ਮੂਡੀਜ਼ ਨੇ PNB ਦਾ ਆਊਟਲੁੱਕ ਕੀਤਾ ਪੋਜ਼ੀਟਿਵ
09/05/2019 10:20:44 AM
ਨਵੀਂ ਦਿੱਲੀ—ਸੰਸਾਰਕ ਰੇਟਿੰਗ ਏਜੰਸੀ ਮੂਡੀਜ਼ ਨੇ ਬੁੱਧਵਾਰ ਨੂੰ ਜਨਤਕ ਖੇਤਰ ਦੇ ਬੈਂਕ ਪੰਜਾਬ ਨੈਸ਼ਨਲ ਬੈਂਕ ਦੇ ਬਾਰੇ 'ਚ ਆਪਣੇ ਦ੍ਰਿਸ਼ਟੀਕੌਣ ਨੂੰ 'ਸਟੇਬਲ' ਨਾਲ ਸੁਧਾਰ ਕੇ 'ਪੋਜ਼ੀਟਿਵ' ਕਰ ਦਿੱਤਾ ਹੈ। ਵਿੱਤੀ ਮੰਤਰੀ ਨਿਰਮਲਾ ਸੀਤਾਰਮਣ ਵਲੋਂ ਹਾਲ ਹੀ 'ਚ ਕੀਤੀ ਗਈ ਘੋਸ਼ਣਾ ਦੇ ਮੁਤਾਬਕ ਓਰੀਐਂਟਲ ਬੈਂਕ ਆਫ ਕਾਮਰਸ (ਓ.ਬੀ.ਸੀ.) ਅਤੇ ਯੂਨਾਈਟਿਡ ਬੈਂਕ 'ਚ ਰਲੇਵਾਂ ਕੀਤਾ ਜਾਵੇਗਾ।
ਮੂਡੀਜ਼ ਨੇ ਇਸ ਦੇ ਨਾਲ ਹੀ ਕੇਨਰਾ ਬੈਂਕ, ਓ.ਬੀ.ਸੀ., ਸਿੰਡੀਕੇਟ ਬੈਂਕ ਅਤੇ ਯੂਨੀਅਨ ਬੈਂਕ ਦੀ ਸਥਾਨਕ ਅਤੇ ਵਿਦੇਸ਼ੀ ਮੁਦਰਾ ਜਮ੍ਹਾ ਦੀ ਰੇਟਿੰਗ ਨੂੰ ਬੀ.ਏ.ਏ.3..ਪੀ-3 ਨੂੰ ਲੈ ਕੇ ਫਿਰ ਪੁਸ਼ਟੀ ਕੀਤੀ ਹੈ। ਮੂਡੀਜ਼ ਇੰਵੈਸਟਰਸ ਸਰਵਿਸ ਨੇ ਇਥੇ ਜਾਰੀ ਇਕ ਵਿਗਿਆਪਨ 'ਚ ਕਿਹਾ ਕਿ ਉਸ ਨੇ ਪੀ.ਐੱਨ.ਬੀ. ਦੀ ਸਥਾਨਕ ਅਤੇ ਵਿਦੇਸ਼ੀ ਮੁਦਰਾ ਜਮ੍ਹਾ ਦੀ ਰੇਟਿੰਗ ਨੂੰ ਬੀ.ਏ.1..ਐੱਨ. ਪੀ ਨੂੰ ਲੈ ਕੇ ਦ੍ਰਿੜਤਾ ਜਤਾਈ ਹੈ।
ਇਸ ਦੇ ਨਾਲ ਹੀ ਬੈਂਕ ਦੇ ਬੁਨਿਆਦੀ ਕਰਜ਼ਲਾਈਨ ਆਕਲਨ ਨੂੰ ਲੈ ਕੇ ਵੀ ਏਜੰਸੀ ਦ੍ਰਿੜ ਹੈ। ਏਜੰਸੀ ਨੇ ਕੇਨਰਾ ਬੈਂਕ, ਓ.ਬੀ.ਸੀ., ਸਿੰਡੀਕੇਟ ਬੈਂਕ ਅਤੇ ਯੂਨੀਅਨ ਬੈਂਕ ਦਾ ਦ੍ਰਿਸ਼ ਵੀ ਸਥਿਰ ਰੱਖਿਆ ਹੈ। ਵਿਗਿਆਪਨ 'ਚ ਕਿਹਾ ਗਿਆ ਹੈ ਕਿ ਮੂਡੀਜ਼ ਨੇ ਪੀ.ਐੱਨ.ਬੀ. ਨੂੰ ਲੈ ਕੇ ਆਊਟਲੁੱਕ ਨੂੰ ਸਥਿਰ ਤੋਂ ਬਦਲ ਕੇ 'ਪੋਜ਼ੀਟਿਵ' ਕਰ ਦਿੱਤਾ ਹੈ।