ਨਵੇਂ ਸਾਲ 'ਤੇ RBI ਨੇ ਨੇਤਰਹੀਣਾਂ ਨੂੰ ਦਿੱਤਾ ਵੱਡਾ ਤੋਹਫਾ

ਨਵੀਂ ਦਿੱਲੀ—ਰਿਜ਼ਰਵ ਬੈਂਕ (ਆਰ. ਬੀ. ਆਈ.) ਨੇ ‘ਮਨੀ’ ਨਾਂ ਨਾਲ ਇਕ ਮੋਬਾਇਲ ਐਪ ਜਾਰੀ ਕੀਤੀ ਹੈ, ਜਿਸ ਦੀ ਮਦਦ ਨਾਲ ਨੇਤਰਹੀਣ ਵੀ ਕਰੰਸੀ ਨੋਟ ਦਾ ਮੁੱਲ ਜਾਣ ਸਕਣਗੇ। ਆਰ. ਬੀ. ਆਈ. ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਅੱਜ ‘ਮੋਬਾਇਲ ਐਡਿਡ ਨੋਟ ਆਈਡੈਂਟੀਫਾਇਰ’ (ਮਨੀ) ਐਪ ਜਾਰੀ ਕੀਤੀ।

RBI Governor @DasShaktikanta today launched a mobile application MANI (Mobile Aided Note Identifier) to aid visually impaired persons in identifying denomination of currency notes. The app can be freely downloaded from Android Play Store and iOS App Store
#rbitoday #rbigovernor pic.twitter.com/YXUzP3MBxt

— ReserveBankOfIndia (@RBI) January 1, 2020

ਕੇਂਦਰੀ ਬੈਂਕ ਨੇ ਦੱਸਿਆ ਕਿ ਮਨੀ ਐਪ ਮਹਾਤਮਾ ਗਾਂਧੀ ਸੀਰੀਜ਼ ਅਤੇ ਮਹਾਤਮਾ ਗਾਂਧੀ (ਨਿਊ) ਸੀਰੀਜ਼ ਦੇ ਬੈਂਕ ਨੋਟਾਂ ਦੀ ਪਛਾਣ ਕਰਨ ’ਚ ਸਮਰੱਥ ਹੈ। ਇਹ ਇਕ ਵਾਰ ਮੋੜ ਕੇ ਰੱਖੇ ਨੋਟਾਂ ਦੀ ਵੀ ਪਛਾਣ ਕਰ ਸਕਦੀ ਹੈ। ਇਹ ਵੱਖ-ਵੱਖ ਕੋਣਾਂ ਅਤੇ ਵੱਖ-ਵੱਖ ਰੌਸ਼ਨੀ ਤੀਬਰਤਾ ’ਚ ਵੀ ਨੋਟਾਂ ਦੀ ਪਛਾਣ ਕਰ ਸਕੇਗੀ।

ਨੋਟ ਦੀ ਪਛਾਣ ਤੋਂ ਬਾਅਦ ਐਪ ਆਵਾਜ਼ ਰਾਹੀਂ ਹਿੰਦੀ ਅਤੇ ਅੰਗਰੇਜ਼ੀ ’ਚ ਨੋਟ ਦਾ ਮੁੱਲ ਦੱਸੇਗੀ। ਆਰ. ਬੀ. ਆਈ. ਨੇ ਸਪੱਸ਼ਟ ਕੀਤਾ ਕਿ ਇਹ ਐਪ ਵਿਸ਼ੇਸ਼ਤਾਵਾਂ ਦੇ ਆਧਾਰ ’ਤੇ ਨੋਟ ਦੇ ਮੁੱਲ ਦੀ ਪਛਾਣ ਕਰੇਗੀ ਪਰ ਅਸਲੀ ਅਤੇ ਨਕਲੀ ਨੋਟ ’ਚ ਫਰਕ ਨਹੀਂ ਕਰੇਗੀ। ਐਂਡ੍ਰਾਇਡ ਅਤੇ ਐਪਲ ਦੋਵਾਂ ਲਈ ਇਹ ਐਪ ਤਿਆਰ ਕੀਤੀ ਗਈ ਹੈ। ਇਸ ਨੂੰ ਪਲੇਅ ਸਟੋਰ ਅਤੇ ਆਈ. ਓ. ਐੱਸ. ਐਪ ਸਟੋਰ ਤੋਂ ਫ੍ਰੀ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਇਕ ਵਾਰ ਇੰਸਟਾਲ ਕਰਨ ਤੋਂ ਬਾਅਦ ਐਪ ਦੀ ਵਰਤੋਂ ਲਈ ਇੰਟਰਨੈੱਟ ਕੁਨੈਕਸ਼ਨ ਦੀ ਲੋੜ ਨਹੀਂ ਹੋਵੇਗੀ।