28 ਨਵੰਬਰ ਨੂੰ ਬੰਦ ਹੋਵੇਗਾ ਆਦਿਤਿਆ ਬਿਰਲਾ ਇੰਡੀਆ ਇਨਫਰਾਸਟਰਕਚਰ ਇੰਡੈਕਸ ਫੰਡ ਦਾ NFO

ਮੁੰਬਈ - ਕੇਂਦਰ ਸਰਕਾਰ ਵੱਲੋਂ 2024-25 ਦੇ ਬਜਟ ਵਿੱਚ ਬੁਨਿਆਦੀ ਢਾਂਚੇ 'ਤੇ ਫੋਕਸ ਵਧਾਉਣ ਅਤੇ ਭਵਿੱਖ ਦੇ ਬਜਟਾਂ ਵਿੱਚ ਵੀ ਬੁਨਿਆਦੀ ਢਾਂਚੇ 'ਤੇ ਖਰਚੇ ਵਧਾਉਣ ਦੇ ਸੰਕੇਤ ਦਿੱਤੇ ਜਾਣ ਨਾਲ ਸੰਪਤੀ ਪ੍ਰਬੰਧਨ ਕੰਪਨੀਆਂ ਦਾ ਧਿਆਨ ਵੀ ਬੁਨਿਆਦੀ ਢਾਂਚੇ ਵੱਲ ਵਧਣਾ ਸ਼ੁਰੂ ਹੋ ਗਿਆ ਹੈ। ਹਾਲਾਂਕਿ, ਆਦਿਤਿਆ ਬਿਰਲਾ ਸਨ ਲਾਈਫ ਐਸੇਟ ਮੈਨੇਜਮੈਂਟ ਕੰਪਨੀ ਨੇ ਇਸ ਮਾਮਲੇ ਵਿੱਚ ਬਾਜੀ ਮਾਰ ਲਈ ਹੈ ਅਤੇ ਬੰਬਈ ਸਟਾਕ ਐਕਸਚੇਂਜ (ਬੀਐਸਈ) ਦੇ ਇੰਡੈਕਸ ਫੰਡ ਨੂੰ ਟਰੈਕ ਕਰਨ ਵਾਲਾ ਦੇਸ਼ ਦਾ ਪਹਿਲਾ ਇੰਡੈਕਸ ਫੰਡ ਆਦਿਤਿਆ ਬਿਰਲਾ ਇੰਡੀਆ ਇੰਫਰਾਸਟ੍ਰਕਚਰ ਇੰਡੈਕਸ ਫੰਡ ਪਿਛਲੇ ਹਫ਼ਤੇ ਸ਼ੁਰੂ ਕਰ ਦਿੱਤਾ ਹੈ।

ਹਾਲਾਂਕਿ ਇਸ ਤੋਂ ਪਹਿਲਾਂ ਵੀ ਕਈ ਅਜਿਹੇ ਮਿਉਚੁਅਲ ਫੰਡ ਹਨ ਜੋ ਬੁਨਿਆਦੀ ਢਾਂਚਾ ਕੰਪਨੀਆਂ ਵਿੱਚ ਨਿਵੇਸ਼ ਕਰਦੇ ਹਨ, ਪਰ ਆਦਿਤਿਆ ਬਿਰਲਾ ਸਨ ਲਾਈਫ ਦਾ ਇਹ ਫੰਡ ਬੀਐਸਈ ਦੇ ਬੁਨਿਆਦੀ ਢਾਂਚਾ ਸੂਚਕਾਂਕ ਵਾਂਗ ਚੱਲੇਗਾ। ਕੰਪਨੀ ਦੇ ਸੀਈਓ ਏ. ਬਾਲਾ ਸੁਬਰਾਮਨੀਅਮ ਨੇ ਕਿਹਾ ਕਿ ਨਿਵੇਸ਼ਕ ਇਸ ਫੰਡ ਵਿੱਚ 500 ਰੁਪਏ ਦੇ ਨਿਵੇਸ਼ ਨਾਲ ਸ਼ੁਰੂਆਤ ਕਰ ਸਕਦੇ ਹਨ, ਇਹ ਫੰਡ 28 ਨਵੰਬਰ ਨੂੰ ਬੰਦ ਹੋਣ ਜਾ ਰਿਹਾ ਹੈ ਅਤੇ ਫੰਡ ਦੀ ਅਲਾਟਮੈਂਟ 5 ਦਸੰਬਰ ਨੂੰ ਹੋਵੇਗੀ।

ਮੋਰਗਨ ਸਟੈਨਲੇ ਦੀ ਰਿਪੋਰਟ ਅਨੁਸਾਰ, ਸਰਕਾਰ ਕੰਪਾਊਂਡ ਐਨੁਅਲ ਗ੍ਰੋਥ ਰੇਸ਼ੋ (ਸੀਏਜੀਆਰ) ਦੇ ਅਨੁਸਾਰ ਆਉਣ ਵਾਲੇ ਸਾਲਾਂ ਵਿੱਚ ਬਜਟ ਵਿੱਚ ਬੁਨਿਆਦੀ ਢਾਂਚੇ 'ਤੇ ਹੋਣ ਵਾਲੇ ਖਰਚ ਨੂੰ ਹਰ ਸਾਲ 15 ਫੀਸਦੀ ਵਧਾਏਗੀ। ਇਸ ਲਈ, ਇਸ ਖੇਤਰ ਵਿੱਚ ਨਿਵੇਸ਼ ਦੇ ਵਧੀਆ ਮੌਕੇ ਹਨ। ਦੇਸ਼ ਦੇ ਅੰਮ੍ਰਿਤ ਕਾਲ ਦੇ ਸੁਪਨੇ ਨੂੰ 2047 ਤੱਕ ਪੂਰਾ ਕਰਨ ਲਈ ਬੁਨਿਆਦੀ ਢਾਂਚੇ ਦੀ ਬਹੁਤ ਲੋੜ ਹੈ ਅਤੇ ਇਹ ਫੰਡ ਇਨਫਰਾ ਕੰਪਨੀਆਂ ਦੇ ਵਾਧੇ ਨੂੰ ਧਿਆਨ ਵਿੱਚ ਰੱਖਦਿਆਂ ਸ਼ੁਰੂ ਕੀਤਾ ਗਿਆ ਹੈ।