ਸੋਨਾ 310 ਰੁਪਏ ਚਮਕਿਆ, ਚਾਂਦੀ 30 ਰੁਪਏ ਸਸਤੀ
05/12/2019 11:13:10 AM
ਨਵੀਂ ਦਿੱਲੀ—ਸੰਸਾਰਕ ਪੱਧਰ 'ਤੇ ਰਹੀ ਪੀਲੀ ਧਾਤੂ 'ਚ ਤੇਜ਼ੀ ਦੌਰਾਨ ਘਰੇਲੂ ਗਹਿਣਾ ਗਾਹਕੀ ਆਉਣ ਨਾਲ ਬੀਤੇ ਹਫਤੇ ਦਿੱਲੀ ਸਰਾਫਾ ਬਾਜ਼ਾਰ 'ਚ ਸੋਨਾ 310 ਰੁਪਏ ਦੀ ਹਫਤਾਵਾਰ ਤੇਜ਼ੀ 'ਚ 32,955 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਪਹੁੰਚ ਗਿਆ ਹੈ। ਇਸ ਦੌਰਾਨ ਉਦਯੋਗਿਕ ਮੰਗ ਕਮਜ਼ੋਰ ਪੈਣ ਨਾਲ ਚਾਂਦੀ 30 ਰੁਪਏ ਉਤਰ ਕੇ 38,170 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਆ ਗਈ। ਬਾਜ਼ਾਰ ਵਿਸ਼ਲੇਸ਼ਕਾਂ ਦੇ ਮੁਤਾਬਕ ਅਮਰੀਕਾ ਅਤੇ ਚੀਨ ਦੇ ਵਿਚਕਾਰ ਵਧੇ ਤਣਾਅ ਨੇ ਪਿਛਲੇ ਹਫਤੇ ਸੰਸਾਰਕ ਬਾਜ਼ਾਰ 'ਚ ਪੀਲੀ ਧਾਤੂ ਦੀ ਚਮਕ ਵਧਾ ਦਿੱਤੀ। ਲੰਡਨ ਅਤੇ ਨਿਊਯਾਰਕ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਉੱਥੇ ਸੋਨਾ ਹਾਜ਼ਿਰ ਪਿਛਲੇ ਹਫਤੇ 7.10 ਡਾਲਰ ਦੀ ਹਫਤਾਵਾਰੀ ਤੇਜ਼ੀ ਨਾਲ 1,285.75 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ। ਜੂਨ ਦਾ ਅਮਰੀਕੀ ਸੋਨਾ ਵਾਇਦਾ ਵੀ 5.40 ਡਾਲਰ ਦੀ ਤੇਜ਼ੀ 'ਚ ਹਫਤਾਵਾਰ 'ਤੇ 1,286.80 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਿਆ। ਸੋਨੇ ਦੇ ਉਲਟ ਕੌਮਾਂਤਰੀ ਬਾਜ਼ਾਰ 'ਚ ਚਾਂਦੀ 0.16 ਡਾਲਰ ਉਤਰ ਕੇ 14.74 ਡਾਲਰ ਪ੍ਰਤੀ ਔਂਸ 'ਤੇ ਬੰਦ ਹੋਈ
