ਅਗਲੇ ਇਕ ਸਾਲ ’ਚ ਸੋਨੇ ਦੀ ਕੀਮਤ 52-53 ਹਜ਼ਾਰ ਰੁਪਏ ਤੱਕ ਪਹੁੰਚਣ ਦੀ ਉਮੀਦ

ਨਵੀਂ ਦਿੱਲੀ (ਅਨਸ)–ਅਗਲੇ 12 ਮਹੀਨਿਆਂ ’ਚ ਘਰੇਲੂ ਸੋਨੇ ਦੀਆਂ ਕੀਮਤਾਂ 52,000-53,000 ਰੁਪਏ ਦੇ ਉੱਚ ਪੱਧਰ ’ਤੇ ਪਹੁੰਚਣ ਦੀ ਉਮੀਦ ਹੈ। ਹੁਣ ਸੋਨੇ ਦੀਆਂ ਕੀਮਤਾਂ 47,000 ਰੁਪਏ ਤੋਂ 49,000 ਰੁਪਏ ਪ੍ਰਤੀ 10 ਗ੍ਰਾਮ ਦਰਮਿਆਨ ਕਾਰੋਬਾਰ ਕਰ ਰਹੀਆਂ ਹਨ। ਹਾਲਾਂਕਿ ਸੋਨੇ ਦੀਆਂ ਕੀਮਤਾਂ ’ਚ 2019 ਦੌਰਾਨ 52 ਫੀਸਦੀ ਅਤੇ 2020 ’ਚ 25 ਫੀਸਦੀ ਦੀ ਤੇਜ਼ੀ ਦੇਖੀ ਗਈ ਸੀ। ਫਾਇਨਾਂਸ਼ੀਅਲ ਸਰਵਿਸਿਜ਼ ਦੇ ਨੋਟ ਮੋਤੀਲਾਲ ਓਸਵਾਲ ਮੁਤਾਬਕ ਸਰਾਫਾ ਪਿਛਲੀ ਦੀਵਾਲੀ ਤੋਂ ਇਸ ਦੀਵਾਲੀ ਤੱਕ ਇਕਸਾਰਤਾ ਮੋਡ ’ਚ ਰਿਹਾ ਹੈ ਅਤੇ ਪਿਛਲੇ ਕੁੱਝ ਮਹੀਨਿਆਂ ਵਿਚ ਅਮਰੀਕੀ ਡਾਲਰ ਦਰਮਿਆਨ ਕੁੱਝ ਅਸਥਿਰਤਾ ਅਤੇ ਬਾਂਡ ਯੀਲਡ ’ਚ ਅਸਥਿਰਤਾ ਦੇਖੀ ਗਈ ਹੈ। ਫਿਰ ਵੀ ਸਾਲ ਦੀ ਪਹਿਲੀ ਛਿਮਾਹੀ ਦੌਰਾਨ ਉਮੀਦ ਤੋਂ ਬਿਹਤਰ ਆਰਥਿਕ ਅੰਕੜਿਆਂ ਅਤੇ ਯੂ. ਐੱਸ. ਫੈੱਡਰਲ ਰਿਜ਼ਰਵ ਦੇ ਦ੍ਰਿਸ਼ਟੀਕੋਣ ਨੇ ਜ਼ਿਆਦਾਤਰ ਬਾਜ਼ਾਰ ਭਾਈਵਾਲਾਂ ਨੂੰ ਕਿਨਾਰੇ ’ਤੇ ਰੱਖਿਆ ਹੈ। ਦੂਜੇ ਪਾਸੇ ਦੂਜੀ ਛਿਮਾਹੀ ’ਚ ਕਮਜ਼ੋਰ ਡਾਟਾ ਸੈੱਟ ਅਤੇ ਯੂ. ਐੱਸ. ਫੇਡ ਦੇ ਨਜ਼ਰੀਏ ’ਚ ਬਦਲਾਅ ਦੇਖਿਆ ਗਿਆ ਹੈ ਜੋ ਸੋਨੇ ਦੇ ਰੇਟਾਂ ਨੂੰ ਇਕ ਵਾਰ ਮੁੜ ਉਤਸ਼ਾਹਿਤ ਕਰ ਸਕਦਾ ਹੈ।

ਇਹ ਵੀ ਪੜ੍ਹੋ : ਅਮਰੀਕਾ : FDA ਨੇ 5-11 ਸਾਲ ਦੇ ਬੱਚਿਆਂ ਲਈ ਕੋਵਿਡ-19 ਵੈਕਸੀਨ ਨੂੰ ਦਿੱਤੀ ਮਨਜ਼ੂਰੀ

ਸੋਨੇ ਨੇ ਪਿਛਲੇ ਕੁੱਝ ਮਹੀਨਿਆਂ ’ਚ ਦਿੱਤਾ ਚੰਗਾ ਰਿਟਰਨ
ਦੀਵਾਲੀ 2020 ਦੇ ਉਲਟ ਇਸ ਸਾਲ ਬਹੁਤ ਘੱਟ ਪਾਬੰਦੀਆਂ ਹਨ, ਦੁਕਾਨਾਂ ਖੁੱਲ੍ਹੀਆਂ ਹਨ, ਇਸ ਸਾਲ ਕੁੱਲ ਮੰਗ ’ਚ ਵੀ ਵਾਧਾ ਹੋਇਆ ਹੈ, ਜਿਸ ਨੂੰ ਦਰਾਮਦ ਗਿਣਤੀ ਤੋਂ ਦੇਖਿਆ ਜਾ ਸਕਦਾ ਹੈ ਜੋ ਸਤੰਬਰ ਤੱਕ 740 ਟਨ ਹੈ। ਜੋਖਮ ਭਰੀ ਜਾਇਦਾਦ ਯਾਨੀ ਸੋਨੇ ’ਚ ਪਿਛਲੇ ਕੁੱਝ ਮਹੀਨਿਆਂ ’ਚ ਵੱਡੇ ਪੈਮਾਨੇ ’ਤੇ ਉਛਾਲ ਦੇਖਿਆ ਗਿਆ ਹੈ ਅਤੇ ਇਸ ਨੇ ਚੰਗਾ ਰਿਟਰਨ ਦਿੱਤਾ ਹੈ। ਰੁਝਾਨ ’ਚ ਕੋਈ ਵੀ ਬਦਲਾਅ ਜਾਂ ਕਮਜ਼ਰ ਪੈਣ ਨਾਲ ਸੁਰੱਖਿਅਤ ਪਨਾਹਗਾਹਾਂ ’ਚ ਭਾਰੀ ਉਛਾਲ ਆ ਸਕਦਾ ਹੈ। ਹਾਲ ਹੀ ’ਚ ਵਰਲਡ ਗੋਲਡ ਕਾਊਂਸਲ ਦੇ ਅੰਕੜਿਆਂ ਨੇ ਸੁਝਾਅ ਦਿੱਤਾ ਹੈ ਕਿ ਸਤੰਬਰ 2021 ਨੂੰ ਸਮਾਪਤ ਤਿਮਾਹੀ ਲਈ ਸੋਨੇ ਦੀ ਮੰਗ 47 ਫੀਸਦੀ ਵਧ ਕੇ 139.1 ਟਨ ਹੋ ਗਈ ਜਦ ਕਿ ਇਕ ਸਾਲ ਪਹਿਲਾਂ ਇਹ 94.6 ਟਨ ਸੀ।

ਇਹ ਵੀ ਪੜ੍ਹੋ : ਫੇਸਬੁੱਕ ਦੇ ਲੀਕ ਪੇਪਰਸ ਤੋਂ ਵੱਡਾ ਖੁਲਾਸਾ, ਆਪਣੇ ਫਾਇਦੇ ਲਈ ਕੰਪਨੀ ਨੇ 6 ਸਾਲ ਤੱਕ ਦੇ ਬੱਚਿਆਂ ਨੂੰ ਕੀਤਾ ਟਾਰਗੇਟ

ਗਹਿਣਿਆਂ ਦੀ ਮੰਗ 58 ਫੀਸਦੀ ਵਧੀ
ਇਸ ਤੋਂ ਇਲਾਵਾ ਜੁਲਾਈ ਤੋਂ ਸਤੰਬਰ 2021 ਦੀ ਮਿਆਦ ਦੌਰਾਨ ਭਾਰਤ ’ਚ ਗਹਿਣਿਆਂ ਦੀ ਮੰਗ 58 ਫੀਸਦੀ ਵਧ ਕੇ 96.2 ਟਨ ਹੋ ਗਈ ਜੋ ਮਜ਼ਬੂਤ ਮੰਗ, ਮੌਕਿਆਂ ਨਾਲ ਸਬੰਧਤ ਤੋਹਫੇ, ਆਰਥਿਕ ਸੁਧਾਰ ਅਤੇ ਘੱਟ ਕੀਮਤਾਂ ਕਾਰਨ ਹੈ। ਈ. ਟੀ. ਐੱਫ. ਇਸ ਸਾਲ ਦੀ ਸ਼ੁਰੂਆਤ ਤੋਂ ਬਾਅਦ ਸੋਨੇ ਲਈ ਸਭ ਤੋਂ ਚੰਗਾ ਸਮਰਥਕ ਨਹੀਂ ਰਿਹਾ ਹੈ, ਹਾਲਾਂਕਿ ਸੈਂਟਰਲ ਬੈਂਕ ਦੀ ਸੋਨੇ ਦੀ ਖਰੀਦਦਾਰੀ ਦੀ ਦੌੜ ਅਤੇ ਸੀ. ਐੱਫ. ਟੀ.ਸੀ. ਦੀ ਸਥਿਤੀ ਨੇ ਸ਼ੁੱਧ ਲੰਮੇ ਸਮੇਂ ’ਚ ਆਪਣੀ ਸਥਿਤੀ ਬਣਾਈ ਰੱਖੀ ਹੈ, ਜਿਸ ਨਾਲ ਸੋਨੇ ਦੀਆਂ ਕੀਮਤਾਂ ਲਈ ਸਮੁੱਚੀ ਭਾਵਨਾ ਵਧ ਗਈ ਹੈ। ਇਸ ਤੋਂ ਇਲਾਵਾ ਨੋਟ ’ਚ ਕਿਹਾ ਗਿਆ ਹੈ ਕਿ ਮੌਜੂਦਾ ਦ੍ਰਿਸ਼ ’ਚ ਕੁੱਝ ਛੋਟੀ ਮਿਆਦ ਦੀਆਂ ਰੁਕਾਵਟਾਂ ਹੋ ਸਕਦੀਆਂ ਹਨ ਜੋ ਨਿਵੇਸ਼ਕਾਂ ਨੂੰ ਖਰੀਦਦਾਰੀ ਦਾ ਬਿਹਤਰ ਮੌਕਾ ਦੇ ਸਕਦੀਆਂ ਹਨ। ਅਸੀਂ ਮੰਨਦੇ ਹਾਂ ਕਿ ਸੋਨੇ ਦੀ ਮੰਗ ਇਕ ਵਾਰ ਮੁੜ 2,000 ਡਾਲਰ ਤੱਕ ਵਧਣ ਦੀ ਸਮਰੱਥਾ ਹੈ ਅਤੇ ਇੱਥੋਂ ਤੱਕ ਕਿ ਕਾਮੈਕਸ ’ਤੇ ਇਕ ਨਵਾਂ ਜੀਵਨ ਕਾਲ ਵੀ ਬਣਾ ਸਕਦਾ ਹੈ।

ਇਹ ਵੀ ਪੜ੍ਹੋ : ਮਿਆਂਮਾਰ 'ਚ ਫੌਜ ਦੀ ਗੋਲੀਬਾਰੀ ਕਾਰਨ 160 ਘਰਾਂ ਨੂੰ ਲੱਗੀ ਅੱਗ

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।