ਦਮਦਾਰ ਇੰਜਣ ਨਾਲ ਭਾਰਤ ''ਚ ਲਾਂਚ ਹੋਈ Skoda Octavia RS, ਟਾਪ ਸਪੀਡ 250Km ਪ੍ਰਤੀ ਘੰਟਾ

ਜਲੰਧਰ- ਕਾਰ ਮੇਕਰ ਕੰਪਨੀ ਸਕੌਡਾ ਨੇ ਆਪਣੀ ਸੇਡਾਨ ਕਾਰ ਆਕਟਾਵਿਆ ਨੂੰ ਹੋਰ ਵੀ ਜ਼ਿਆਦਾ ਪਾਵਰਫੁੱਲ ਬਣਾਉਣ ਲਈ ਆਕਟਾਵਿਆ RS ਨੂੰ ਲਾਂਚ ਕਰ ਦਿੱਤੀ ਹੈ। ਕੰਪਨੀ ਨੇ ਇਸ ਦੀ ਐਕਸ ਸ਼ੋਅ-ਰੂਮ ਕੀਮਤ ਕੀਮਤ 25.12 ਲੱਖ ਰੁਪਏ ਰੱਖੀ ਹੈ। ਪਰ ਇਹ ਕਾਰ ਆਪਣੇ ਮੌਜੂਦਾ ਰੈਗੂਲਰ ਮਾਡਲ ਤੋਂ ਕਰੀਬ 2.22 ਲੱਖ ਰੁਪਏ ਮਹਿੰਗੀ ਵੀ ਹੈ, ਅਜਿਹੇ 'ਚ ਦੇਖਣ ਵਾਲੀ ਗੱਲ ਇਹ ਹੈ ਕਿ ਇਸ ਨਵੇਂ ਮਾਡਲ 'ਚ ਗਾਹਕਾਂ ਨੂੰ ਅਤੇ ਕੀ ਨਵਾਂ ਮਿਲਣ ਵਾਲਾ ਹੈ।

230 PS ਪਾਵਰ  ਦੇ ਨਾਲ 
ਹੁਣ ਹਾਲਾਂਕਿ ਇਹ ਰੇਗੂਲਰ ਮਾਡਲ ਤੋਂ ਮਹਿੰਗੀ ਹੈ ਅਜਿਹੇ 'ਚ ਇਸ ਦੇ ਇੰਜਣ ਨੂੰ ਜ਼ਿਆਦਾ ਪਾਵਰਫੁੱਲ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਭਾਰਤ ਆਉਣ ਵਾਲੀ ਆਕਟਾਵਿਆ RS 'ਚ 2.0 ਲਿਟਰ ਦਾ ਟੀ. ਐੱਸ. ਆਈ ਟਰਬੋ-ਚਾਰਜਡ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ। ਇਸ ਦੀ ਪਾਵਰ 230 PS ਅਤੇ ਟਾਰਕ 350 NM ਹੈ, ਰੈਗੂਲਰ ਆਕਟਾਵਿਆ ਦੀ ਤੁਲਨਾ 'ਚ ਇਸ 'ਚ 80 PS ਦੀ ਜ਼ਿਆਦਾ ਪਾਵਰ ਅਤੇ 100 NM ਦਾ ਜ਼ਿਆਦਾ ਟਾਰਕ ਮਿਲਦਾ ਹੈ। ਆਕਟਾਵਿਆ RS ਦਾ ਇੰਜਣ 6-ਸਪੀਡ ਡਿਊਲ-ਕਲਚ ਆਟੋਮੈਟਿਕ ਗਿਅਰਬਾਕਸ ਨਾਲ ਜੁੜਿਆ ਹੈ। ਇਸ ਦੀ ਟਾਪ ਸਪੀਡ 250 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। 100 ਦੀ ਰਫਤਾਰ ਪਾਉਣ 'ਚ ਇਸ ਨੂੰ 6.7 ਸਕਿੰਟ ਦਾ ਸਮਾਂ ਲਗਦਾ ਹੈ। ਰਾਈਡਿੰਗ ਲਈ ਇਸ 'ਚ 225/45 ਆਰ 17 ਸਾਈਜ਼ ਦੇ ਟਾਇਰ ਦਿੱਤੇ ਗਏ ਹਨ।

ਡਿਜ਼ਾਇਨ 'ਚ ਥੋੜ੍ਹਾ ਬਦਲਾਵ
ਆਕਟਾਵਿਆ RS 'ਚ ਅਗੇ ਦੀ ਵੱਲ ਨਵਾਂ ਬੰਪਰ ਅਤੇ ਵੱਡਾ ਏਅਰ ਡੈਮ ਦਿੱਤਾ ਗਿਆ ਹੈ, ਜੋ ਇਸ ਨੂੰ ਰੇਗੂਲਰ ਆਕਟਾਵਿਆ ਤੋਂ ਅਲਗ ਬਣਾਉਂਦਾ ਹੈ। ਪਿੱਛੇ ਦੀ ਵੱਲ ਡਿਊਲ ਟ੍ਰੈਪਜੋਡਿਅਲ ਐਗਜਾਸਟ ਪਾਈਪ ਦਿੱਤੀਆਂ ਗਈਆਂ ਹਨ। ਇਹ ਚਾਰ ਕਲਰ ਕੈਂਡੀ ਵਾਈਟ, ਰੇਸ ਬਲੂ, ਕੋਰਿਡਾ ਰੈੱਡ, ਸਟੀਲ ਗਰੇ 'ਚ ਉਪਲੱਬਧ ਹੈ। ਕੈਬਿਨ 'ਚ ਸਭ ਤੋਂ ਪਹਿਲਾਂ ਧਿਆਨ ਅੱਗੇ ਵਾਲੀ ਸੀਟਾਂ ਖਿੱਚੇਗੀ, ਇਸ 'ਤੇ ਬੋਲਸਟਰਿੰਗ ਅਤੇ ਵੀRS ਬੈਜਿੰਗ ਦਿੱਤੀ ਗਈ ਹੈ। ਇਸ 'ਚ ਸਪੋਰਟਸ ਸੀਟਾਂ, ਫਲੈਟ ਬੋਟਮ ਸਟੀਅਰਿੰਗ ਵ੍ਹੀਲ, ਲੈਦਰ ਅਪਹੋਲਸਟਰੀ ਸਮੇਤ ਕਈ ਸਪੋਰਟੀ ਫੀਚਰ ਦਿੱਤੇ ਗਏ ਹਨ।