀ ਖੇਤੀ, ਹਿਮਾਚਲ ਸੂਬੇ ਨੂੰ ਕਰ ਸਕਦੀ ਹੈ ਮਾਲਾਮਾਲ

ਇਸ ਤੋਂ ਇਲਾਵਾ ਹੁੰਡਈ ਮੋਟਰ ਦੀ ਵਿਕਰੀ ਵਿੱਚ 13% ਅਤੇ ਮਹਿੰਦਰਾ ਐਂਡ ਮਹਿੰਦਰਾ (M&M) ਦੀ ਵਿਕਰੀ ਵਿੱਚ 20% ਦਾ ਵਾਧਾ ਹੋਇਆ ਹੈ। ਟੋਇਟਾ ਨੇ ਵੀ ਸਤੰਬਰ ਵਿੱਚ 23,590 ਕਾਰਾਂ ਵੇਚ ਕੇ ਸਾਲ ਦਰ ਸਾਲ 53% ਦਾ ਰਿਕਾਰਡ ਵਾਧਾ ਦਰਜ ਕੀਤਾ ਹੈ।

1. ਮਾਰੂਤੀ ਸੁਜ਼ੂਕੀ HUV ਦੀ ਵਿਕਰੀ 3% ਵਧੀ

ਮਾਰੂਤੀ ਸੁਜ਼ੂਕੀ ਨੇ ਸਤੰਬਰ ਮਹੀਨੇ 'ਚ 181,343 ਕਾਰਾਂ ਵੇਚੀਆਂ ਹਨ। ਇਨ੍ਹਾਂ ਵਿੱਚੋਂ 1,58,832 ਕਾਰਾਂ ਘਰੇਲੂ ਬਾਜ਼ਾਰ ਵਿੱਚ ਹਨ, ਜਦੋਂ ਕਿ 22,511 ਕਾਰਾਂ ਬਰਾਮਦ ਕੀਤੀਆਂ ਗਈਆਂ ਹਨ।

ਇਹ ਵੀ ਪੜ੍ਹੋ :  ਬੈਂਕਾਂ ਤੋਂ ਲੈ ਕੇ ਗੈਸ ਸਿਲੰਡਰ ਤੱਕ ਅੱਜ ਤੋਂ ਬਦਲ ਗਏ ਇਹ ਨਿਯਮ, ਆਮ ਜਨਤਾ 'ਤੇ ਪਵੇਗਾ ਸਿੱਧਾ ਅਸਰ

2. ਟਾਟਾ ਮੋਟਰਜ਼ (ਘਰੇਲੂ)

ਟਾਟਾ ਮੋਟਰਸ ਨੇ ਸਤੰਬਰ 'ਚ 82,023 ਵਾਹਨ ਵੇਚੇ। ਪਿਛਲੇ ਸਾਲ ਸਤੰਬਰ ਦੇ ਮੁਕਾਬਲੇ 2% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।

3. ਹੁੰਡਈ ਮੋਟਰ ਦੀ ਵਿਕਰੀ 13% ਵਧੀ

ਹੁੰਡਈ ਮੋਟਰ ਇੰਡੀਆ ਲਿਮਟਿਡ ਨੇ ਇਸ ਸਾਲ ਸਤੰਬਰ 'ਚ 71,641 ਕਾਰਾਂ ਵੇਚੀਆਂ ਹਨ। ਤਿਉਹਾਰੀ ਸੀਜ਼ਨ ਅਤੇ ਬਰਾਮਦ 'ਚ ਵਾਧੇ ਕਾਰਨ ਕਾਰਾਂ ਦੀ ਵਿਕਰੀ 'ਚ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ :    1 ਅਕਤੂਬਰ ਤੋਂ ਬਦਲ ਰਹੇ ਹਨ ਵਿੱਤੀ ਲੈਣ-ਦੇਣ ਦੇ ਇਹ ਨਿਯਮ, ਅੱਜ ਹੀ ਨਿਪਟਾਅ ਲਓ ਜ਼ਰੂਰੀ ਕੰਮ

4. ਮਹਿੰਦਰਾ ਐਂਡ ਮਹਿੰਦਰਾ ਦੀ ਵਿਕਰੀ ਲਗਾਤਾਰ ਤੀਜੇ ਮਹੀਨੇ ਵਧੀ ਹੈ

ਮਹਿੰਦਰਾ ਐਂਡ ਮਹਿੰਦਰਾ (M&M) ਦੀ ਵਿਕਰੀ ਲਗਾਤਾਰ ਤੀਜੇ ਮਹੀਨੇ ਵਧੀ ਹੈ। ਮਹਿੰਦਰਾ ਨੇ ਸਤੰਬਰ 'ਚ 41,267 ਯਾਤਰੀ ਵਾਹਨ ਵੇਚੇ। ਟਰੈਕਟਰਾਂ ਦੀ ਵਿਕਰੀ ਵਿੱਚ 11% ਦੀ ਗਿਰਾਵਟ ਆਈ ਹੈ।

5. ਟੋਇਟਾ ਦੀ ਵਿਕਰੀ ਵਿੱਚ 53% ਰਿਕਾਰਡ ਵਾਧਾ

ਟੋਇਟਾ ਨੇ ਸਤੰਬਰ ਵਿੱਚ ਆਪਣੀ ਹੁਣ ਤੱਕ ਦੀ ਸਭ ਤੋਂ ਵੱਧ ਵਿਕਰੀ ਦਾ ਰਿਕਾਰਡ ਕਾਇਮ ਕੀਤਾ ਹੈ। ਇਸ ਦੌਰਾਨ ਕੰਪਨੀ ਨੇ 23,590 ਕਾਰਾਂ ਵੇਚੀਆਂ। ਸਤੰਬਰ 2022 ਵਿੱਚ 15,378 ਵਾਹਨ ਵੇਚੇ ਗਏ ਸਨ।

6. ਆਈਸ਼ਰ ਮੋਟਰਜ਼ ਨੇ ਵਾਹਨਾਂ ਦੀਆਂ 7,198 ਇਕਾਈਆਂ ਵੇਚੀਆਂ

ਆਈਸ਼ਰ ਮੋਟਰਜ਼ ਦੇ ਵਪਾਰਕ ਵਾਹਨਾਂ ਦੀ ਵਿਕਰੀ ਸਤੰਬਰ 'ਚ 7,198 ਯੂਨਿਟ ਰਹੀ। ਸਾਲਾਨਾ ਆਧਾਰ 'ਤੇ ਵਿਕਰੀ 'ਚ 8.6 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਇਸ ਦੀ ਰਾਇਲ ਐਨਫੀਲਡ ਦੀ ਵਿਕਰੀ 'ਚ 4% ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ :  ਅੱਜ ਤੋਂ ਆਨਲਾਈਨ ਗੇਮਿੰਗ ਹੋ ਜਾਵੇਗੀ ਬਹੁਤ ਮਹਿੰਗੀ, ਦੇਣਾ ਪਵੇਗਾ ਜ਼ਿਆਦਾ GST

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8