ਸੈਂਸੈਕਸ 584 ਅੰਕ ਡਿੱਗਿਆ, ਨਿਫਟੀ 24000 ਤੋਂ ਹੇਠਾਂ, ਆਟੋ ਸੈਕਟਰ ''ਚ ਸਭ ਤੋਂ ਵੱਧ ਵਿਕਰੀ

ਮੁੰਬਈ — ਸੈਂਸੈਕਸ ਅੱਜ ਯਾਨੀ 12 ਨਵੰਬਰ ਨੂੰ ਦਿਨ ਦੇ ਉੱਚੇ ਪੱਧਰ 79,820 ਤੋਂ 950 ਅੰਕ ਡਿੱਗ ਗਿਆ। ਇਸ ਦੇ ਨਾਲ ਹੀ ਨਿਫਟੀ ਵੀ ਦਿਨ ਦੇ ਉੱਚੇ ਪੱਧਰ 24,242 ਤੋਂ 302 ਅੰਕ ਡਿੱਗ ਗਿਆ। ਫਿਲਹਾਲ ਸੈਂਸੈਕਸ 584 ਅੰਕਾਂ ਦੀ ਗਿਰਾਵਟ ਨਾਲ 78,911 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ 22 ਘਟ ਰਹੇ ਹਨ ਅਤੇ 8 ਵੱਧ ਰਹੇ ਹਨ। ਨਿਫਟੀ ਦੇ 50 ਸਟਾਕਾਂ 'ਚੋਂ 36 ਡਿੱਗ ਰਹੇ ਹਨ ਅਤੇ 14 ਵਧ ਰਹੇ ਹਨ। ਐਨਐਸਈ ਦੇ ਸੈਕਟਰਲ ਇੰਡੈਕਸ ਵਿੱਚ ਆਟੋ ਸੈਕਟਰ ਸਭ ਤੋਂ ਵੱਧ ਡਿੱਗਿਆ ਹੈ। NSE ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਨਿਵੇਸ਼ਕਾਂ (FIIs) ਨੇ 11 ਨਵੰਬਰ ਨੂੰ 2,306.88 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਮਿਆਦ ਦੇ ਦੌਰਾਨ, ਘਰੇਲੂ ਨਿਵੇਸ਼ਕਾਂ (DIIs) ਨੇ  2,026.63 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਏਸ਼ੀਆਈ ਬਾਜ਼ਾਰਾਂ ਲਈ ਮਿਸ਼ਰਤ ਕਾਰੋਬਾਰ

ਏਸ਼ੀਆਈ ਬਾਜ਼ਾਰ 'ਚ ਜਾਪਾਨ ਦਾ ਨਿੱਕੇਈ 0.54 ਫੀਸਦੀ ਚੜ੍ਹਿਆ ਹੈ। ਜਦੋਂ ਕਿ ਕੋਰੀਆ ਦਾ ਕੋਸਪੀ 0.82% ਦੀ ਗਿਰਾਵਟ ਨਾਲ ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.34% ਦੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਿਹਾ ਹੈ।
11 ਨਵੰਬਰ ਨੂੰ, ਯੂਐਸ ਡਾਓ ਜੋਂਸ ਇੰਡਸਟਰੀਅਲ ਔਸਤ 0.69% ਵਧ ਕੇ 44,293 'ਤੇ ਅਤੇ S&P 500 0.097% ਵਧ ਕੇ 6,001 'ਤੇ ਪਹੁੰਚ ਗਿਆ। ਨੈਸਡੈਕ 0.062% ਵਧ ਕੇ 19,298 'ਤੇ ਬੰਦ ਹੋਇਆ।

ਕੱਲ੍ਹ ਸ਼ੇਅਰ ਬਾਜ਼ਾਰ ਵਿਚ ਦੇਖਣ ਨੂੰ ਮਿਲਿਆ ਸਥਿਰ ਕਾਰੋਬਾਰ

ਇਸ ਤੋਂ ਪਹਿਲਾਂ ਕੱਲ ਯਾਨੀ 12 ਨਵੰਬਰ ਨੂੰ ਸ਼ੇਅਰ ਬਾਜ਼ਾਰ 'ਚ ਫਲੈਟ ਟ੍ਰੇਡਿੰਗ ਹੋਈ ਸੀ। ਸੈਂਸੈਕਸ 9 ਅੰਕਾਂ ਦੇ ਵਾਧੇ ਨਾਲ 79,496 'ਤੇ ਬੰਦ ਹੋਇਆ।

ਨਿਫਟੀ 'ਚ 6 ਅੰਕਾਂ ਦੀ ਗਿਰਾਵਟ ਦਰਜ ਕੀਤੀ ਗਈ, ਇਹ 24,141 ਦੇ ਪੱਧਰ 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਬੀਐਸਈ ਸਮਾਲ ਕੈਪ 627 ਅੰਕ ਡਿੱਗ ਕੇ 54,286 ਦੇ ਪੱਧਰ 'ਤੇ ਬੰਦ ਹੋਇਆ।

ਸੈਂਸੈਕਸ ਦੇ 30 ਸਟਾਕਾਂ 'ਚੋਂ 18 'ਚ ਗਿਰਾਵਟ ਅਤੇ 12 'ਚ ਤੇਜ਼ੀ ਰਹੀ। ਨਿਫਟੀ ਦੇ 50 ਸਟਾਕਾਂ 'ਚੋਂ 30 'ਚ ਗਿਰਾਵਟ ਅਤੇ 19 'ਚ ਤੇਜ਼ੀ ਰਹੀ। ਜਦਕਿ ਇੱਕ ਸ਼ੇਅਰ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ।