ਇੰਡੀਗੋ ਨੇ ਟਿਕਟ ਰੱਦ ਕਰਵਾਉਣ ਦਾ ਚਾਰਜ ਵਧਾਇਆ

ਨਵੀਂ ਦਿੱਲੀ— ਇੰਡੀਗੋ ਨੇ ਟਿਕਟ ਰੱਦ ਕਰਵਾਉਣ ਜਾਂ ਉਡਾਣ ’ਚ ਬਦਲਾਅ ’ਤੇ ਲੱਗਣ ਵਾਲਾ ਚਾਰਜ ਵੀਰਵਾਰ ਅੱਧੀ ਰਾਤ ਤੋਂ ਵਧਾ ਦਿੱਤਾ ਹੈ। ਕੰਪਨੀ ਨੇ ਦੱਸਿਆ ਕਿ ਹੁਣ ਯਾਤਰਾ ਤੋਂ 3 ਦਿਨ ਪਹਿਲਾਂ ਤੱਕ ਘਰੇਲੂ ਅਤੇ ਭਾਰਤੀ ਉਪ-ਮਹਾਦੀਪ ਦੇ ਸਥਾਨਾਂ ਦੀ ਯਾਤਰਾ ਦੀ ਟਿਕਟ ਰੱਦ ਕਰਵਾਉਣ ’ਤੇ 3500 ਰੁਪਏ ਚਾਰਜ ਲੱਗੇਗਾ, ਜਦੋਂ ਕਿ ਟਿਕਟ ’ਚ ਬਦਲਾਅ ’ਤੇ 3000 ਰੁਪਏ ਦਾ ਚਾਰਜ ਦੇਣਾ ਪਵੇਗਾ। ਯਾਤਰਾ ਤੋਂ 4 ਦਿਨ ਜਾਂ ਹੋਰ ਪਹਿਲਾਂ ਟਿਕਟ ਰੱਦ ਕਰਵਾਉਣ ’ਤੇ ਚਾਰਜ 3000 ਤੇ ਬਦਲਾਅ ਕਰਵਾਉਣ ’ਤੇ 2500 ਰੁਪਏ ਚਾਰਜ ਦੇਣਾ ਪਵੇਗਾ।

ਹੋਰ ਸਥਾਨਾਂ ਲਈ 3 ਦਿਨ ਪਹਿਲਾਂ ਤੱਕ ਉਡਾਣ ਰੱਦ ਕਰਵਾਉਣ ’ਤੇ ਚਾਰਜ ਵਧਾ ਕੇ 5000 ਤੋਂ 6500 ਰੁਪਏ ਦੇ ਦਰਮਿਆਨ ਕਰ ਦਿੱਤਾ ਗਿਆ ਹੈ। 4 ਦਿਨ ਜਾਂ ਜ਼ਿਆਦਾ ਪਹਿਲਾਂ ਟਿਕਟ ਰੱਦ ਕਰਵਾਉਣ ਦਾ ਚਾਰਜ 4500 ਤੋਂ 6000 ਰੁਪਏ ਦਰਮਿਆਨ ਹੋਵੇਗਾ।