ਗੋਦਰੇਜ ਕੰਜਿਊਮਰ ਦਾ ਮੁਨਾਫਾ 8.7 ਫੀਸਦੀ ਘਟਿਆ

ਨਵੀਂ ਦਿੱਲੀ—ਵਿੱਤੀ ਸਾਲ 2018 ਦੀ ਪਹਿਲੀ ਤਿਮਾਹੀ 'ਚ ਗੋਦਰੇਜ ਕੰਜਿਊਮਰ ਦਾ ਮੁਨਾਫਾ 8.7 ਫੀਸਦੀ ਘੱਟ ਕੇ 225.2 ਕਰੋੜ ਰੁਪਏ ਹੋ ਗਿਆ। ਵਿੱਤੀ ਸਾਲ 2017 ਦੀ ਪਹਿਲੀ ਤਿਮਾਹੀ 'ਚ ਗੋਦਰੇਜ ਕੰਜ਼ਿਊਮਰ ਦਾ ਮੁਨਾਫਾ 246.6 ਕਰੋੜ ਰੁਪਏ ਰਿਹਾ ਸੀ।
ਵਿੱਤੀ ਸਾਲ 2018 ਦੀ ਪਹਿਲੀ ਤਿਮਾਹੀ 'ਚ ਗੋਦਰੇਜ ਕੰਜ਼ਿਊਮਰ ਦੀ ਆਮਦਨ 3.5 ਫੀਸਦੀ ਵਧ ਕੇ 2271.2 ਕਰੋੜ ਰੁਪਏ 'ਤੇ ਪਹੁੰਚ ਗਈ। ਵਿੱਤੀ ਸਾਲ 2017 ਦੀ ਪਹਿਲੀ ਤਿਮਾਹੀ 'ਚ ਗੋਦਰੇਜ ਕੰਜ਼ਿਊਮਰ ਦੀ ਆਮਦਨ 2194.2 ਕਰੋੜ ਰੁਪਏ ਰਹੀ ਸੀ। ਸਾਲ ਦਰ ਸਾਲ ਆਧਾਰ 'ਤੇ ਅਪ੍ਰੈਲ-ਜੂਨ ਤਿਮਾਹੀ 'ਚ ਗੋਦਰੇਜ ਕੰਜ਼ਿਊਮਰ ਦਾ ਐਬਿਟਡਾ 383.2 ਕਰੋੜ ਰੁਪਏ ਤੋਂ ਘੱਟ ਕੇ 349.4 ਕਰੋੜ ਰੁਪਏ ਰਿਹਾ। ਸਾਲਾਨਾ ਆਧਾਰ 'ਤੇ ਅਪ੍ਰੈਲ-ਜੂਨ ਤਿਮਾਹੀ 'ਚ ਗੋਦਰੇਜ ਕੰਜਿਊਮਰ ਦਾ ਐਬਿਟਡਾ ਮਾਰਜਨ 18.1 ਫੀਸਦੀ ਤੋਂ ਘੱਟ ਕੇ 16 ਫੀਸਦੀ ਰਿਹਾ ਹੈ।