48,000 ਕਰੋੜ ਰੁਪਏ ਜੁਟਾਉਣ ਦੀ ਤਿਆਰੀ ’ਚ 28 ਕੰਪਨੀਆਂ, ਸਾਲ 2025 ਬਣੇਗਾ ਸਭ ਤੋਂ ਵੱਡਾ IPO ਸਾਲ

ਮੁੰਬਈ - ਭਾਰਤੀ ਆਈ. ਪੀ. ਓ. ਬਾਜ਼ਾਰ ਸਾਲ ਦੇ ਅੰਤ ’ਚ ਜ਼ਬਰਦਸਤ ਰਫਤਾਰ ਫੜਨ ਜਾ ਰਿਹਾ ਹੈ। ਕੁੱਲ 28 ਕੰਪਨੀਆਂ ਦਸੰਬਰ ’ਚ ਲੱਗਭਗ 48,000 ਕਰੋੜ ਰੁਪਏ ਜੁਟਾਉਣ ਦੀ ਯੋਜਨਾ ਬਣਾ ਰਹੀਆਂ ਹਨ। ਇਸ ਨਾਲ 2025 ਪ੍ਰਾਇਮਰੀ ਬਾਜ਼ਾਰ ਤੋਂ ਫੰਡ ਜੁਟਾਉਣ ਦੇ ਮਾਮਲੇ ’ਚ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸਾਲ ਬਣ ਸਕਦਾ ਹੈ।

ਇਹ ਵੀ ਪੜ੍ਹੋ :     ਪੰਜਾਬ ਸਮੇਤ ਦੇਸ਼ ਭਰ 'ਚ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਜਾਣੋ 24K-23K-22K ਦੀ ਕੀਮਤ

ਉਦਯੋਗ ਮਾਹਰਾਂ ਅਨੁਸਾਰ ਕੁੱਲ ਜੁਟਾਈ ਗਈ ਰਾਸ਼ੀ 2 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਸਕਦੀ ਹੈ, ਜਦੋਂ ਕਿ ਪਿਛਲੇ ਸਾਲ 91 ਆਈ. ਪੀ. ਓ. ਦੇ ਜ਼ਰੀਏ 1,59,784 ਕਰੋੜ ਰੁਪਏ ਜੁਟਾਏ ਗਏ ਸਨ। ਇਸ ਸਾਲ ਹੁਣ ਤੱਕ 93 ਮੇਨਬੋਰਡ ਆਈ. ਪੀ. ਓ. ਰਾਹੀਂ 1,54,133 ਕਰੋੜ ਰੁਪਏ ਜੁਟਾਏ ਜਾ ਚੁੱਕੇ ਹਨ।

ਲੰਡਨ ਸਥਿਤ ਕਿਊ ਇੰਡੀਆ (ਯੂ. ਕੇ.) ਦੇ ਮੁੱਖ ਨਿਵੇਸ਼ ਰਣਨੀਤੀਕਾਰ ਅਰਵਿੰਦ ਚਾਰੀ ਨੇ ਕਿਹਾ, “ਇਸ ਵਾਰ ਸਪਲਾਈ ਬਹੁਤ ਵੱਡੀ ਹੈ, ਖਾਸ ਕਰ ਕੇ ਪੀ. ਈ. ਅਤੇ ਵੀ. ਸੀ.-ਬੈਕਡ ਕੰਪਨੀਆਂ ਵੱਲੋਂ।”

ਇਹ ਵੀ ਪੜ੍ਹੋ :     1 ਦਸੰਬਰ ਤੋਂ ਬਦਲ ਜਾਣਗੇ ਇਹ ਨਿਯਮ। ਜਾਣੋ ਕੀ ਹੋਵੇਗਾ ਲਾਭ ਅਤੇ ਕਿੱਥੇ ਹੋਵੇਗਾ ਨੁਕਸਾਨ

ਗੋਲਡਮੈਨ ਸਾਕਸ ਦੇ ਇੰਡੀਆ ਇਨਵੈਸਟਮੈਂਟ ਬੈਂਕਿੰਗ ਸਹਿ-ਮੁਖੀ ਸੁਧਰਸ਼ਨ ਰਾਮਕ੍ਰਿਸ਼ਣਨ ਨੇ ਰਿਪੋਰਟ ’ਚ ਕਿਹਾ, “ਜਿਵੇਂ-ਜਿਵੇਂ ਭਾਰਤੀ ਕੰਪਨੀਆਂ ਕੁਸ਼ਲ ਹੁੰਦੀਆਂ ਜਾ ਰਹੀਆਂ ਹਨ ਅਤੇ ਪਬਲਿਕ ਹੋ ਰਹੀਆਂ ਹਨ, ਉਨ੍ਹਾਂ ਨੂੰ ਭਾਰਤੀ ਨਿਵੇਸ਼ਕਾਂ ਦਾ ਵੱਡਾ ਆਧਾਰ ਮਿਲ ਰਿਹਾ ਹੈ।”

ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕ (ਐੱਫ. ਪੀ. ਆਈ.) ਵੀ 2025 ’ਚ ਭਾਰਤੀ ਆਈ. ਪੀ. ਓ.’ਚ ਕਾਫ਼ੀ ਸਰਗਰਮ ਰਹੇ ਹਨ, ਭਾਵੇਂ ਵਿਆਪਕ ਬਾਜ਼ਾਰ ’ਚ ਉਹ ਨੈੱਟ ਸੈਲਰਜ਼ ਰਹੇ ਹੋਣ। ਉਨ੍ਹਾਂ ਇਸ ਸਾਲ ਭਾਰਤੀ ਆਈ. ਪੀ. ਓ. ’ਚ 8 ਬਿਲੀਅਨ ਡਾਲਰ ਤੋਂ ਜ਼ਿਆਦਾ ਦਾ ਨਿਵੇਸ਼ ਕੀਤਾ ਹੈ।

ਕੁਝ ਸਾਲ ਪਹਿਲਾਂ ਜਿੱਥੇ ਆਈ. ਪੀ. ਓ. ਫੰਡਿੰਗ ਦਾ ਸਿਰਫ ਇਕ-ਚੌਥਾਈ ਹਿੱਸਾ ਘਰੇਲੂ ਸੀ, ਉੱਥੇ ਹੀ 2024 ’ਚ ਤਿੰਨ-ਚੌਥਾਈ ਨਿਵੇਸ਼ ਘਰੇਲੂ ਨਿਵੇਸ਼ਕਾਂ ਤੋਂ ਆਇਆ।

ਇਹ ਵੀ ਪੜ੍ਹੋ :    ਵੱਡਾ ਝਟਕਾ! ਪੁਰਾਣੇ ਵਾਹਨਾਂ ਲਈ ਲਾਗੂ ਹੋਏ ਨਵੇਂ ਨਿਯਮ, ਫੀਸਾਂ ਕਈ ਗੁਣਾ ਵਧੀਆਂ

ਨਵੰਬਰ ’ਚ ਲੈਂਸਕਾਰਟ, ਗ੍ਰੋਅ, ਪਾਈਨ ਲੈਬਸ ਅਤੇ ਫਿਜ਼ਿਕਸਵਾਲਾ ਵਰਗੇ ਕਈ ਯੂਨੀਕਾਰਨ ਦੀ ਲਿਸਟਿੰਗ ਤੋਂ ਬਾਅਦ ਦਸੰਬਰ ’ਚ ਵੀ ਇਕ ਅਤੇ ਯੂਨੀਕਾਰਨ ਵੇਵ ਦੇ ਆਉਣ ਦੀ ਉਮੀਦ ਹੈ।

ਇਸ ’ਚ ਫਰੈਕਟਲ ਦਾ 4,900 ਕਰੋੜ ਰੁਪਏ ਦਾ ਇਸ਼ੂ, ਜੋ ਪਹਿਲਾ ਵੱਡਾ ਏ. ਆਈ. ਆਈ. ਪੀ. ਓ. ਹੈ ਅਤੇ ਕਲੀਨ ਮੈਕਸ ਐਨਵਾਇਰੋ ਸਾਲਿਊਸ਼ਨਜ਼ ਦਾ 5,200 ਕਰੋੜ ਰੁਪਏ ਦਾ ਇਸ਼ੂ ਸ਼ਾਮਲ ਹੈ।

ਸਾਫਟਬੈਂਕ ਦੇ ਸਮਰਥਨ ਵਾਲੇ ਈ-ਕਾਮਰਸ ਯੂਨੀਕਾਰਨ ਮੀਸ਼ੋ ਦਾ 6,000 ਕਰੋੜ ਰੁਪਏ ਦਾ ਇਸ਼ੂ, ਅਕਤੂਬਰ ਦੇ ਅੱਧ ’ਚ ਸੇਬੀ ਵੱਲੋਂ ਮਨਜ਼ੂਰ ਕੀਤੇ ਗਏ ਗੁਪਤ ਤੌਰ ’ਤੇ ਦਾਖਲ ਡੀ. ਆਰ. ਐੱਚ. ਪੀ. ਤੋਂ ਬਾਅਦ ਆ ਰਿਹਾ ਹੈ।

ਇਹ ਵੀ ਪੜ੍ਹੋ :    1 ਲੱਖ ਸੈਲਰੀ ਵਾਲਿਆਂ ਦਾ ਜੈਕਪਾਟ! ਰਿਟਾਇਰਮੈਂਟ 'ਤੇ 2.31 ਕਰੋੜ ਰੁਪਏ ਦਾ ਵਾਧੂ ਲਾਭ

ਦਸੰਬਰ ’ਚ ਆਉਣ ਵਾਲਾ ਸਭ ਤੋਂ ਵੱਡਾ ਆਈ. ਪੀ. ਓ. ਆਈ. ਸੀ. ਆਈ. ਸੀ. ਆਈ. ਪਰੂਡੈਂਸ਼ਿਅਲ ਏ. ਐੱਮ. ਸੀ. ਦਾ 10,000 ਕਰੋੜ ਰੁਪਏ ਦਾ ਇਸ਼ੂ ਹੋਵੇਗਾ, ਜਿਸ ਨੂੰ ਇਸ ਮਹੀਨੇ ਰੈਗੂਲੇਟਰੀ ਮਨਜ਼ੂਰੀ ਮਿਲਣ ਦੀ ਉਮੀਦ ਹੈ। ਇਸ ਇਸ਼ੂ ’ਚ 18 ਬੁੱਕ-ਰਨਿੰਗ ਲੀਡ ਮੈਨੇਜਰਜ਼ ਸ਼ਾਮਲ ਹੋਣਗੇ, ਜਿਨ੍ਹਾਂ ’ਚ 8 ਵਿਦੇਸ਼ੀ ਇਨਵੈਸਟਮੈਂਟ ਬੈਂਕ ਵੀ ਰਹਿਣਗੇ।

ਇਸ ਤੋਂ ਇਲਾਵਾ, ਏ. ਆਰ. ਸੀ.ਆਈ. ਐੱਲ. ਐਸੈੱਟ-ਰੀਕੰਸਟਰਕਸ਼ਨ ਖੇਤਰ ਦੀਆਂ ਸ਼ੁਰੂਆਤੀ ਕੰਪਨੀਆਂ ’ਚ ਹੋਵੇਗੀ ਜੋ ਸੂਚੀਬੱਧ ਹੋਣ ਜਾ ਰਹੀਆਂ ਹਨ।

ਪਾਰਕ ਮੈਡੀ ਵਰਲਡ (1,260 ਕਰੋੜ ਰੁਪਏ) ਵੀ ਦਸੰਬਰ ਆਈ. ਪੀ. ਓ. ਦੀ ਤਿਆਰੀ ’ਚ ਹੈ।

ਲਿਸਟਿੰਗ ਕਾਰਨੀਵਲ

ਦਸੰਬਰ ’ਚ ਆਉਣ ਵਾਲੇ ਪ੍ਰਮੁੱਖ ਆਈ. ਪੀ. ਓ. (ਕਰੋੜ ਰੁਪਏ ’ਚ)

• ਆਈ. ਸੀ. ਆਈ. ਸੀ. ਆਈ. ਪਰੂ ਏ. ਐੱਮ. ਸੀ. –10,000

• ਮੀਸ਼ੋ– 4,250 (ਨਾਲ 175.7 ਮਿਲੀਅਨ ਸ਼ੇਅਰਾਂ ਦਾ OFS)

• ਕਲੀਨ ਮੈਕਸ ਐਨਵਾਇਰੋ ਸਾਲਿਊਸ਼ਨਜ਼ – 5,200

• ਕ੍ਰੈਡਿਲਾ ਫਾਈਨਾਂਸ਼ੀਅਲ – 5,000

• ਫਰੈਕਟਲ ਐਨਾਲਿਟਿਕਸ – 4,900

* ਇਸ ਸਾਲ ਆਈ. ਪੀ. ਓ. ਤੋਂ ਜੁਟਾਈ ਕੁੱਲ ਰਕਮ 2 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਸਕਦੀ ਹੈ; ਪਿਛਲੇ ਸਾਲ ਦਾ ਅੰਕੜਾ 1,59,784 ਕਰੋੜ ਰੁਪਏ ਸੀ

* ਇਸ ਸਾਲ ਹੁਣ ਤੱਕ 93 ਮੇਨਬੋਰਡ ਆਈ. ਪੀ. ਓ. ਜ਼ਰੀਏ 1,54,133 ਕਰੋੜ ਰੁਪਏ ਜੁਟਾਏ ਗਏ ਹਨ

ਇਸੇ ਤਰ੍ਹਾਂ, ਦੋ ਫੂਡ ਕੰਪਨੀਆਂ —

• ਮਿਲਕੀ ਮਿਸਟ ਡੇਅਰੀ ਫੂਡ (2,035 ਕਰੋੜ ਰੁਪਏ) ਅਤੇ

• ਕਿਓਰਫੂਡਸ ਇੰਡੀਆ (800 ਕਰੋੜ ਰੁਪਏ),

ਜੋ ਪ੍ਰੀ-IPO ਪਲੇਸਮੈਂਟ ਦੀ ਵੀ ਯੋਜਨਾ ਬਣਾ ਰਹੀਆਂ ਹਨ, ਦੌੜ ’ਚ ਸ਼ਾਮਲ ਹਨ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt