ਕੋਲ ਇੰਡੀਆ ਦੀ ਬਿਜਲੀ ਖੇਤਰ ਨੂੰ ਕੋਲਾ ਸਪਲਾਈ ''ਚ ਸੱਤ ਫੀਸਦੀ ਗਿਰਾਵਟ

ਨਵੀਂ ਦਿੱਲੀ—ਜਨਤਕ ਖੇਤਰ ਦੀ ਕੰਪਨੀ ਕੋਲ ਇੰਡੀਆ ਦੀ ਬਿਜਲੀ ਖੇਤਰ ਨੂੰ ਕੋਲ ਇੰਡੀਆ ਦੀ ਬਿਜਲੀ ਖੇਤਰ ਨੂੰ ਕੋਲਾ ਸਪਲਾਈ ਚਾਲੂ ਵਿੱਤੀ ਸਾਲ ਦੀ ਅਪ੍ਰੈਲ-ਜਨਵਰੀ ਮਿਆਦ 'ਚ 6.8 ਫੀਸਦੀ ਘੱਟ ਕੇ 37.79 ਕਰੋੜ ਟਨ ਰਹੀ। ਇਸ ਤੋਂ ਪਿਛਲੇ ਵਿੱਤੀ ਸਾਲ ਸਾਲ ਇਸ ਮਿਆਦ 'ਚ ਕੰਪਨੀ ਦੀ ਬਿਜਲੀ ਖੇਤਰ ਨੂੰ ਕੋਲਾ ਸਪਲਾਈ 40.56 ਕਰੋੜ ਟਨ ਸੀ। ਅਧਿਕਾਰਿਕ ਅੰਕੜਿਆਂ ਮੁਤਾਬਕ ਜਨਵਰੀ 'ਚ ਕੋਲ ਇੰਡੀਆ ਦੀਆਂ ਬਿਜਲੀ ਕੰਪਨੀਆਂ ਨੂੰ ਕੋਲਾ ਸਪਲਾਈ 2.9 ਫੀਸਦੀ ਵਧ ਕੇ 4.32 ਕਰੋੜ ਟਨ ਰਹੀ ਜੋ ਪਿਛਲੇ ਵਿੱਤੀ ਸਾਲ ਜਨਵਰੀ 'ਚ 4.2 ਕਰੋੜ ਟਨ ਸੀ। ਕੋਲ ਇੰਡੀਆ ਦੀ ਸਬਸਿਡੀ ਸਿੰਗਰੇਨੀ ਕਾਲਰੀਜ਼ ਕੰਪਨੀ ਲਿਮਟਿਡ ਨੇ ਅਪ੍ਰੈਲ-ਜਨਵਰੀ ਮਿਆਦ 'ਚ 4.40 ਕਰੋੜ ਟਨ ਕੋਲੇ ਦੀ ਸਪਲਾਈ ਕੀਤੀ ਜੋ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਇਸ ਮਿਆਦ 'ਚ ਕੀਤੀ ਗਈ 4.52 ਕਰੋੜ ਟਨ ਕੋਲਾ ਸਪਲਾਈ ਤੋਂ 2.6 ਫੀਸਦੀ ਘੱਟ ਹੈ। ਇਕ ਅਧਿਕਾਰੀ ਨੇ ਬਾਰਿਸ਼ ਨੂੰ ਕੋਲਾ ਖੇਤਰ ਦਾ ਦੁਸ਼ਮਣ ਦੱਸਦੇ ਹੋਏ ਕਿਹਾ ਕਿ ਜੁਲਾਈ ਦੇ ਬਾਅਦ ਮਾਨਸੂਨ ਦੀ ਲੰਬੀ ਮਿਆਦ ਤੱਕ ਬਣੇ ਰਹਿਣ ਨਾਲ ਵੀ ਚਾਲੂ ਵਿੱਤੀ ਸਾਲ 'ਚ ਕੋਲਾ ਉਤਪਾਦਨ ਘਟਿਆ ਹੈ। ਕੋਲ ਇੰਡੀਆ ਦੀ ਅਪ੍ਰੈਲ-ਜਨਵਰੀ ਮਿਆਦ 'ਚ ਉਤਪਾਦਨ ਵੀ 3.9 ਫੀਸਦੀ ਘੱਟ ਕੇ 45.15 ਕਰੋੜ ਟਨ ਰਹਿ ਗਿਆ ਹੈ। ਇਸ ਤੋਂ ਪਿਛਲੇ ਵਿੱਤੀ ਸਾਲ 2018-19 ਦੀ ਇਸ ਮਿਆਦ 'ਚ ਕੰਪਨੀ ਦਾ ਕੋਲਾ ਉਤਪਾਦਨ 46.96 ਕਰੋੜ ਟਨ ਸੀ। ਹਾਲਾਂਕਿ ਕੋਲ ਇੰਡੀਆ ਨੇ ਅਗਲੇ ਵਿੱਤੀ ਸਾਲ 'ਚ ਕੋਲਾ ਉਤਪਾਦਨ 75 ਕਰੋੜ ਟਨ ਰਹਿਣ ਦਾ ਅਨੁਮਾਨ ਜਤਾਇਆ ਸੀ। ਕੋਲਾ ਮੰਤਰੀ ਪ੍ਰਹਲਾਦ ਜੋਸ਼ੀ ਨੇ ਕਿਹਾ ਕਿ ਕੋਲ ਇੰਡੀਆ ਦਾ ਵਿੱਤੀ ਸਾਲ 2023-24 ਤੱਕ ਕੋਲਾ ਉਤਪਾਦਨ ਇਕ ਅਰਬ ਟਨ ਪਹੁੰਚਣ ਦਾ ਟੀਚਾ ਹੈ।