ਬੀਮਾ ਕੰਪਨੀਆਂ ਨੂੰ ਦਾਅਵਿਆਂ ਦੇ ਨਿਪਟਾਨ ''ਚ ਦੇਰੀ ਕਰਨ ''ਤੇ ਕਿਸਾਨਾਂ ਨੂੰ 12 ਫੀਸਦੀ ਵਿਆਜ ਦੇਣਾ ਹੋਵੇਗਾ
09/19/2018 11:52:59 AM
ਨਵੀਂ ਦਿੱਲੀ—ਬੀਮਾ ਕੰਪਨੀਆਂ ਨੂੰ ਪ੍ਰਧਾਨ ਮੰਤਰੀ ਫਸਲ ਬੀਮਾ ਯੋਜਨਾ (ਪੀ.ਐੱਮ.ਐੱਫ.ਬੀ.ਵਾਈ.) ਦੇ ਤਹਿਤ ਦਾਵਿਆਂ ਦੇ ਨਿਪਟਾਰੇ ਦੇ ਮਾਮਲੇ 'ਚ ਦੇਰੀ ਕਰਨ 'ਤੇ ਕਿਸਾਨਾਂ ਨੂੰ 12 ਫੀਸਦੀ ਵਿਆਜ ਦਾ ਭੁਗਤਾਨ ਕਰਨਾ ਹੋਵੇਗਾ। ਸਰਕਾਰ ਵਲੋਂ ਜਾਰੀ ਨਵੇਂ ਦਿਸ਼ਾ-ਨਿਰਦੇਸ਼ਾਂ 'ਚ ਇਹ ਗੱਲ ਕਹੀ ਗਈ ਹੈ।
ਇਕ ਅਧਿਕਾਰਿਕ ਬਿਆਨ 'ਚ ਕਿਹਾ ਗਿਆ ਹੈ ਕਿ ਸਰਕਾਰ ਨੇ ਪ੍ਰਧਾਨ ਮੰਤਰੀ ਫਸਲ ਬੀਮਾ ਯੋਜਨਾ (ਪੀ.ਐੱਮ.ਐੱਫ.ਬੀ.ਵਾਈ.) ਦੇ ਤਹਿਤ ਬੀਮਾ ਦਾਅਵਿਆਂ ਦੇ ਨਿਪਟਾਨ 'ਚ ਦੇਰੀ ਹੋਣ ਦੀ ਸਥਿਤੀ 'ਚ ਸੂਬਿਆਂ ਅਤੇ ਬੀਮਾ ਕੰਪਨੀਆਂ 'ਤੇ ਜ਼ੁਰਮਾਨਾ ਲਗਾਉਣ ਦਾ ਪ੍ਰਬੰਧ ਸ਼ਾਮਲ ਕਰਨ ਦਾ ਫੈਸਲਾ ਕੀਤਾ ਹੈ।
ਬਿਆਨ 'ਚ ਕਿਹਾ ਗਿਆ ਹੈ ਕਿ ਨਿਰਧਾਰਿਤ ਅੰਤਿਮ ਤਾਰੀਖ ਦੇ ਦੋ ਮਹੀਨਿਆਂ ਬਾਅਦ ਦਾਅਵਿਆਂ ਦਾ ਨਿਪਟਾਨ ਕਰਨ 'ਤੇ ਦੇਰੀ ਹੋਣ 'ਤੇ ਬੀਮਾ ਕੰਪਨੀਆਂ ਕੰਪਨੀਆਂ ਨੂੰ 12 ਫੀਸਦੀ ਵਿਆਜ ਦਾ ਭੁਗਤਾਨ ਕਰੇਗੀ। ਬੀਮਾ ਕੰਪਨੀਆਂ ਵਲੋਂ ਆਪਣੀ ਮੰਗ ਪੇਸ਼ ਕਰਨ ਲਈ ਨਿਰਧਾਰਿਤ ਆਖਰੀ ਤਾਰੀਕ ਦੇ 3 ਮਹੀਨੇ ਬਾਅਦ ਸਬਸਿਡੀ 'ਚ ਸੂਬੇ ਦਾ ਹਿੱਸਾ ਜਾਰੀ ਕਰਨ 'ਤੇ ਦੇਰੀ ਹੋਣ ਦੇ ਕਾਰਨ ਸੂਬਾ ਸਰਕਾਰਾਂ 12 ਫੀਸਦੀ ਵਿਆਜ ਦੇਣਗੀਆਂ।
