IFFCO ਅਗਲੇ 15 ਦਿਨਾਂ ਵਿਚ ਸਥਾਪਤ ਕਰੇਗੀ ਚਾਰ ਆਕਸੀਜਨ ਪਲਾਂਟ, ਮੁਫਤ ਡਿਲਿਵਰੀ ਦੀ ਹੈ ਯੋਜਨਾ

04/19/2021 3:36:47 PM

ਨਵੀਂ ਦਿੱਲੀ - ਸਹਿਕਾਰੀ ਖੇਤਰ ਦੀ ਖ਼ਾਦ ਬਣਾਉਣ ਵਾਲੀ ਕੰਪਨੀ IFFCO ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ 30 ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਉੱਤਰ ਪ੍ਰਦੇਸ਼ , ਗੁਜਰਾਤ ਅਤੇ ਓਡੀਸ਼ਾ ਵਿਚ 4 ਮੈਡੀਕਲ ਆਕਸੀਜਨ ਪਲਾਂਟ ਸਥਾਪਤ ਕਰੇਗੀ ਅਤੇ ਇਸ ਨੂੰ ਹਸਪਤਾਲਾਂ ਵਿਚ ਮੁਫਤ ਸਪਲਾਈ ਕੀਤੀ ਜਾਏਗਾ। ਇਹ ਪਲਾਂਟ ਕਲੋਲ (ਗੁਜਰਾਤ), ਆਂਵਲਾ ਅਤੇ ਫੂਲਪੁਰ (ਉੱਤਰ ਪ੍ਰਦੇਸ਼) ਅਤੇ ਪਾਰਾਦੀਪ (ਓਡੀਸ਼ਾ) ਵਿੱਚ ਲਗਾਏ ਜਾਣਗੇ।

ਇਹ ਵੀ ਪੜ੍ਹੋ : ਕੋਰੋਨਾ ਖੌਫ਼ ਦਰਮਿਆਨ ਇਹ ਕੰਪਨੀਆਂ ਕਰ ਰਹੀਆਂ ਕੋਵਿਡ ਦੇ ਮਰੀਜ਼ਾਂ ਲਈ ਆਕਸੀਜਨ ਦੀ ਸਪਲਾਈ

ਇਫਕੋ ਦੇ ਇਕ ਬੁਲਾਰੇ ਨੇ ਦੱਸਿਆ,  'ਇਸ ਸਬੰਧ ਵਿਚ ਪਹਿਲਾਂ ਹੀ ਇਕ ਆਦੇਸ਼ ਜਾਰੀ ਕਰ ਦਿੱਤਾ ਗਿਆ ਹੈ।' ਆਕਸੀਜਨ ਪਲਾਂਟਾਂ ਦੇ ਚੱਲਣ ਵਿਚ ਅੱਜ ਤੋਂ ਘੱਟੋ ਘੱਟ 15 ਦਿਨ ਲੱਗਣਗੇ। ਇਕ ਟੀਮ ਵਿਸ਼ੇਸ਼ ਤੌਰ 'ਤੇ ਇਸ ਪ੍ਰਾਜੈਕਟ 'ਤੇ ਕੰਮ ਕਰ ਰਹੀ ਹੈ। ਇਫਕੋ ਇਸ ਨੂੰ ਜਲਦ ਤੋਂ ਜਲਦ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਕਰੇਗਾ।' ਇਫਕੋ ਨੇ ਚਾਰ ਆਕਸੀਜਨ ਪਲਾਂਟਾਂ ਉੱਤੇ ਲਗਭਗ 30 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਹੈ। ਇਫਕੋ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਸੀ.ਈ.ਓ. ਯੂ.ਐਸ. ਅਵਸਥੀ ਨੇ ਐਤਵਾਰ ਦੇਰ ਰਾਤ ਐਲਾਨ ਕੀਤਾ ਕਿ ਗੁਜਰਾਤ ਦੇ ਕਲੋਲ ਪਲਾਂਟ ਵਿਚ ਪ੍ਰਤੀ ਘੰਟਾ 200 ਕਿਊਬਿਕ ਮੀਟਰ ਦੀ ਸਮਰੱਥਾ ਵਾਲਾ ਆਕਸੀਜਨ ਪਲਾਂਟ ਸਥਾਪਤ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਫਕੋ ਹਸਪਤਾਲਾਂ ਨੂੰ ਮੁਫਤ ਆਕਸੀਜਨ ਮੁਹੱਈਆ ਕਰਵਾਏਗਾ। ਕੋਵਿਡ -19 ਲਾਗ ਦੇ ਮਾਮਲਿਆਂ ਵਿੱਚ ਹਾਲ ਹੀ ਵਿਚ ਹੋਏ ਵਾਧੇ ਨੂੰ ਵੇਖਦਿਆਂ, ਮਰੀਜ਼ਾਂ ਦੇ ਇਲਾਜ ਲਈ ਆਕਸੀਜਨ ਦੀ ਇੱਕ ਵੱਡੀ ਮੰਗ ਸਾਹਮਣੇ ਆ ਰਹੀ ਹੈ। ਇਸ ਕਾਰਨ ਮਹਾਰਾਸ਼ਟਰ, ਦਿੱਲੀ ਅਤੇ ਉੱਤਰ ਪ੍ਰਦੇਸ਼ ਸਮੇਤ ਦੇਸ਼ ਦੇ ਪ੍ਰਮੁੱਖ ਹਿੱਸਿਆਂ ਵਿਚ ਆਕਸੀਜਨ ਦੀ ਘਾਟ ਹੋਣ ਦੀਆਂ ਖ਼ਬਰਾਂ ਹਨ।

ਇਹ ਵੀ ਪੜ੍ਹੋ : ਇਸ ਵਾਰ ਤਾਲਾਬੰਦੀ ’ਚ ਨਹੀਂ ਹੋਵੇਗੀ ਜ਼ਰੂਰੀ ਚੀਜ਼ਾਂ ਦੀ ਘਾਟ, ਚੁਣੋਤੀਆਂ ਨਾਲ ਨਜਿੱਠਣ ਲਈ ਤਿਆਰ ਕੰਪਨੀਆਂ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।


Harinder Kaur

Content Editor

Related News