ਟਰੰਪ ਦੇ ਜਵਾਬੀ ਟੈਰਿਫ ਤੈਅ ਕਰਨਗੇ ‘ਸ਼ੇਅਰ ਬਾਜ਼ਾਰ ਦੀ ਦਿਸ਼ਾ’, FII ਨੇ ਵੀ ਦਿੱਤੇ ਨਰਮੀ ਦੇ ਸੰਕੇਤ

ਨਵੀਂ ਦਿੱਲੀ (ਭਾਸ਼ਾ) - 2 ਅਪ੍ਰੈਲ ਤੋਂ ਲਾਗੂ ਹੋਣ ਵਾਲੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਜਵਾਬੀ ਟੈਰਿਫ ਦਾ ਗਲੋਬਲ ਵਪਾਰ, ਵਿਦੇਸ਼ੀ ਬਾਜ਼ਾਰਾਂ ਦਾ ਰੁਝਾਨ ਤੇ ਵਿਦੇਸ਼ੀ ਨਿਵੇਸ਼ਕਾਂ ਦੀਆਂ ਗਤੀਵਿਧੀਆਂ ਦਾ ਅਸਰ ਇਸ ਹਫਤੇ ਸਥਾਨਕ ਸ਼ੇਅਰ ਬਾਜ਼ਾਰਾਂ ਦੀ ਦਿਸ਼ਾ ਤੈਅ ਕਰੇਗਾ।

ਇਹ ਵੀ ਪੜ੍ਹੋ :     ਦੇਸ਼ ਦੇ ਇਨ੍ਹਾਂ ਇਲਾਕਿਆਂ 'ਚ ਸਫ਼ਰ ਹੋਇਆ ਮਹਿੰਗਾ...NHAI ਨੇ ਟੋਲ ਟੈਕਸ 'ਚ ਕੀਤਾ ਭਾਰੀ ਵਾਧਾ

‘ਈਦ-ਉਲ-ਫਿਤਰ’ ਦੇ ਮੌਕੇ ’ਤੇ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ ਬੰਦ ਰਹਿਣਗੇ। ਅਮਰੀਕਾ ਨੇ 2 ਅਪ੍ਰੈਲ ਤੋਂ ਭਾਰਤ ਸਮੇਤ ਆਪਣੇ ਮੁੱਖ ਵਪਾਰਕ ਭਾਈਵਾਲ ਦੇਸ਼ਾਂ ’ਤੇ ਜਵਾਬੀ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ।

ਮਹਿਤਾ ਇਕੁਇਟੀਜ਼ ਲਿਮਟਿਡ ਦੇ ਸੀਨੀਅਰ ਉਪ-ਪ੍ਰਧਾਨ (ਖੋਜ), ਪ੍ਰਸ਼ਾਂਤ ਤਾਪਸੇ ਨੇ ਕਿਹਾ, \"ਸਾਰੇ ਨਿਗਾਹਾਂ ਹੁਣ ਟਰੰਪ ਦੇ 2 ਅਪ੍ਰੈਲ ਦੇ ਟੈਰਿਫ ਘੋਸ਼ਣਾ ’ਤੇ ਹਨ। ਇਸ ਹਫਤੇ ਘੋਸ਼ਿਤ ਕੀਤੇ ਜਾਣ ਵਾਲੇ ਮੈਕਰੋ-ਆਰਥਿਕ ਅੰਕੜਿਆਂ ’ਚ ਨਿਰਮਾਣ ਤੇ ਸੇਵਾਵਾਂ ਦੇ ਖੇਤਰਾਂ ਲਈ ਪੀ. ਐੱਮ. ਆਈ. ਨਿਵੇਸ਼ਕ (ਖਰੀਦਦਾਰੀ ਪ੍ਰਬੰਧਕ ਸੂਚਕਾਂਕ) ਦੇ ਅੰਕੜਿਆਂ ’ਤੇ ਵੀ ਨਜ਼ਰ ਰੱਖਣਗੇ।

ਇਹ ਵੀ ਪੜ੍ਹੋ :     995 ਰੁਪਏ ਮਹਿੰਗਾ ਹੋਇਆ ਸੋਨਾ, ਚਾਂਦੀ ਵੀ ਪਹੁੰਚੀ 1 ਲੱਖ ਦੇ ਪਾਰ, ਜਾਣੋ ਕੀਮਤੀ ਧਾਤਾਂ ਦੇ ਭਾਅ

ਰੇਲੀਗੇਰ ਬ੍ਰੋਕਿੰਗ ਲਿਮਟਿਡ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ (ਖੋਜ) ਅਜੀਤ ਮਿਸ਼ਰਾ ਨੇ ਕਿਹਾ, \"ਆਗਾਮੀ ਛੁੱਟੀਆਂ ਦੇ ਕਾਰਨ ਘੱਟ ਵਪਾਰਕ ਸੈਸ਼ਨਾਂ ਦੇ ਨਾਲ ਇਕ ਹਫ਼ਤੇ ’ਚ ਘਰੇਲੂ ਮੋਰਚੇ ’ਤੇ ਸੂਚਕਾਂ ਦੀ ਗੈਰ-ਮੌਜੂਦਗੀ ’ਚ, ਬਜ਼ਾਰ ਦੇ ਭਾਗੀਦਾਰ ਗਲੋਬਲ ਵਿਕਾਸ ’ਤੇ ਨਜ਼ਰ ਰੱਖਣਗੇ। ਹਰ ਕੋਈ ਇਸ ਗੱਲ ’ਤੇ ਨਜ਼ਰ ਰੱਖੇਗਾ ਕਿ 2 ਅਪ੍ਰੈਲ ਤੋਂ ਗਲੋਬਲ ਵਪਾਰ ਨੂੰ ਲਾਗੂ ਹੋਣ ਵਾਲੀ ਜਵਾਬੀ ਡਿਊਟੀ ਦਾ ਕੀ ਪ੍ਰਭਾਵ ਪਵੇਗਾ।

ਜੀਓਜੀਤ ਇਨਵੈਸਟਮੈਂਟਸ ਲਿਮਟਿਡ ਦੇ ਮੁੱਖ ਨਿਵੇਸ਼ ਰਣਨੀਤੀਕਾਰ ਵੀ. ਕੇ. ਵਿਜੇ ਕੁਮਾਰ ਨੇ ਕਿਹਾ, \"ਅੱਗੇ ਜਾ ਕੇ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (ਐੱਫ. ਆਈ. ਆਈ.) ਦਾ ਪ੍ਰਵਾਹ ਮੁੱਖ ਤੌਰ ’ਤੇ ਟਰੰਪ ਦੇ ਜਵਾਬੀ ਟੈਰਿਫ ’ਤੇ ਨਿਰਭਰ ਕਰੇਗਾ। ਜੇਕਰ ਡਿਊਟੀ ਦਾ ਮਾੜਾ ਪ੍ਰਭਾਵ ਬਹੁਤ ਜ਼ਿਆਦਾ ਨਹੀਂ ਹੁੰਦਾ ਹੈ ਤਾਂ ਐੱਫ. ਆਈ. ਆਈ. ਦਾ ਪ੍ਰਵਾਹ ਜਾਰੀ ਰਹਿ ਸਕਦਾ ਹੈ।\"

ਇਹ ਵੀ ਪੜ੍ਹੋ :     ਚਾਰਧਾਮ ਦਰਸ਼ਨਾਂ ਲਈ ਗ੍ਰੀਨ ਅਤੇ ਟ੍ਰਿਪ ਕਾਰਡ ਹੋਏ ਲਾਜ਼ਮੀ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਯਾਤਰਾ

ਉਨ੍ਹਾਂ ਕਿਹਾ ਕਿ ਐਫ. ਆਈ. ਆਈ. ਰਣਨੀਤੀ ਵੇਚਣ ਤੋਂ ਮਾਮੂਲੀ ਖਰੀਦਦਾਰੀ |ਚ ਬਦਲ ਗਈ ਹੈ। ਇਹ 21 ਮਾਰਚ ਨੂੰ ਖਤਮ ਹੋਏ ਹਫਤੇ ਵਿਚ ਦੇਖਣ ਨੂੰ ਮਿਲਿਆ ਤੇ ਇਹ ਸਿਲ-ਸਿਲਾ 28 ਮਾਰਚ ਨੂੰ ਖਤਮ ਹੋਏ ਹਫਤੇ |ਚ ਵੀ ਜਾਰੀ ਰਿਹਾ। ਨਿਵੇਸ਼ਕ ਰੁਪਏ-ਡਾਲਰ ਦੇ ਰੁਝਾਨ ਅਤੇ ਗਲੋਬਲ ਆਇਲ ਬੈਂਚਮਾਰਕ ਬ੍ਰੇਂਟ ਕੱਚੇ ਤੇਲ ਦੀਆਂ ਕੀਮਤਾਂ ’ਤੇ ਵੀ ਨਜ਼ਰ ਰੱਖਣਗੇ।

ਜਿਓਜੀਤ ਇਨਵੈਸਟਮੈਂਟਸ ਲਿਮਿਟੇਡ, ਖੋਜ ਦੇ ਮੁਖੀ ਵਿਨੋਦ ਨਾਇਰ ਨੇ ਕਿਹਾ, \"ਇਸ ਹਫ਼ਤੇ ਚਾਰਜ ਦੇ ਸਬੰਧ ’ਚ ਚੀਜ਼ਾਂ ਹੋਰ ਸਪੱਸ਼ਟ ਹੋ ਜਾਣਗੀਆਂ। ਇਸ ਨਾਲ ਨਿਵੇਸ਼ਕ ਵਿਸ਼ਵ ਅਰਥਵਿਵਸਥਾ ’ਤੇ ਇਸ ਦੇ ਪ੍ਰਭਾਵ ਦਾ ਮੁਲਾਂਕਣ ਕਰਨ ਦੇ ਯੋਗ ਹੋਣਗੇ। ਇਸ ਹਫ਼ਤੇ ਦੌਰਾਨ ਅਮਰੀਕਾ ਦੇ ਰੁਜ਼ਗਾਰ ਅਤੇ ਭਾਰਤ ਦੇ ਪੀ. ਐੱਮ. ਆਈ. ਦੇ ਅੰਕੜੇ ਆਉਣ ਵਾਲੇ ਹਨ।

ਇਹ ਵੀ ਪੜ੍ਹੋ :     ATM ਤੋਂ ਨਕਦੀ ਕਢਵਾਉਣਾ ਹੋਵੇਗਾ ਮਹਿੰਗਾ, RBI ਨੇ ਦਿੱਤੀ ਮਨਜ਼ੂਰੀ, ਜਾਣੋ ਕਿੰਨਾ ਹੋਵੇਗਾ ਵਾਧੂ ਚਾਰਜ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8