ਚੀਨ ਦਾ ਵਪਾਰ ਸਰਪਲੱਸ 2021 ਵਿੱਚ ਰਿਕਾਰਡ 676.4 ਅਰਬ ਡਾਲਰ ਤੱਕ ਪਹੁੰਚਿਆ

ਪੇਇਚਿੰਗ (ਏਜੰਸੀ) : 2021 ਵਿੱਚ ਚੀਨ ਦਾ ਗਲੋਬਲ ਵਪਾਰ ਸਰਪਲੱਸ ਵੱਧ ਕੇ 676.4 ਬਿਲੀਅਨ ਡਾਲਰ ਹੋ ਗਿਆ। ਇਹ ਸ਼ਾਇਦ ਕਿਸੇ ਵੀ ਦੇਸ਼ ਦੁਆਰਾ ਦਰਜ ਕੀਤਾ ਗਿਆ ਸਭ ਤੋਂ ਵੱਧ ਵਾਧਾ ਹੈ। ਸੈਮੀਕੰਡਕਟਰ ਦੀ ਘਾਟ ਕਾਰਨ ਨਿਰਮਾਣ ਵਿਘਨ ਦੇ ਬਾਵਜੂਦ ਨਿਰਯਾਤ 29.9 ਫੀਸਦੀ ਵਧਿਆ ਹੈ।
ਸ਼ੁੱਕਰਵਾਰ ਨੂੰ ਜਾਰੀ ਕਸਟਮ ਦੇ ਅੰਕੜਿਆਂ ਅਨੁਸਾਰ, ਦਸੰਬਰ ਵਿੱਚ ਦੇਸ਼ ਦਾ ਵਪਾਰ ਸਰਪਲੱਸ ਇੱਕ ਸਾਲ ਪਹਿਲਾਂ ਦੀ ਇਸੇ ਮਿਆਦ ਦੇ ਮੁਕਾਬਲੇ 20.8 ਪ੍ਰਤੀਸ਼ਤ ਵੱਧ ਕੇ ਰਿਕਾਰਡ 94.4 ਬਿਲੀਅਨ ਡਾਲਰ ਹੋ ਗਿਆ।

ਸਮਾਰਟਫ਼ੋਨਾਂ ਲਈ ਪ੍ਰੋਸੈਸਰ ਚਿਪਸ ਅਤੇ ਹੋਰ ਉਤਪਾਦਾਂ ਦੀ ਘਾਟ ਦੇ ਬਾਵਜੂਦ, 2021 ਵਿੱਚ ਨਿਰਯਾਤ  ਵਧ ਕੇ 3,300 ਅਰਬ ਡਾਲਰ ਹੋ ਗਿਆ। ਅਮਰੀਕਾ ਦੇ ਨਾਲ ਇਹ ਸਰਪਲੱਸ 2021 ਵਿੱਚ 396.6 ਬਿਲੀਅਨ ਤੱਕ ਪਹੁੰਚ ਗਿਆ, ਜੋ ਇੱਕ ਸਾਲ ਪਹਿਲਾਂ ਨਾਲੋਂ 25.1 ਪ੍ਰਤੀਸ਼ਤ ਵੱਧ ਹੈ। ਚੀਨ ਦੀ ਦਰਾਮਦ 2021 ਵਿੱਚ 30.1 ਪ੍ਰਤੀਸ਼ਤ ਵਧ ਕੇ 2700 ਬਿਲੀਅਨ ਡਾਲਰ ਹੋ ਗਈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।