ਸ਼ੇਅਰ ਬਾਜ਼ਾਰ ''ਚ ਵੱਡੀ ਗਿਰਾਵਟ : ਸੈਂਸੈਕਸ 800 ਤੋਂ ਵੱਧ ਅੰਕ ਡਿੱਗਾ ਤੇ ਨਿਫਟੀ ਫਿਸਲ ਕੇ 24050 ਦੇ ਪੱਧਰ ''ਤੇ
Monday, Nov 04, 2024 - 10:01 AM (IST)
ਮੁੰਬਈ - ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਅੱਜ ਯਾਨੀ ਸੋਮਵਾਰ (4 ਨਵੰਬਰ) ਨੂੰ ਸੈਂਸੈਕਸ 'ਚ 800 ਤੋਂ ਜ਼ਿਆਦਾ ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। 78,900 'ਤੇ ਕਾਰੋਬਾਰ ਕਰ ਰਿਹਾ ਹੈ। ਨਿਫਟੀ ਵੀ 250 ਤੋਂ ਜ਼ਿਆਦਾ ਅੰਕ ਡਿੱਗ ਕੇ 24,100 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। NSE ਦੇ ਅੰਕੜਿਆਂ ਦੇ ਅਨੁਸਾਰ, ਵਿਦੇਸ਼ੀ ਨਿਵੇਸ਼ਕਾਂ (FIIs) ਨੇ 1 ਨਵੰਬਰ ਨੂੰ 211.93 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਮਿਆਦ ਦੇ ਦੌਰਾਨ, ਘਰੇਲੂ ਨਿਵੇਸ਼ਕਾਂ (DIIs) ਨੇ ਵੀ 1377.33 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।
ਨਿਫਟੀ ਮੀਡੀਆ 'ਚ ਸਭ ਤੋਂ ਜ਼ਿਆਦਾ 1.60 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਤੇਲ ਅਤੇ ਗੈਸ ਅਤੇ ਕੰਜ਼ਿਊਮਰ ਡਿਊਰੇਬਲ ਇੰਡੈਕਸ ਵਿੱਚ ਵੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਉਥੇ ਹੀ ਬੈਂਕ, ਆਟੋ, ਆਈ.ਟੀ., ਮੈਟਲ ਅਤੇ ਰਿਐਲਟੀ ਸੂਚਕਾਂਕ ਅੱਧੇ ਫੀਸਦੀ ਤੋਂ ਜ਼ਿਆਦਾ ਡਿੱਗ ਗਏ।
ਪਿਛਲੇ ਕਾਰੋਬਾਰੀ ਦਿਨ ਵਾਧ ਵਿਚ ਰਿਹਾ ਕਾਰੋਬਾਰ
ਦੀਵਾਲੀ ਦੇ ਮੌਕੇ 'ਤੇ 1 ਨਵੰਬਰ ਨੂੰ ਸ਼ੇਅਰ ਬਾਜ਼ਾਰ 'ਚ ਇਕ ਘੰਟੇ ਦੇ ਮੁਹੱਰਤੇ ਦਾ ਕਾਰੋਬਾਰ ਹੋਇਆ। ਸੈਂਸੈਕਸ 335 ਅੰਕਾਂ ਦੇ ਵਾਧੇ ਨਾਲ 79,724 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਨਿਫਟੀ 'ਚ 99 ਅੰਕਾਂ ਦੀ ਛਲਾਂਗ ਲੱਗੀ ਅਤੇ ਇਹ 24,304 'ਤੇ ਬੰਦ ਹੋਇਆ।
ਕਾਰੋਬਾਰ ਤੋਂ ਬਾਅਦ, ਸੈਂਸੈਕਸ ਦੇ ਸਾਰੇ 30 ਸਟਾਕਾਂ ਵਿੱਚੋਂ, 26 ਉੱਪਰ ਸਨ, ਜਦੋਂ ਕਿ 4 ਹੇਠਾਂ ਸਨ. ਇਸ ਦੇ ਨਾਲ ਹੀ ਨਿਫਟੀ ਦੇ 50 'ਚੋਂ 42 ਸ਼ੇਅਰਾਂ 'ਚ ਵਾਧਾ ਦੇਖਿਆ ਗਿਆ ਅਤੇ ਸਿਰਫ 8 'ਚ ਵਾਧਾ ਦੇਖਿਆ ਗਿਆ।
