ਇਸ ਸਾਲ ਅਪ੍ਰੈਲ ਤੋਂ ਨਵੰਬਰ ਦੌਰਾਨ 4.4 ਫੀਸਦੀ ਵਧਿਆ ਕੋਲਾ ਆਯਾਤ

ਨਵੀਂ ਦਿੱਲੀ—ਦੇਸ਼ ਦਾ ਕੋਲਾ ਆਯਾਤ ਚਾਲੂ ਵਿੱਤੀ ਸਾਲ 'ਚ ਅਪ੍ਰੈਲ ਤੋਂ ਨਵੰਬਰ ਦੌਰਾਨ 4.4 ਫੀਸਦੀ ਵਧ ਕੇ 16.14 ਕਰੋੜ ਟਨ 'ਤੇ ਪਹੁੰਚ ਗਿਆ ਹੈ। ਇਹ ਅੰਕੜਾ ਅਜਿਹੇ ਸਮੇਂ ਆਇਆ ਹੈ ਜਦੋਂ ਕੇਂਦਰ ਨੇ ਚਾਲੂ ਵਿੱਤੀ ਸਾਲ 'ਚ ਇਸ ਈਂਧਣ ਦਾ ਆਯਾਤ 23.5 ਕਰੋੜ ਟਨ 'ਤੇ ਸੀਮਿਤ ਰਹਿਣ ਦਾ ਭਰੋਸਾ ਜਤਾਇਆ ਹੈ। ਕੋਲਾ ਅਤੇ ਇਸਪਾਤ ਖੇਤਰ ਦੀ ਈ-ਵਪਾਰਕ ਕੰਪਨੀ ਐੱਮਜੈਕਸ਼ਨ ਦੇ ਅੰਕੜਿਆਂ ਮੁਤਾਬਕ ਇਸ ਤੋਂ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਮਿਆਦ 'ਚ ਕੋਲਾ ਆਯਾਤ 15.46 ਕਰੋੜ ਟਨ ਰਿਹਾ ਸੀ। ਐੱਮਜੈਕਸ਼ਨ ਟਾਟਾ ਸਟੀਲ ਅਤੇ ਸੇਲ ਦਾ ਸੰਯੁਕਤ ਉਪਕ੍ਰਮ ਹੈ। ਐੱਮਜੈਕਸ਼ਨ ਨੇ ਕਿਹਾ ਕਿ ਪਹਿਲੇ ਅੰਕੜਿਆਂ ਮੁਤਾਬਕ ਚਾਲੂ ਵਿੱਤੀ ਸਾਲ 'ਚ ਅਪ੍ਰੈਲ ਤੋਂ ਨਵੰਬਰ ਦੇ ਦੌਰਾਨ 16.14 ਕਰੋੜ ਟਨ ਕੋਲੇ ਦਾ ਆਯਾਤ ਹੋਇਆ। ਇਹ ਪਿਛਲੇ ਸਾਲ ਦੇ ਸਮਾਨ ਸਮੇਂ ਦੇ 15.46 ਕਰੋੜ ਟਨ ਤੋਂ 4.4 ਫੀਸਦੀ ਜ਼ਿਆਦਾ ਹੈ। ਮਾਸਿਕ ਆਧਾਰ 'ਤੇ ਨਵੰਬਰ ਦੌਰਾਨ 16.14 ਕਰੋੜ ਟਨ ਕੋਲੇ ਦਾ ਆਯਾਤ ਹੋਇਆ। ਇਹ ਪਿਛਲੇ ਵਿੱਤੀ ਸਾਲ ਦੀ ਸਮਾਨ ਮਿਆਦ ਦੇ 15.46 ਕਰੋੜ ਟਨ ਤੋਂ 4.4 ਫੀਸਦੀ ਜ਼ਿਆਦਾ ਹੈ। ਮਾਸਿਕ ਆਧਾਰ 'ਤੇ ਨਵੰਬਰ ਮਹੀਨੇ 'ਚ ਹਾਲਾਂਕਿ ਕੋਲਾ ਆਯਾਤ ਸਾਲ ਭਰ ਪਹਿਲੇ ਦੀ ਤੁਲਨਾ 'ਚ 0.8 ਫੀਸਦੀ ਘੱਟ ਹੋ ਕੇ 1.78 ਕਰੋੜ ਟਨ 'ਤੇ ਆ ਗਿਆ। ਨਵੰਬਰ 2018 'ਚ ਇਹ 1.79 ਕਰੋੜ ਟਨ ਰਿਹਾ ਸੀ। ਐੱਮਜੈਕਸ਼ਨ ਦੇ ਪ੍ਰਬੰਧਨ ਨਿਰਦੇਸ਼ਕ ਅਤੇ ਮੁੱਖ ਕਾਰਜਪਾਲਕ ਅਧਿਕਾਰੀ ਵਿਨੇ ਵਰਮਾ ਨੇ ਕਿਹਾ ਕਿ ਤਾਪੀਯ ਬਿਜਲੀ ਪਲਾਂਟਾਂ 'ਚ ਕਮਜ਼ੋਰ ਮੰਗ ਅਤੇ ਸਮੁੰਦਰ ਦੇ ਰਾਹੀਂ ਆਯਾਤਿਤ ਕੋਲੇ ਦੀਆਂ ਕੀਮਤਾਂ 'ਚ ਵਾਧੇ ਨਾਲ ਪਿਛਲੇ ਮਹੀਨੇ 'ਚ ਆਯਾਤ ਘੱਟ ਹੋਇਆ। ਚੌਥੀ ਤਿਮਾਹੀ 'ਚ ਘਰੇਲੂ ਉਤਪਾਦਨ 'ਚ ਵਾਧੇ ਨਾਲ ਆਉਣ ਵਾਲੇ ਮਹੀਨਿਆਂ 'ਚ ਆਯਾਤ ਘੱਟ ਰਹਿਣ ਦੀ ਉਮੀਦ ਹੈ। ਦੇਸ਼ 'ਚ ਵਿੱਤੀ ਸਾਲ 2018-19 'ਚ ਕੋਲਾ ਉਤਪਾਦਨ 73.03 ਕਰੋੜ ਟਨ ਜਦੋਂਕਿ ਆਯਾਤ 23.52 ਕਰੋੜ ਟਨ ਸੀ।